1 Samuel 17:18 - Kashibo-Kakataibo Biblia

¹⁸ ꞌImainun kamina mapai rabë́ queso ënë suntárukaman kushi comandante a buánxun ꞌinánti ꞌain. ꞌInánan kamina uisa kara min xukë́nkama ꞌikë ꞌëmi kaiunun isi kuanti ꞌain.

1 Samuel 17:18 ပူးပေါင်းရင်းမြစ်များ

Génesis 37:13

Usai atux kuankë ꞌain ka Jacobnën aín bëchikë José kakëxa: —Ka kuat, min xukë́nkamax ka Siquem kakë me anu kuanxa, nun ꞌarakakë ovejakama ꞌimainun cabrakama, pasto pimi. Usa ꞌain kamina anua isi kuanti ꞌain. Kakëxun ka Josénën —Asábi ka kana isi kuanti ꞌain —kixun kakëxa.

Génesis 37:14

—Kakëxun ka Jacobnën asábi ka kixun kakëxa. Ka istan uisa kara min xukë́nkama ꞌikën, ꞌimainun nun ꞌarakakë ovejakama kara uisa ꞌikë kamina isi kuanti ꞌain, isbëtsini kamina ꞌë kai uti ꞌain. Ësokin kaxun ka Jacobnën aín bëchikë José Hebrón kakë me anuxun xuakëxa, xukëx kuanx ka Siquem kakë me anu bëbakëxa,

2 Samuel 17:29

ꞌinánan ka buna rëpa vaca xuma sëruakin ꞌanan, ë́skakin oveja xuma ꞌakë akama abëa kuankë unikamabëtan pinun kixun ꞌinánkëxa; usakin ka anu uni ꞌikëma menuax ai ka panani ꞌitsaira nitsi atsanxa kixun sinánkin ꞌakëxa.

Hechos 15:36

Usa ꞌain ca anu pain ꞌitancëxun Pablonën Bernabé cacëxa: —Anuxunu Nucën ꞌIbu Jesucristomi catamëti ca uni Nucën Papa Diosnan ꞌiti ꞌicë quixun bana ñuixuncë ëmacamanu cuanquin cananuna anua ꞌicë nun xucë́antu uisa cara istëcëni cuanti ꞌai —quixun.

1 Samuel 16:20

xukëxua kakëxun ka Jesénën aín bakë bëchikë David Saúlnu xuakëxa. Xukin ka an Saúl buánxuntanun burro achúshinu pán xuanan, ñuina xakánu ꞌarukë uvas bakakëñun achúshi cabra tuá chukúma xuakëxa.

1 Samuel 17:19

Usa ꞌain ka Saúl ꞌimainun Davidnën xukënkamax Israel suntárukamabë mësküax anua Elá kakë me sapan sënënakëkë anu filisteo suntárukamabë ꞌakanantishi ꞌaish bukukë ꞌiakëxa.