1 Samuel 17:55 - Kashibo-Kakataibo Biblia

⁵⁵ Bërámabi ka Saúlnën aín suntárunën kushi comandante Abner a ñukákë ꞌiakëxa, David axa filisteo uni Goliat a ꞌanux kuania iskin: —Abner ¿Uin bëchikë kara uni bëna ux ꞌik?

1 Samuel 17:55 ပူးပေါင်းရင်းမြစ်များ

Génesis 42:15

usa ꞌain kana ꞌën mitsu ësokin tanin: ꞌËnbi kana ꞌapu faraónën anën mitsu kain ënuax kamina min xukën ꞌanákaira ax pain utamainun uíxbi chikítima ꞌain.

1 Samuel 1:26

Buánxun ka Anan kakëxa: —ꞌËn ꞌIbu ꞌë kamina uisabi otima ꞌain, mix kamina bërí ënu ꞌain, ꞌëx kana an mi rapasunuxun Nukën ꞌIbu ñukákë xanu a ꞌain.

1 Samuel 14:50

ꞌImainun ka Saúlnën xanun anë ꞌiakëxa Ahinóam kakë, usa ꞌain ka Ahimaasnën bëchikë xanu ꞌiakëxa. Saúlnën suntárukaman ꞌapu general aín anë ka ꞌiakëxa Abner Nernën bakë bëchikë, Nernëx ka ꞌiakëxa Saúlnën paitsi.

1 Samuel 16:12

Kakëxun ka Jesénën an ñu mëëxunkë uni achúshi barixua bitánun xuakëxa xukëx kuanxun bitsínkin bëakëxa. A bëná uni ax ka ain bëmanamiax upí ꞌianan ranshin uni ꞌiakëxa. Usa ꞌain ka Nukën ꞌIbun Samuel kakëxa: —Ënë kamina axa ꞌapu ꞌinun anëti ꞌain.

1 Samuel 17:54

Bimainun ka Davidnën filisteo uni Goliat aín maxká ꞌimainun anúan ꞌakanankë ñukama a bibiankin Belén anua aín xubu ꞌikë anu nankin buánkëxa anuxun ka basikëbëtan Jerusalénnu nankin buánkëxa.

1 Samuel 17:56

Ësokin ñukákëxunbi ka —kana ꞌunanima —kixun ka Abnernën kakëxa. —Asabi ka min kamina uin kara ꞌunánxa a ñukáxun ꞌë kati ꞌain —kixun ka Saúlnën kakëxa.

1 Samuel 17:58

anu kuankë ka Saúlnën ñukákëxa: —ꞌË kamina kati ꞌain ¿uin bëchikë kaina mix ꞌain? Kixuan ñukákëxun ka Davidnën kakëxa: —ꞌËx kana Jesé an mi ñu ꞌaxúnti Belénnua ꞌikë uni ain bëchikë ꞌain.