1 Samuel 18:20 - Kashibo-Kakataibo Biblia

²⁰ ꞌAínbi ka Mical Saúlnën ꞌini bëchikë xanuitsi a Davidtan mërati okë ꞌiakëxa. Mërati okë ñuikania kuati ka Saúl asábi ka kixun sinani kuëëankëxa,

1 Samuel 18:20 ပူးပေါင်းရင်းမြစ်များ

2 Samuel 6:16

Usakin bunántisa okin ꞌakë anua Diosan banakama kuënëokë nankë, a buani anua David ꞌikë ëma anu bëbakania ka Saúlnën ꞌini bëchikë Micalnën aín xubu xëkuë chukúma manámi ꞌikë anun isakëxa; iskëxbi ka aín bënë David ax kuëëni chirinkin ransakia Dios rabikë ax ainan ꞌaisama ꞌiakëxa, usa ꞌain ka ami ꞌatimakin sinánkëxa.

2 Samuel 6:20

Usai kuankantámainun ka David aín xubunu aín xanu isi kuankëxa; kuankin aín xubunu nukúkin iskëxbi ka aín xanu Mical Saúlnën ꞌini bëchikë, ax kuania isbëtsini ukin kakëxa: —¡Bërí kamina mix Israelkaman ꞌapu ꞌaíshbi usai ꞌiax asábi bërúan, min kamina an ꞌë ñu ꞌaxunkë xanukaman ka isia kixun sinanimaishi uni nishkë ꞌikësaira rabinima usai ꞌian!

1 Samuel 14:49

Saúlnën bakë bëchikëkama ka ꞌiakëxa: Jonatán, Isví, ꞌimainun Malquisúa akama. ꞌImainun ka aín ꞌini xanukama ꞌiakëxa: Merab, aín apan ꞌimainun Mical, aín ꞌanáka ashi.

1 Samuel 18:28

Usakin ꞌinánkëxun ka Saúlnën Nukën ꞌIbun ka David ꞌakinia, usa ꞌikë ka ꞌën bëchikë Milcánën kuëënia kixun ꞌunánkëxa,