1 Samuel 18:17 - Kashibo-Kakataibo Biblia

¹⁷ Achúshi nëtën ka Saúlnën David kakëxa: —ꞌËn ꞌini bëchikë apan Merab kakë a kana min xanu ꞌinun mi ꞌinánti ꞌain, usa ꞌain kamina mix ꞌakanantimi rakuë́tima Nukën ꞌIbu mi ꞌakinkëx ꞌakánanti ꞌai kixun kakëxa. ꞌAínbi ka Saúlnën anbi ꞌakinma, këmëxun filisteo suntárukama ꞌamiti sinánxun usakin kakëxa.

1 Samuel 18:17 ပူးပေါင်းရင်းမြစ်များ

2 Samuel 11:15

A kirikanu ka ësokin kuënëoxuankëxa: “Urías kamina axira paian ꞌakanani rëkuë́nkiani anpan kuanti suntárukama akëñun xuti ꞌain, usokin ꞌaxun kamina abë ꞌakanankian ꞌakanun ënti ꞌain.”

2 Samuel 12:9

¿Uisa ꞌixun kaina ꞌën kakësabiokin ꞌakinma ꞌën kuëënkëma ñu ꞌan? Min kamina hitita uni Urías a amonita suntárukama këmëxun ꞌamiakën, ꞌaxun kamina aín xanu ꞌikëbi min xanu ꞌinun biakën.

2 Samuel 6:16

Usakin bunántisa okin ꞌakë anua Diosan banakama kuënëokë nankë, a buani anua David ꞌikë ëma anu bëbakania ka Saúlnën ꞌini bëchikë Micalnën aín xubu xëkuë chukúma manámi ꞌikë anun isakëxa; iskëxbi ka aín bënë David ax kuëëni chirinkin ransakia Dios rabikë ax ainan ꞌaisama ꞌiakëxa, usa ꞌain ka ami ꞌatimakin sinánkëxa.

1 Samuel 14:49

Saúlnën bakë bëchikëkama ka ꞌiakëxa: Jonatán, Isví, ꞌimainun Malquisúa akama. ꞌImainun ka aín ꞌini xanukama ꞌiakëxa: Merab, aín apan ꞌimainun Mical, aín ꞌanáka ashi.

1 Samuel 17:25

abati ka kikankëxa: ¿Uni ax ka amiribishi chikirakëtia ka iskan? ¡Ax ka nu amiribishi ꞌakatsikixun katëkëni uaxa! Uin kara a uni ꞌaia aka, nun ꞌapun ꞌitsaira ñu kupíkë ꞌinánan, aín bëchikë xanuribi aín xanu ꞌinun ꞌinánti ꞌikën, ꞌimainun ka aín aintsikaman ꞌapu kupíokë aribi kupíoxunma ꞌanun ꞌamitima ꞌikën.

1 Samuel 17:36

Usokin kana ꞌën paru ꞌinúan ꞌananbi xaëón an mi ñu mëëxunti ënën rëtëkë ꞌikën. Usaribi okin kana filisteo uni an bëtsi ñu rabikë a ꞌati ꞌain, usa ꞌaínbi ka an Diosan kaískë unikama ꞌakatsikiax ami banaia.

1 Samuel 17:47

ꞌianan ka kamabi uni timë́këkama ënënribi ꞌunánti ꞌikën Nukën ꞌIbun ka manë xëtokën ꞌakananan masibunën ꞌakanania ië́nun aín unikama ië́mima kixun. Nukën ꞌIbun ka uisai karanuna nux mitsubë ꞌakanani anuabi nu bërúanti ꞌikën, usa ꞌixun ka kupímikinma mitsu ꞌanun nu ꞌamiti ꞌikën.

1 Samuel 18:21

kuëënkin ka David aín xanu ꞌixun ka an paránxun filisteo suntárukama ꞌamiti ꞌikë kixun sinánkëxa. Usakin sinánxun ka amiribishi David katëkëankëxa: —Bëríra kamina ꞌën piaka ꞌinuxun ꞌain.

1 Samuel 18:25

Usakin ñuixunkëxun ka Saúlnën an ñu ꞌakinkë unikama David filisteo unikama ꞌamiti sinánkin ësakin kakëxa: —David kamina ꞌën ꞌini bëchikë aínan ꞌiti bikian, añubi ꞌë ꞌinanxuma ꞌanun kati ꞌain, ꞌëx kana ꞌapu ꞌaish kuëënin ꞌëa cien filisteo uni ꞌaxun aín nëtokë ñu rëbu maxaka tëakin bixun bëxunun kati ꞌain, usakin ꞌakëbëtan kana ꞌëmi nishkë unikama ꞌatima oti ꞌain. Asérabi ka Saúl filisteo unikaman ꞌati kuëëankëxa.

1 Samuel 18:27

Ësakin sinánkin ka David ain suntárukama uani kuanx abë ꞌakanankin doscientos filisteo suntáru ꞌakëxa. ꞌAtankëxun bibiankin ka filisteo suntárunën nëtokë ñu rëbu maxaka ꞌapu aín piaka ꞌisatankin, buánxun ꞌinánkëxa, ꞌinánkëxun ka Saúlnën aín ꞌini bëchikë Milcá ꞌain xanu ꞌinun ꞌinánkëxa.