1 Samuel 16:7 - Kashibo-Kakataibo Biblia

⁷ ꞌAínbi ka Nukën ꞌIbun kakëxa: “Uisa kara kixun ñachanan kamina uiti chaxkë́ kara kixun istima ꞌain, ꞌëx kana ax ꞌiti kuëëniman. ꞌËx kana unin iskë ñu ñui kikëma ꞌain; unin ka uisa kara bëtsi uni ꞌikë kixun isia, usa ꞌaínbi kana ꞌën uisakin kara unin sinania a ꞌunanin.”

1 Samuel 16:7 ပူးပေါင်းရင်းမြစ်များ

Génesis 4:5

ꞌaínbi ka Nukën ꞌIbu Diosan Caínan ꞌinánkë aín ñu ꞌapákë a upíirama ꞌikë isakëxa, iskëbë ka Caín ꞌaisamairai xuamati aín xukë́nmi nishakëxa.

2 Samuel 14:25

Kamabi Israel me kamanu ka Absalón iskësaribi uni aín upíira ꞌaíma ꞌiakëxa, ꞌimainun ka kamabi unin ax ka raíri unikamasamaira ꞌikë kixun rabikë ꞌaíma uni ꞌiakëxa. Usa ꞌaish ka aín taënuaxbi aín maxkánu sënën uisaibi ꞌikëma aín bëmánan axbi upíira upí ꞌiakëxa.

2 Samuel 7:20

¿ꞌËn ꞌIbu Dios min uni ꞌixun karana uisa banaribi mi kati ꞌain?

Salmos 139:2

usa ꞌixun kamina kamabi ꞌën ꞌakë ñukama ꞌunanin; ꞌianan kamina ꞌuranxubi uisakin karana ꞌën sinanin abi ꞌunanin.

Proverbios 31:30

Upíira ñu isími kuëënkë ax ka këmëishi ꞌikën, usa ꞌain ka ñu upíira ax ñankáishi ꞌikën, usa ꞌaínbi ka an Dios rabikë xanu ax kuni usa ka ax ꞌikë kixun rabikë ꞌiti ꞌikën.

Jeremías 20:12

Nukën ꞌIbu kamabi kushiñuira, min kamina upí unikaman ñu ꞌakë a ꞌunanin, min kamina unin aín nuitu ꞌukëmëu ñu ꞌaisatankin sinánkë, akamabi ꞌunánin, ꞌën kana ꞌëmi ꞌakinun mi ñukan, usa ꞌain kamina uisakin kaina a unikama tëmëramiti ꞌai a ꞌë ismiti ꞌain.

Lucas 16:15

ꞌUsáncëxun ꞌunánquin ca Jesusan cacëxa: —Mitsux isamina upí ꞌai quixuan unin isnun quixun camina mitsux cuëëncë ñuishi ꞌain. Usa ꞌaínbi ca Nucën Papa Diosan mitsun nuitu mëúmi sináncë a ꞌunania. Ax isa upí ꞌicë quixuan unin sináncë uni a ca Nucën Papa Diosan aín nuitu ꞌunánquin upíma isia.

Juan 7:24

Bëtsi unían ñu ꞌaia isi camina bënëtishi —an ca ñu ꞌatima ꞌaia —quiax quitima ꞌain. Usai ꞌiquinma camina munu upí oquin sinánquin ꞌunánti ꞌain, usoquin ꞌati cara asábi ꞌicë, cara asábima ꞌicë quixun.

Juan 8:15

Unin sináncësa oquinshi sinánquin camina mitsun bëtsi ꞌuchoin, ꞌaínbi cana ꞌën uni ꞌuchoiman.

Hechos 1:24

Usotancëxun abë banaquin ca Pedronën Nucën ꞌIbu Dios cacëxa: —An nubëtan mi ñu ꞌaxunun min caíscë ꞌaíshbi ca Judas mi ñu ꞌaxuanxmabi aín ꞌucha cupí anu ax cuanti anu cuanxa. Usa ꞌain camina camabi unían aín nuitunën sináncë ñu ꞌunáncë ꞌixun, min ënë uni rabë́ uiira caramina Judasnën ñu mëëti ꞌanun caísa quixun nu ismiti ꞌain.

2 Corintios 10:10

Uni raírinëx caísa quia, ꞌën quiricanu cuënëocë bana ax cushi ꞌaínbi isana ꞌëx mitsubë ꞌaish cushima ꞌianan ꞌëx quicësa oquin unin ꞌaisama ꞌai quiax.

2 Corintios 10:7

Mitsun camina uisaira caranuna nux ꞌai quixun isti ꞌain. Asérabi camina Cristonan ꞌai quixun sinánquin camina ꞌunánti ꞌain, nuxribi cananuna Cristonan ꞌai quixun.

Hebreos 4:13

Axa an unio ꞌaish Nucën Papa Diosmi unë́ti uisa ñubi ca ꞌaíma ꞌicën. An uni aín ñu ꞌacë cupí, uisa cara oti ꞌicë quixun ꞌunáncë, Nucën Papa Dios, an ca camabi ñua unin ꞌaia ꞌunánan aín nuitu mëúa chiquinaquinma sináncë ñubi ꞌunania.

1 Pedro 2:4

Usa ꞌain camina axa bamatimoi tsócë, Jesucristo, a sinani ami catamëti ꞌain. Judíos unían cuëëncëma ꞌaíshbi ca anun cuëënquin Nucën Papa Diosan iscëx ax upíira ꞌicën. Unían xubu ꞌaquin maxax upí ami xubu raroti caíscë usaribi ca Jesucristo ꞌicën.

1 Pedro 3:4

Usai ꞌima camina mitsux upí sinánñu ꞌaish bëtsibë nishananima upitishi banati ꞌain. Usai ꞌia isquin ca bëtsin sinánti ꞌicën —a xanux ca aín nuitu upí ꞌicë —quixun. Usai upí ꞌiti ax cuni ca uisa ꞌaíshbi cëñutima. Usai ꞌími mitsux upí ꞌicë isi ca Nucën Papa Dios cuëënia.

Apocalipsis 2:23

ꞌAnan cana a xanun ꞌunánmicë ꞌixuan an ꞌatima ñu ꞌacë unicamaribi aín tuása ꞌicë acama bamamiti ꞌain. ꞌËn usaquin ꞌacëbëtan ca camabi ëmanu ꞌicë axa ꞌëmi catamëcë unicaman ꞌunánti ꞌicën, ꞌën cana camabi unían sináncë ñu ꞌunanin, uisaquin cara aín nuitu mëu sinania quixunribi cana ꞌunanin. ꞌUnánquin cana an upí oquin sinánquin ñu ꞌacë uni axa upitax ꞌinun ꞌimianan, an ꞌatima ñu ꞌacë uni a aín ꞌucha cupí uisoquin carana ꞌati ꞌai usoquin ꞌati ꞌain.

1 Samuel 2:3

Uinu ꞌikë uníxbi ka ax kuëënkësa oi banatima ꞌikën, ꞌimainun ka uixi ꞌitsaira rabiakati banatima ꞌikën, Diosan ka ax Dios ꞌixun kamabi ñu ꞌaia, an ka kushiira ꞌixun kamabi unin ꞌakë ñu ꞌunankin ꞌatima oia.

1 Samuel 9:2

ax ka aín bakë bëchikë achúshi bëná uni a iskësabi ꞌikëa Saúl kakin anëkë ꞌiakëxa. Usa ꞌain ka uinu ꞌikë israel uni achúshibi a iskësaribi ꞌianan, ꞌain chaxkë́bëtan sënën ꞌaíma ꞌiakëxa.