1 Samuel 17:25 - Kashibo-Kakataibo Biblia

²⁵ abati ka kikankëxa: ¿Uni ax ka amiribishi chikirakëtia ka iskan? ¡Ax ka nu amiribishi ꞌakatsikixun katëkëni uaxa! Uin kara a uni ꞌaia aka, nun ꞌapun ꞌitsaira ñu kupíkë ꞌinánan, aín bëchikë xanuribi aín xanu ꞌinun ꞌinánti ꞌikën, ꞌimainun ka aín aintsikaman ꞌapu kupíokë aribi kupíoxunma ꞌanun ꞌamitima ꞌikën.

1 Samuel 17:25 ပူးပေါင်းရင်းမြစ်များ

Esdras 7:24

ꞌImainun ka ënëribi ꞌunánkanti ꞌikën, uisaxunbi ka sacerdote, Levitas ꞌimainun axa kantati ꞌunánkë unikama ꞌianan, an xëkuë bërúankë a ꞌimainun an anuxun Dios rabiti xubunuxun ñu mëëkë unikama atúxribi ka kupíonun kixun ꞌapun kakë ꞌitima ꞌikën.

Mateo 17:26

Cacëxun ca Simón Pedronën cacëxa: —Aín aintsicamama, bëtsi unicama ca a curíqui ꞌinánun quixun caia. Cacëxun ca Jesusan cacëxa: —Ca usa ꞌicën. Aín aintsicaman ca a curíqui ꞌinanima.

Apocalipsis 2:17

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma unicama cana anúan masá nuitutíma upitax ꞌiti a ꞌinánti ꞌain. Bëráma Nucën Papa Diosan camabi nëtën maná cacë piti judíos unicama ꞌinánsaribi oquin cana maná, ꞌën nëtënu unëcë, a unicama ꞌinánti ꞌain. ꞌInánan cana maxax uxua, a unicama achúshi achúshi, anu aín anë itsi cuënëocë, a ꞌinánti ꞌain. Uni itsían ꞌunaniamabi ca acama achúshi achúshinënshi aín anë ꞌunánti ꞌicën.

Apocalipsis 2:7

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma uni, a cana Nucën Papa Diosan nëtënu ꞌicë i, aín bimi a cüax bamatima, a cunun ꞌinánti ꞌain.

Apocalipsis 3:12

Axa ꞌëmi catamëquin ꞌëx cuëëncësabi oi ꞌiti ëncëma unicama, a cana anua Nucën Papa Dios ꞌicë anubia nëtë́timoi ꞌinun ꞌimiti ꞌain. Anuaxa chiquítimoquin ca Nucën Papa Diosan ꞌimiti ꞌicën. ꞌËn Papa Diosan anëbi cana a unicamanu cuënëoti ꞌain. Cuënëonan cana anu Nucën Papa Dios ꞌiti Jerusalén ió, axa naínuax ubúti, aín anëribi ꞌanan cana ꞌën anë ióribi atunu cuënëoti ꞌain.

Apocalipsis 3:21

ꞌAnan cana axa ꞌëmi catamëquin ꞌëx cuëëncësabi oi ꞌiti ëncëma unicamax ꞌëbë ꞌapu ꞌinun ꞌimiti ꞌain, ꞌëx tëmëraibi ax cuëëncësabi oi ꞌiti ëncëma ꞌicëa ꞌën Papan ꞌë abë ꞌapu ꞌinun ꞌimicësaribi oquin.

Apocalipsis 3:5

Axa ꞌëmi catamëquin ꞌëx cuëëncësabi oi ꞌiti ëncëma unicama atux ca usoquin chupa uxua pañucë ꞌiti ꞌicën. A unicaman anë cana ꞌën quiricanua tërë́ntima ꞌain. Tërë́nquinma cana acama achúshi achúshi ñuiquin —ax ca ꞌënan ꞌaish xënibua ꞌaínbi ꞌëbë ꞌiti ꞌicë —quixun ꞌën Papa Dios ꞌimainun aín ángelcama cati ꞌain.

1 Samuel 17:24

Usai kia kuatëkëni ka Israel suntárukamax a uni isi ami ꞌitsaira rakuë́akëxa, rakuë́ti ka anua sëtë́kë anuaxbi tsuáki abákankëxa,

1 Samuel 17:27

Kiaxa kia ka unikaman an Goliat ꞌaia uni ñu ꞌinánti ñuia kikë, bana abi David katëkënkankëxa.