1 Samuel 17:37 - Kashibo-Kakataibo Biblia

³⁷ Nukën ꞌIbu an ꞌë paru ꞌinúan ꞌimainun xaë́onnën bisa tana nitsiabi ꞌë ꞌakinkë, an ka filisteo uni ënë ꞌaia ꞌë ꞌakinti ꞌikën. Ësai kia kuakin ka Saúlnën kakëxa: —Asabi ka usa ꞌain kamina Nukën ꞌIbun mi ꞌakimainun ꞌai kuanti ꞌain.

1 Samuel 17:37 ပူးပေါင်းရင်းမြစ်များ

Salmos 118:6

Dios ax ka ꞌëbë ꞌikën; usa ꞌain kana ꞌëx rakuëtima. ¿Usa ꞌikë kara unikaman uisa ꞌë oti ꞌik?

Salmos 63:7

mix kamina an ꞌë ꞌakinkë a ꞌain. ¡Usa ꞌain kana ñuina pëchiñunën ꞌain tuá bërúankin ꞌain pëchi tëmú ꞌakësa usaribi okinmi ꞌakëx chuámarua tani min bërúankëx kuëënin!

Daniel 3:17

Nukamanu rabikë Dios an ka numi tsi rëkirukë mëu nianan uisa kaina mix ꞌapu ꞌixun nu oisatani, usakin min ꞌaiabi nu ië́miti ꞌikën.

Josué 1:17

Usa ꞌain kananuna min kakëxun min bana tankin ꞌanan, Moisésnën kakëxun ꞌásabiokin ꞌati ꞌain. Usa ꞌain kananuna nukaman kuëënin Diosan ka Moisés ꞌakiansaribi okin miribi ꞌakinti ꞌikën.

Rut 2:4

Usai anu tëmainun ka naë ꞌibu Booz ax Belénnuax aín unikaman kara an ñu ꞌapákë bitsia kixun isi uakëxa ukin ka an ñu bimi bikë unikama uisa kaina ꞌain, kixun atu kakëxa: —¡Nukën ꞌIbun ka mitsu ꞌakinkin bërúanti ꞌikë kixun kakëxa! Kakëxun ka atúnribi kakëxa: —Miribi ka Nukën ꞌIbun upíokin sinánxukin ꞌakinti ꞌikë kixun kakankëxa.

1 Samuel 17:36

Usokin kana ꞌën paru ꞌinúan ꞌananbi xaëón an mi ñu mëëxunti ënën rëtëkë ꞌikën. Usaribi okin kana filisteo uni an bëtsi ñu rabikë a ꞌati ꞌain, usa ꞌaínbi ka an Diosan kaískë unikama ꞌakatsikiax ami banaia.

1 Samuel 17:38

Usokin katankëxun ka Saúlnën raíri suntárukaman David an pañukë aín chupa abi pañumianan aín mañukë manë maiti aribi ꞌamianan aín manë chupa anun aín shikan mapumikin pañuminun kakëxa.

1 Samuel 20:13

ꞌaínbi kana ꞌën papan mi ꞌatima oti sinántëkënkëbëtan ꞌën mi abátanun kanan upitaxmi kuantanun ꞌakiniama Nukën ꞌIbun uisakin kara ꞌaisa tania, usakin ꞌë ꞌatima oti ꞌikën. ¡Usa ꞌain ka Nukën ꞌIbun mi ꞌakinti ꞌikën ꞌën papa ꞌakiansaribi okin!

1 Samuel 24:19

Ax ka asérabi ꞌikën, uínbi ka ax ami nishkë uni mërakin usabi ꞌinun ënima ka uisa oxun kara ꞌati ꞌikë kixun sinánxun ꞌaisama oia. Usa ꞌain ka Nukën ꞌIbun mi upíokin ꞌakinti ꞌikën ꞌëmi bërí ꞌakinkësa ësaribiokin.

1 Samuel 7:12

Usakin ꞌan ka Samuelnën achúshi mapara chaiira bixun Mispá kakë ëmabëa Sen kakë me sënënakëkë anu nitsíankëxa, nitsintankëxun ka Eben-ézer kakin anëakëxa anëi ka ësai kiakëxa: “Bërí ka ënuxun Nukën ꞌIbun nukama ꞌakianxa kiax kiakëxa.”