1 Samuel 17:49 - Kashibo-Kakataibo Biblia

⁴⁹ usai nirakëkinshi ka aín ñusuti nua maxax bikinshi aín shínkatinu ꞌarukin mañakinshi anun nikin aín bëmánanu Goliat filisteo uni a ꞌakëxa. Usokin aín bëmanabi pëánkakin ꞌakëx ka anua nikë anuaxbi aubi bëómëti nipakëakëxa.

1 Samuel 17:49 ပူးပေါင်းရင်းမြစ်များ

1 Reyes 22:34

ꞌAínbi ka sirianun ꞌikë suntárunën aín kanti pia manámiokin nóokin nikinbi, anunbia bamatanun aín xabankë xanpëskabianxun Israelnu ꞌikë ꞌapu ꞌakëxa. ꞌAkëxun ka an caballonën nirinkë carreta an buánkë suntáru kakëxa: —Nirakëti kamina kuainakëti ꞌain, ꞌë kamina ꞌakanankënua chikínti ꞌain ꞌë ka tëtsórutisamaira okin ꞌakania.

1 Samuel 17:48

Usakin kakëxa Goliat nirukuatsini a ꞌurama obëtsini ukëbë ka David anuxun ꞌanux abákiani kuanx a ꞌurama nirakëakëxa:

1 Samuel 17:50

Usokin ka filisteo uni a Davidnën ꞌakëxa. Achúshi shínkati ꞌimainun achúshi maxax anuinshi ka Davidnën a uni rëtëakëxa. Usakin ꞌaíkuani ka achúshi manë xëtokëbi buanima kuanxun ꞌakëxa,

1 Samuel 19:5

an ka filisteo uni achúshi axa ꞌakánanti ꞌunánkë ꞌikëbi ꞌakëmasa okinshi Goliat an ira ꞌaisa ꞌixunbi ꞌaxa, usakin ka Israel unikama ꞌakinun Nukën ꞌIbun ꞌamiaxa, ꞌaia kamina minbi isan isi kamina ꞌitsaira kuëan. ¿Usa ꞌain kamina ñu ꞌaisama ka ꞌakëma ꞌikë David ꞌati sinántima ꞌain?