1 Samuel 16:13 - Kashibo-Kakataibo Biblia

¹³ Kakëxunshi ka ñuina manchanua ꞌarukë xëni bikin aín xukë́n apankama ismainunbi David kakë uni bëná aín maxkánu axa ꞌapu ꞌinun anëkin xëni tutukaxa. Usokëbëshi ka Nukën ꞌIbun bëru ñunshin anu uax ꞌiruakëxa. Usokin ꞌabiani ka Samuel kana kuanin kixun atu kabiani Ramánu ꞌikë aín xubunu kuantëkëankëxa.

1 Samuel 16:13 ပူးပေါင်းရင်းမြစ်များ

2 Samuel 12:7

Ësokin kakëxun ka Natánën kakëxa: —¡Mix kamina a uni ꞌain! Ësai ka Israel unibunën Dios ax mi ñui, kiáxa: ꞌËn kana a Israel unibunën ꞌapu ꞌinun mi kaisakën: ꞌImainun kana Saúlnën ꞌati ꞌikëbi bërúankin ꞌakiankën;

2 Samuel 2:4

Anuxun ka Judánu ꞌikë unikaman timë́xun David atun ꞌapuisa ꞌinun kixun anu bëbakë anëakëxa. Anuxun ka uni raíritan David ñuixuankëxa Jabés kakë ëmanu tsókë Galaad menu ꞌikë unikama insa Saúl ñukë mainkanxa kixun,

2 Samuel 23:1

Ënë ka anuishi sënënia David kanta bana ꞌikën: ꞌËx kana David Jesé kakë uni aín bakë bëchikë ꞌain, aka Diosan uni sinánñuira ꞌinun ꞌimiakëxa, a ka Israel kaman ꞌapu ꞌinun aín xuta Jacobnën rabia Dios anbi kaisakëxa, ax ka Israel kaman Diosmi upiti sinani kantairakë uni ꞌikëa Israel kaman ꞌunánkë a ꞌain. Usa ꞌaish kana ësai banai kin.

2 Samuel 5:3

Ësakian an ꞌaia, ꞌunánxun ka kamabi Israel unibunën Hebrónnua ꞌain anu rikianxun ësakin David kakëxa, kakëxun ka uisakin kara ax ꞌapu ꞌixun ꞌati ꞌikë a ñuixunkin Diosanbi unánun kakëxa. Usakin kakëxun ka atúnbi Israel unibunën ꞌapu ꞌinun anëakëxa.

Salmos 89:20

¡ꞌËn kana ꞌën uni ꞌiti David a kaisakën! Usa ꞌikë kana axa ꞌapu ꞌinun aín maxkánu xëni tutukakin anënun ꞌamiakën,

Salmos 89:21

usa ꞌaish ka uínsaranbi ꞌën ꞌakinkin ënkëma ꞌiti ꞌikën. Usa ꞌikë kana ꞌën kushínbi ꞌakinkë a ëntima ꞌain,

Números 11:17

Anu ubútankëx kana ꞌëx mibë anuax banati ꞌain, ꞌimainun kana mi ꞌinánkë ꞌën kushi usaribi atu ꞌinánti ꞌain, ꞌinánkëxun ka atúnribi ënë unikama buánti isti mi ꞌakinti ꞌikën. Usa ꞌain kamina atun ꞌakinkëx mixi nuibakatima ꞌain.

Números 27:18

Ësokian kakëxun ka Nukën ꞌIbun Moisés kakëxa: —Josué Nunnën bëchikë ax ka achúshi uni upí sinánñu ꞌën kaískë ꞌikën. Usa ꞌain kamina aín maxkánu min mëkën nankin kati ꞌain.

Juan 3:34

Usai ꞌinun ca Nucën Papa Diosan aín Bëru Ñunshin Upí ñonquinma aín Bëchicë ꞌinania. Usaquian ꞌináncëxun ca an xucë́xa ucë uni, Jesús, an aín Bëru Ñunshin Upitan sinánmicë ꞌixun Nucën Papa Dios cuëëncësabi oquin unicama bana ñuixunia.

Hechos 13:22

Cuarenta baritia ꞌicëbëtan Saúl chiquíntancëxun ca Nucën Papa Diosan David Israel unicaman ꞌapu ꞌimiacëxa. David ñui ca Nucën Papa Dios quiacëxa: “ꞌËn iscëx ca Isaínën bëchicë, David, ax ꞌën sinánsaribi ꞌicën. Usa ꞌixun ca ꞌëx cuëëncësabi oquin ꞌati ꞌicën”.

