1 Samuel 17:35 - Kashibo-Kakataibo Biblia

³⁵ nuibianxun ꞌën ñuina xëñubiankin buaniabi nipamikin rishkixun rëkë ꞌain. Usokëx ꞌë ribi bikatsikiax aiabi kana, aín kuëshánu bixun rishkikin rëtëkë ꞌain.

1 Samuel 17:35 ပူးပေါင်းရင်းမြစ်များ

Salmos 91:13

ꞌIanan kamina paru ꞌinúan ꞌimainun, ñuinakan ꞌëobu runu akama nëbëtsi nikëbi ka mi uisabi otima ꞌikën.

Daniel 6:22

ꞌËn Diosan ka ꞌë uisabi oima paru ꞌinúankama kuëëtsë́kinun an ꞌimiti ain ángel xuaxa, Diosan ka ꞌëx kana uisa ñu ꞌatimabi ꞌakëma ꞌai kixun ꞌunánan ꞌën kana uisa ñu ꞌatimabi mix ꞌapu ꞌikë ꞌaxunkëma ꞌai kixun ꞌunánxa.

Amós 3:12

Ësai ka Nukën ꞌIbu kia: “An ñuina bërúankë unían paru ꞌinúanën pikëbi aín, taë rabë́ bianan aín pabí rëbura bikë usaribiti ka Israel unikama axa Samaria menu tsókë akamax ꞌitsamashi abáti ꞌikën, ꞌianan ka an xubu upíirakama anu tsóti ꞌanan, ami tëpi rakati Damasconu ꞌikë xubukama anu ꞌakë atúxribi abáti ꞌikën.”

1 Samuel 17:34

Kia ka Davidnën kakëxa: —ꞌËn kana ꞌën papan ꞌarakakë ñuinakama bërúankin paru ꞌinúanën bianan xaë́onnën achúshi ovejakama anua ꞌikë anua bixun buaniabi,

1 Samuel 17:36

Usokin kana ꞌën paru ꞌinúan ꞌananbi xaëón an mi ñu mëëxunti ënën rëtëkë ꞌikën. Usaribi okin kana filisteo uni an bëtsi ñu rabikë a ꞌati ꞌain, usa ꞌaínbi ka an Diosan kaískë unikama ꞌakatsikiax ami banaia.