1 Samuel 17:32 - Kashibo-Kakataibo Biblia

³² Kamikëx kuaxun ka Davidnën ñukákëxun Saúl kakëxa: —Uíxbi ka filisteo uni aín bana kuati ami kana rakuë́ti kiax kitima ꞌikën, ꞌëx kana mitsun ismainunbi a unibë ꞌakanani kuanti ꞌain.

1 Samuel 17:32 ပူးပေါင်းရင်းမြစ်များ

Isaías 35:4

kanan kamina axa rakuë́ti ꞌishtun banakëma unikama aribi: “Rakuëama ꞌinun kati ꞌain. ¡An nu ië́miti Nun Dios ka nu ꞌurama ꞌaish nubëbi ꞌikën, ꞌianan ka mitsumi nishkë unikama atux kuëënkësa okin tëmëramiti ꞌikën!”

Isaías 7:4

kuanxun kamina anua kai kuanti ꞌain: ꞌËn mi kakëx kamina bërúankati ꞌain, ꞌaínbi kamina ratutima ꞌain; ꞌianan kamina ami rakuë́ti ñusma kantima ꞌain a ꞌapu rabë́ ax ka tsi bimikëxa aín kuin tëxëkirui ënxakë usaribi ꞌikën, ꞌitankëx nëtë́kë usaíshi ka Resín aín suntáru siriokamabë, ꞌianan Remalíasnën bëchikë akamax tsi ërë́rukësaribi ꞌitánun nishaxa.

Números 13:30

Ësakin atun ñuixunia kuati sharákin Moisés ñukai kikania okin ka Caleb kakë uni an kamabi Israel unibu nëtëmikin, ësokin kakëxa: —¡Nun kananuna a mekama atubë ꞌakanantankëxun bitsi kuanti ꞌain! ¡Nux kananuna a unikama tupuma ꞌain, usa ꞌixun kananuna atu ꞌatankëxun aín me biti ꞌain!

Números 14:9

Usa ꞌain kananuna nun Nukën ꞌIbumi ꞌatimakin ñui, a menu ꞌikë unikamami uakamë iëoia rakuë́tima ꞌain, akamax ka nux ami rakuë́tisama ꞌikën; ꞌianan ka an atu ꞌakinti ꞌaíma ꞌikën, nux kananuna an nu ꞌakinti Nukën ꞌIbubë ꞌain. ¡Usa ꞌain kamina rakuë́tima ꞌikanin!

Hebreos 12:12

Usa ꞌain camina tëmëraibi masá nuituquinma upí oquin sinani ami cushi Cristomi catamëti ꞌain.

1 Samuel 14:6

Anuxun ka Jonatánnën abëa kuankë aín uni kakëxa: —ꞌUkëmanan kananuna kuanti ꞌain, uinua karanuna uni ꞌaisama kamanuaxa ukë suntárukama a mërai anuishi kananuna bërúti ꞌain. Nux anun ꞌakamati ñu ka ꞌaíma ꞌikën, usa ꞌain ka Nukën ꞌIbun ꞌitsa unibëtanmabi, ꞌitsamara ꞌixunbi ꞌanun nu ꞌamiti ꞌikën.

1 Samuel 16:18

Kakëxun ka an ñu mëëxunkë uni achúshitan kakëxa: —ꞌËn kana Jesé Belénnu tsókë aín bëchikë achúshinën upíokin arpa ꞌaia isan; ꞌimainun ka ax ꞌakánanti rakuëma ꞌianan, asérabi ax kikësabiokin ñu ꞌaia, usa ꞌikë ka Nukën ꞌIbun ꞌakinia.

1 Samuel 17:31

Usa ꞌain ka suntáru raírinën David banaia kuabianxun Saúl ñuixuankëxa, ñuixunkëxun ka Saúlnën David anu kuanun kixun kamiakëxa.