1 Samuel 17:10 - Kashibo-Kakataibo Biblia

¹⁰ Bërí kana ꞌëx Israel kaman suntárukamabë ꞌakanainsairatani: ¡Usa ꞌain kamina achúshi uni ꞌëbë ꞌakanani unun xuti ꞌain!

1 Samuel 17:10 ပူးပေါင်းရင်းမြစ်များ

2 Reyes 19:4

ꞌËn sinánkëxun sapika min Diosan aín ꞌapúan xukëx Asirianu ꞌikë suntárunën kushikama ꞌatimai banai kikë atun banakama kuakë ꞌiti ꞌikën atux ka Israel unikaman Dios ñui ꞌatimati banaxa usa ꞌain sapi ka a kuaxun Diosanbi a ñuia kikë akama ꞌaisama okin tëmëramiti ꞌikën. Usa ꞌain kamina axa bërúkë nukama achúshi okin Dios ñukáxunti ꞌain.

Nehemías 2:19

ꞌAínbi ka usakinu ꞌati a banakama kuati Sambalat Horónnu ꞌikë a ꞌimainun, Tobías amonita unikama an ꞌakinkë a ꞌimainun Guésem árabe unikaman kushi akamax nukamami kuai nu istisama tani kiakëxa: —¿Añura ꞌixun kara atun usakin ñu ꞌatëkëinsatanin? ¿Atun kara ꞌapumi kuaiti sinánkin usakin ñu ꞌaisatanin?

Jeremías 9:23

Ësai ka Nukën ꞌIbu kiaxa: Uixi ka rabiakati an ñu ꞌunairakë anun ꞌëx kana ñu ꞌunánkë ꞌai kiax rabiakatima ꞌikën, ꞌimainun ka kushiira uni axi ꞌëx kana kushiira ꞌai kiax rabiakatima ꞌikën, uix kara ñuñuira ꞌikë axi ka ꞌëx kana ñuñuira ꞌai kiax anun rabiakatima ꞌikën.

Daniel 4:37

Usa ꞌain kana ꞌëx Nabucodonosor ꞌixun bërí Dios naínua ꞌapu ꞌikë a rabin, an ꞌakë ñukama ax ka asérabi ꞌianan upíira ꞌikën, an ka ax isa usaira ꞌikë kixun sinani rabiakakë unikama aín kuëënkësa okin ꞌati ꞌikën.

1 Samuel 17:11

Usai kia ka Saúl ꞌimainun aín suntárukaman filisteo uni aín bana küakëxa, kuati ka kananuna atubë ꞌakanantima ꞌai kiax atumi ꞌitsaira rakuëkankëxa.

1 Samuel 17:36

Usokin kana ꞌën paru ꞌinúan ꞌananbi xaëón an mi ñu mëëxunti ënën rëtëkë ꞌikën. Usaribi okin kana filisteo uni an bëtsi ñu rabikë a ꞌati ꞌain, usa ꞌaínbi ka an Diosan kaískë unikama ꞌakatsikiax ami banaia.

1 Samuel 17:45

Kixuan kakëxunbi ka Davidnën ribi kakëxa: —Mix kamina ꞌë ꞌakatsikiax min manë xëtokë bëanan min masibu kamabëi aín, usa ꞌaínbi kana ꞌëx mi ꞌai kuani uisa ñubi buaniman ꞌën ꞌIbu kamabi kushiñuira Israel kaman suntárunën Dios a kamina ꞌakatsikixun kain.