1 Samuel 17:28 - Kashibo-Kakataibo Biblia

²⁸ ꞌAínbi ka Eliab aín xukë́n apan ax atubëa banaia kuati ami nishkin aín xukë́n ꞌanáka David a kakëxa: —¿Añu ꞌakatsikiax kaina mix ënu utëkëan? ¿Uimi kaina ñuinakama ꞌitsamara ꞌikëbi anu uni ꞌikëma menu ëbëtsian? ꞌËn kana mi ꞌunan mix kamina këmëax niti ꞌunan ꞌain, usa ꞌaish kamina uisai kara ꞌakanania iskatsikiax uan.

1 Samuel 17:28 ပူးပေါင်းရင်းမြစ်များ

Génesis 37:11

Usa ꞌain ka aín xukë́n apankama ꞌaisamairai ami xuamati nishakëxa, usai atux ꞌia iskin ka aín papan aín nuitu mëushi ënë ñukama manukima sinánkëxa.

Génesis 37:4

Aín papan atu ꞌakësamaira okin kuëënia ꞌunani ka aín xukë́n apankamax Josémi xuamati nishi nutsi a istisama tani abëbi banatisama tankëxa.

Génesis 37:8

Ësokian ñuixunkëxun ka aín xukën apan achúshinën kakëxa: —¿Usa ꞌain karamina mix nukaman ꞌapuira ꞌianan an nu ñumëmikë uni ꞌiti ꞌain? Usakian ain namákë ñuixunkëx ka atiaira ami xuamati aín xukë́nkama nishakëxa.

Proverbios 27:4

Xuamati uni ꞌakatsi nishkë, ꞌimainun ñu ꞌakatsi nishkë an ka uni ꞌatimanun ꞌimia, ꞌaínbi ka bëtsin ñu ꞌakëbë nutsikë ax nëtë́tima ꞌikën, ꞌimainun ka sinanima kishikë ꞌikën.

Mateo 10:36

Usa ꞌain ca axa ꞌëmi catamëtia oquin unin aín aintsibi ꞌatimoti ꞌicën.

Marcos 3:21

Usai ꞌia cuabiani ca aín aintsi ꞌibu ax —sapi ca ñunshíanxa —quiquiani Jesús bitsi cuancëxa.

Judas 1:10

Usa ꞌaínbi ca a unicama an ꞌunáncëma ñu ñui ꞌatimati banaia. Sinánñuma ꞌixuan ñuinacan uisa cara oia quixun sinánquinmaishi ñu ꞌacësaribi oquin ca a unicaman aín cuëëncësa oquinshi ñu ꞌaia. Usaquin ꞌai ca atúxbi ꞌatimatia.

1 Samuel 16:13

Kakëxunshi ka ñuina manchanua ꞌarukë xëni bikin aín xukë́n apankama ismainunbi David kakë uni bëná aín maxkánu axa ꞌapu ꞌinun anëkin xëni tutukaxa. Usokëbëshi ka Nukën ꞌIbun bëru ñunshin anu uax ꞌiruakëxa. Usokin ꞌabiani ka Samuel kana kuanin kixun atu kabiani Ramánu ꞌikë aín xubunu kuantëkëankëxa.

1 Samuel 16:7

ꞌAínbi ka Nukën ꞌIbun kakëxa: “Uisa kara kixun ñachanan kamina uiti chaxkë́ kara kixun istima ꞌain, ꞌëx kana ax ꞌiti kuëëniman. ꞌËx kana unin iskë ñu ñui kikëma ꞌain; unin ka uisa kara bëtsi uni ꞌikë kixun isia, usa ꞌaínbi kana ꞌën uisakin kara unin sinania a ꞌunanin.”

1 Samuel 17:29

Kixuan kakëxunbi ka Davidnën aín xukë́n apan kakëxa: —¿Añu ꞌaisama karana ꞌën ꞌan? ꞌëxribi kana ñu ñui banati ꞌain, usa ꞌain kamina banaxma ka nëtët kixun min ꞌë katima ꞌain Kixun ka Davidnën aín xukë́n kakëxa.