1 Samuel 16:4 - Kashibo-Kakataibo Biblia

⁴ Kakëx ka Nukën ꞌIbun kakësabiokin ꞌai kuani Samuel kuankëxa. Kuani Belénnu bëbaia bikin ka ꞌapukaman ami chukúmashi rakuë́kinbi, ñukákankëxa: —¿Añu ꞌai kaina aín añu ñu kara ënu ꞌik?

1 Samuel 16:4 ပူးပေါင်းရင်းမြစ်များ

Génesis 35:19

Anuax kuaníbi ka Raquel ñuakëxa, ñukë ka anun Efratanu kuanti bai ꞌipítinu maíankëxa ax ka bërí Belén kakin anëkë ëma ꞌikën.

Génesis 48:7

ꞌËn kana ësokin mi kain, ꞌëx Padán-aram anu kuantëkënkëbë ka Canaán kakë me anuaxa ka min tita Raquel ñuakëxa, ax ka Efrata kakë me urama ꞌiakëxa, Efrata ëma anun kuanti bai ꞌipitiu kana maíankën, ax ka Belén kakë ëma bërí ꞌikën.

2 Samuel 6:9

Usakia ꞌan ka a nëtën David ꞌitsaira Diosmi rakuë́akëxa, rakuë́ti ka ësai kiakëxa: “¡ꞌËn kana asérabi bunántisa okin ꞌakë anua Diosan bana kuënëokë nankë ënë buánti sinaniman!”

1 Reyes 17:18

Usaia aín tuá ꞌian ka kasunamëkë xanu an ësokin Elías kakëxa: —¿Añu karana ꞌën mixmi Diosan uni ꞌain, mibëtan ꞌati ꞌain? ¿Mix kaina ꞌën ꞌucha kupín ꞌuchañu kamina ꞌai ꞌë kakin ꞌën tuá ñumiti kupín ënu uan?

Oseas 6:5

Usa ꞌain kana ꞌën kakëxua an Dios kikë bana ñuikë unikaman mitsu ꞌatimonun ꞌamia, ꞌën bana an bana ñuikë unikama ñuikë a bananbia këñunun ꞌimian. Usa ꞌain ka ꞌën ꞌupiokin ꞌakë ñukama ax kuni upí ꞌaish tirísaribi ꞌikën.

Lucas 2:4

Usa ꞌain ca José Galilea menu ꞌicë ëma Nazaret cacë, anuax Belén cacë ëmanu cuancëxa. Belén ax ca Judea menu ꞌicë ëma, anuaxa David bacë́an, a ꞌiacëxa. José, ax David aín rëbúnqui ꞌaish, ca aín anë ꞌai Belénu cuancëxa.

Lucas 5:8

Usoquian ꞌaia isi ratúquin ca Simón Pedronën aín bëmánon rantin purúnquin —ꞌëx cana ꞌuchañu uni ꞌain. Usa ꞌain camina ꞌë ëbiani cuanti ꞌai —quixun Jesús cacëxa.

Lucas 8:37

Ñuixuncëxun ca a mecamanu ꞌicë unicaman racuë́iraquin aín nëtënuaxa cuantánun quixun Jesús cacëxa. Cacëx manë nuntinu ꞌiruquiani ca cuancëxa.

1 Samuel 21:1

Usai a rabëtax banai sënë́ntankëx ka David Nob kakë ëma anu tsókë sacerdote Ahimélec kakë abë banai kuankëxa, kuankëbë aín ꞌikënuax chikikinbi a mërai ratúkin ka ñukákëxa: —¿Uisa kupí kaina mix bëtsibë aíma miratsushi aín?