Hebreos 1:9

Unían upí ñuishi ꞌati cuëëanan camina atúan ꞌaisa tancë ꞌatima ñu a cuëëncëma ꞌain. Usa ꞌicë cana ꞌëx Dios ꞌaish min Dios ꞌixun, unicama ꞌimainun ángelcamaribi ꞌacësamaira oquin, cuëëinra cuëënun mi ꞌimian.

Hebreos 11:32

¿Uisaquinribi carana mitsu cati ꞌain? Gideón, Barac, Sansón, Jefté, David, Samuel, acama ꞌiá ꞌimainun an Nucën Papa Dios quicë bana uni ñuixuncë unicamaribi mitsu ñuixunquinbi cana sënë́ontima ꞌain.

Jueces 13:25

Achúshi nëtën ka Sansón anua Dan kakë unikama bukukë Sorá ꞌimainun Estaol kakë ëma anuxunbi, Nukën ꞌIbun bëru ñunshinan añu kara ꞌati ꞌikë kixun ismiakëxa.

Jueces 14:6

ꞌAiabi ka Nukën ꞌIbun aín bëru ñunshinan Sansón kushiira ꞌinun ꞌimiakëxa, ꞌimikëxun ka anun ꞌati ñu tuinkë ꞌixunmabi aín kushínbi achúshi cabranën tuára ꞌakësokinshi an pikatsikiax ukë ꞌinuan tëtsëkakin bikëxa bamaia tukapakëxa. Usakin ꞌaxunbi ka aín papa usakian ꞌakë a ñuixuanma ꞌikën.

1 Samuel 1:19

Usaia ꞌión pëkarakëma ꞌaínshi nirutankëxun Nukën ꞌIbu rabibiani ka anuaxa ukë Ramá kakë ëmanu ꞌikë aín xubu anubi kuantëkëankëxa. Kuanx ka anuax Elcaná aín xanu Anabë ꞌiakëxa, ꞌikë ꞌunánxun ka Nukën ꞌIbuan an ñukákin kakësabiokin ꞌaxuankëxa.

1 Samuel 10:1

Usa ꞌain ka Samuelnën ñunu ꞌarukë a xëni bikin anun ꞌikúkin aín maxkánu tutukakin Saúl kakëxa: —Nukën ꞌIbu ka mixmi bërí Israelkaman ꞌapu ꞌinun ꞌimiti ꞌikë kixun ka kakëxa. Mix atun ꞌapu ꞌixun kamina a ꞌurama ꞌikë ami nishkë uni kamabë ꞌakananun ꞌimitima ꞌain. ꞌImainun ka aín unikaman ꞌapu ꞌimikëx kaina uisai ꞌi tantia Diosan mi ꞌimikë ꞌikën.

1 Samuel 10:6

Usakin a iskëbë ka Nukën ꞌIbun Bëru Ñunshin mibë ꞌiti ꞌikën, ꞌimainun ka mibë ꞌikin an bana ñuixunkë unikaman sinánsaribi ꞌimikin bana ñuixunun mi ꞌimiti ꞌikën.

1 Samuel 11:6

Kakëxun kuakëbëshia Diosan bëru ñunshin anu ꞌirukëbë ka; ꞌaisamairai Saúl nishakëxa.

1 Samuel 16:18

Kakëxun ka an ñu mëëxunkë uni achúshitan kakëxa: —ꞌËn kana Jesé Belénnu tsókë aín bëchikë achúshinën upíokin arpa ꞌaia isan; ꞌimainun ka ax ꞌakánanti rakuëma ꞌianan, asérabi ax kikësabiokin ñu ꞌaia, usa ꞌikë ka Nukën ꞌIbun ꞌakinia.

1 Samuel 18:12

ꞌAmian ka Saúl Davidmi Diosan ka ꞌakinia kixun ꞌunani rakuë́akëxa, usa ꞌain ka Nukën ꞌIbun David ꞌakiankëxa, ꞌaínbi ka Saúl ꞌakinti Diosan ënkë ꞌiakëxa.

1 Samuel 2:35

Usai ꞌikëbëtan kana ꞌënbi achúshi sacerdote min aintsima bëtsi uni ꞌën kakësabiokin ꞌaisa uni bariti ꞌain, an ka ꞌën kakësabiokin ꞌati ꞌikën, ꞌianan kana a asaribi okin aín rëbúnkikamanribi ax kikësa okían ꞌën ꞌimia ꞌapu ñu mëëxunun ꞌimiti ꞌain.