1 Samuel 17:26 - Kashibo-Kakataibo Biblia

²⁶ Usa ꞌain ka Davidnën usai kia kuakëma ꞌixun a rapasu ꞌikë suntárukama ñukákëxa: —¿Añu kara an filisteo uni axa Israelkama ꞌakatsikiax xuamati banakë a nëtë́tanun ꞌaia an ꞌakë uni a ꞌinánti ꞌik? ¿Ax añuira ꞌixun kara a filisteo uni upíma ꞌixun an Diosan kaískë unikama usokin ꞌakatsikixun ñuiti ꞌik?

1 Samuel 17:26 ပူးပေါင်းရင်းမြစ်များ

2 Reyes 19:4

ꞌËn sinánkëxun sapika min Diosan aín ꞌapúan xukëx Asirianu ꞌikë suntárunën kushikama ꞌatimai banai kikë atun banakama kuakë ꞌiti ꞌikën atux ka Israel unikaman Dios ñui ꞌatimati banaxa usa ꞌain sapi ka a kuaxun Diosanbi a ñuia kikë akama ꞌaisama okin tëmëramiti ꞌikën. Usa ꞌain kamina axa bërúkë nukama achúshi okin Dios ñukáxunti ꞌain.

Daniel 5:23

Usa ꞌain kamina mix ꞌapu ꞌaish Nukën ꞌIbu Dios naínu ꞌikë ami kuaikin mesanuxun ami xëakë xampakama anuxun Dios rabiti xubunua ꞌia akama bëan, bëxun kamina min kamikë unikamabëtan ami uvas baka paëokin vino ꞌakë xëakin min dioskama kuri, manë uxua, manë panshian, manë tunan, i ꞌakë ꞌimainun maxá ꞌakë mitsun dioskama rabikin ami xëan; akaman ka isima ꞌimainun kuatima ꞌianan ka añu ñubi ꞌunanima. Usa ꞌaínbi kamina Dios an mix ꞌapu ꞌikë bërúankin tsónun ꞌimikë a rabikëma ꞌain, an ka an kuëënkësa okin mi kamabi ñu min ꞌakë a ꞌanun mi ꞌamiaxa.

Daniel 6:27

Ax ka an uni ië́mianan upiti tsónun ꞌakinkë a ꞌikën; an ka unin iskëma ñu chaiirabu naínu ꞌanan menuribi ꞌaia. An ka Daniel paru ꞌinúankaman aín ꞌuntsisan ꞌati ꞌikëbi ië́miaxa.

Daniel 9:16

Nukën ꞌIbu nun kananuna ꞌunanin mix kamina axa nuibanairakë a ꞌain. Usa ꞌain kamina Jerusalénnu tsókë unikamami mix nishkë a ënti ꞌain, ax ka min ëma ꞌianan min bashi ꞌupíira kakë a ꞌikën. Kamabi menu ꞌikë unikama atu ꞌurama ꞌikë ax ka Jerusalén ꞌimainun an mi rabikë unikama ami kuaia, nux ꞌuchakë kupí ꞌianan ka nun chaitiokëkama ꞌucha kupín usai ꞌikania.

Joel 2:19

ꞌai ka kiakëxa: ꞌËnbi kana trigo bimi ꞌimainun uvas baka ꞌakë vino ꞌimainun xëni akama kuëëntanun ꞌinánti ꞌain; usokëxa numin ꞌianan, shimatëkënima ꞌikëbëtan kana; an bëtsi dioskama rabikë unikama mitsumi kuaitëkënun ꞌimitima ꞌain.

1 Tesalonicenses 1:9

Usa ꞌixun ca nun cacëxunmabi mitsúnmi nu upí oquin bicë a ñuia. Ñuianan ca mitsux ismina unínbia ꞌacë ñuishi rabia ꞌixunbi a ënquin, axëshia Dios ꞌaish bamatimoi tsócë Nucën Papa Dios, ashi rabianan ax quicësabi oi ꞌi quixun ñuia.

Josué 3:10

Ax ka nubë ꞌikë kixun nukaman ꞌunánun ka Diosan aín kushínbi aín menu bëbakin nun cananeo, hititas, heveos, ferezeos, gergeseos, amorreos ꞌimainun jebuseos akamabi aín me bikuanti ꞌikën.

1 Juan 5:20

ꞌUnánan cananuna ësaquinribi ꞌunanin, aín Bëchicënën ca ënë menu ax uá ꞌaínu ami catamëtia uisa cara Nucën Papa Dios, axëshia asérabi Dios, ax ꞌicë quixun nu ꞌunánmia. Aín Bëchicë, Jesucristo, ax nubë ꞌain cananuna an ꞌaquincëx ax cuëëncësabi oi tsotin. Ax ca axëshi asérabi Dios ꞌaínu nux ainan ꞌaish abë xënibua ꞌaínbi ꞌiti a ꞌicën.

1 Samuel 11:2

Ësokin kakëxun ka Nahas amonita an kakëxa: —Mitsubëtan kana achúshi ñu mëníoti ꞌain, ꞌaínbi kamina ꞌën suntárukaman mitsu achúshi achúshinën bëru mëkeu ꞌikë ëchipanun ꞌamiti aín, usakin ꞌaxun kananuna Israel unikama tëmëramiti ꞌain.

1 Samuel 14:6

Anuxun ka Jonatánnën abëa kuankë aín uni kakëxa: —ꞌUkëmanan kananuna kuanti ꞌain, uinua karanuna uni ꞌaisama kamanuaxa ukë suntárukama a mërai anuishi kananuna bërúti ꞌain. Nux anun ꞌakamati ñu ka ꞌaíma ꞌikën, usa ꞌain ka Nukën ꞌIbun ꞌitsa unibëtanmabi, ꞌitsamara ꞌixunbi ꞌanun nu ꞌamiti ꞌikën.

1 Samuel 17:10

Bërí kana ꞌëx Israel kaman suntárukamabë ꞌakanainsairatani: ¡Usa ꞌain kamina achúshi uni ꞌëbë ꞌakanani unun xuti ꞌain!

1 Samuel 17:30

Usakin katankëx ka David aín xukë́n ëbuini anuax kuaiankëxa, kuainxun ka raíri suntárukama ñukákëxa, ñukákëxunbi ka rairinëa kakësokinbi katëkënkankëxa.

1 Samuel 17:36

Usokin kana ꞌën paru ꞌinúan ꞌananbi xaëón an mi ñu mëëxunti ënën rëtëkë ꞌikën. Usaribi okin kana filisteo uni an bëtsi ñu rabikë a ꞌati ꞌain, usa ꞌaínbi ka an Diosan kaískë unikama ꞌakatsikiax ami banaia.

1 Samuel 31:4

Usokia ꞌakankëxun ka Saúlnën an manë pará tuixunkë uni a kakëxa: —Min manë xëtokë bikin kamina anun bëríbi ꞌë ꞌati ꞌain, ꞌëx kana filisteo unikama an Dios rabikëma kamaxa ꞌë ꞌatankëx ꞌëmi kuaiti kuëëniman. Usokian kakëxunbi ka an aín manë pará tuinxukë uni an usokin ꞌaisama tani ꞌitsaira rakuë́akëxa. Usai ꞌikëbëtan ka Saúlnën aín manë xëtokë bitsi anun abi tarókati bamakëxa.