1 Samuel 17:24 - Kashibo-Kakataibo Biblia

²⁴ Usai kia kuatëkëni ka Israel suntárukamax a uni isi ami ꞌitsaira rakuë́akëxa, rakuë́ti ka anua sëtë́kë anuaxbi tsuáki abákankëxa,

1 Samuel 17:24 ပူးပေါင်းရင်းမြစ်များ

Isaías 30:17

Usa ꞌain ka mil uni ax achúshi unían ꞌakatsi kixun kakëx abáti ꞌikën, ꞌimainun kamina kamabi mitsux mapai achúshi uni axa mitsumi nishkë an ꞌanuxun kakëx, ꞌitsamara tikitamainun abákanti ꞌain, usai ꞌi kamina achúshi i aín bashi rëbunu nikë usaribi ꞌianan, a istia unin ꞌunántiokin bashi tësapanu nitsínkë usaribi ꞌiti ꞌain.

Isaías 7:2

Usai ꞌikëbëtan ka a nëtë kaman ꞌapu Ahaz ꞌimainun aín aintsikama ꞌunánun ënë bana ñuixuni kuankëxa: Kuanxun ka siria unikamabë ka Efraínën rëbúnkikama mitsu ꞌanux birananxa kixun kakëxa. Ësakian kakëxun kuati ka ꞌapu Ahaz ꞌimainun anua ꞌikë unikama rakuëntan bamai bërëkirui nikama suñun bëkakëx ꞌikësaribiti bërëi ꞌikankëxa.

Números 13:33

Isanan kananuna Anacnën rëbúnkikamaribi chaiira ꞌaish, nun mapë́skaisamabu ꞌikë isan. Usa ꞌain kananuna nux atu rapasunuax champusara ꞌikë atúnribi nu isaxa.

Deuteronomio 32:30

¿Uisaxun kara achúshi unira ꞌixunbi mil uni abámiakëx? ¿ꞌIanan kara rabë́ratsu ꞌixunbi diez mil uni abámiakëx? ¡Nukën ꞌIbun ꞌakinkinbi ënkëka usakin mitsu ꞌakëxa!

1 Samuel 17:11

Usai kia ka Saúl ꞌimainun aín suntárukaman filisteo uni aín bana küakëxa, kuati ka kananuna atubë ꞌakanantima ꞌai kiax atumi ꞌitsaira rakuëkankëxa.

1 Samuel 17:23

Ñukati atubë banakin kuakëxunbi ka filisteo uni ꞌakánanti ꞌunánkëira Goliat axa Gat kakë ëmanu ꞌikë an, anua filisteo suntárukama sëtë́kë anuax ukin amiribishi atu ꞌakatsikixun Israel suntárukama an ꞌakësabikin katëkënia ka Davidnën kuakëxa.

1 Samuel 17:25

abati ka kikankëxa: ¿Uni ax ka amiribishi chikirakëtia ka iskan? ¡Ax ka nu amiribishi ꞌakatsikixun katëkëni uaxa! Uin kara a uni ꞌaia aka, nun ꞌapun ꞌitsaira ñu kupíkë ꞌinánan, aín bëchikë xanuribi aín xanu ꞌinun ꞌinánti ꞌikën, ꞌimainun ka aín aintsikaman ꞌapu kupíokë aribi kupíoxunma ꞌanun ꞌamitima ꞌikën.