1 Samuel 16:12 - Kashibo-Kakataibo Biblia

¹² Kakëxun ka Jesénën an ñu mëëxunkë uni achúshi barixua bitánun xuakëxa xukëx kuanxun bitsínkin bëakëxa. A bëná uni ax ka ain bëmanamiax upí ꞌianan ranshin uni ꞌiakëxa. Usa ꞌain ka Nukën ꞌIbun Samuel kakëxa: —Ënë kamina axa ꞌapu ꞌinun anëti ꞌain.

1 Samuel 16:12 ပူးပေါင်းရင်းမြစ်များ

Génesis 39:6

Usakin ami ënkëxuan Josénën aín ñukama bëruánkëbë ka Potifar aín ñukama sinánkinma an bërúanxunkë anu ꞌain, aín piti ꞌatishi isakëxa. Usaia ꞌimainun ka José aín bëmanamiax upíira uni ꞌiakëxa,

2 Samuel 23:1

Ënë ka anuishi sënënia David kanta bana ꞌikën: ꞌËx kana David Jesé kakë uni aín bakë bëchikë ꞌain, aka Diosan uni sinánñuira ꞌinun ꞌimiakëxa, a ka Israel kaman ꞌapu ꞌinun aín xuta Jacobnën rabia Dios anbi kaisakëxa, ax ka Israel kaman Diosmi upiti sinani kantairakë uni ꞌikëa Israel kaman ꞌunánkë a ꞌain. Usa ꞌaish kana ësai banai kin.

2 Samuel 7:8

Usa ꞌain kamina, ꞌën uni David ësokin kati ꞌain, ꞌëx Dios kamabi kushiñu ꞌaish kana ësai kin: ꞌËn kana anuxun bërúanti ꞌakë anuxua aín ñuina bëruaiabi a ëmikin chikían ꞌën chikixun kana a unikaman ꞌapu ꞌinun ꞌimiakën;

1 Reyes 1:34

usa ꞌain kamina min sacerdote Sadoc ꞌimainun an Dios kikë bana uni ñuixunkë Natán abëtan aín maxkánu xëni tutukakin axa Israelkaman ꞌapu ꞌinun anëti ꞌain, usakin ꞌaxun kamina raíri unikaman carnero manchan banomainun ka raírinëxribi munuma kuënkëni sharati kikanti ꞌikën: ¡Salomón mix kamina ꞌitsa baritia ꞌimi nun ꞌapu ꞌiti ꞌain ësaiki ka munuma sharati kikanti ꞌikën!

Salmos 2:2

Ënë menu ꞌikë ꞌapukama an bana mëníokën ka atúnbi timë́xun uisakin kara, ꞌain ꞌIbukëñun an kaískë ꞌapu ꞌati ꞌikë kixun sinánkania.

Salmos 2:6

ꞌën kana axa ꞌapu ꞌiti uni anëan, usa ꞌain ka aín bashi upí Sión kakë anu ꞌapu ꞌiti ꞌikën.

Éxodo 2:2

an ka biranantankëxun achúshi bëbu tuá ꞌitánun tuakëxa, tuatankëxun ka upíira ꞌikë nuibakin, aín xubunu rabë́ ꞌimainun achúshi ꞌuxë ꞌimikin unëakëxa;

Hechos 4:27

David quiásabi oi ca asérabi ënë ëmanuax Herodesbë Poncio Pilato ꞌimainun judíosma unicama ꞌimainun Israel unicamaxribi, min Bëchicë upíira sinánñu, Jesús, ënë menu unúnmi caísa, ami nishi tsuáquirui timë́axa,

Hechos 7:20

Usomainun ca aín titan Moisés bacë́ancëxa. Usa ꞌaish ca Nucën Papa Diosan iscëx upíira upí ꞌiacëxa. Bacë́ntancëxun ca aín titan aín papabëtan, rabë́ ꞌimainun achúshi ꞌuxën, ꞌura racánquinma aín xubunuxunbi unëxun ꞌunónmiacëxa.

Hebreos 11:23

ꞌItsa baritia Egipto menu Jacobnën rëbúnquicama ꞌicëbë ca a menu ꞌicë ꞌapu, Faraón cacë, ax Jacobnën rëbúnquimi nishacëxa. Nishi ca bëbu tuácama bërí bacë́ncë —ax ca bamati ꞌicë —quiacëxa. Quicëbëtanbi ca achúshi bëbu tuá, Moisés cacë, aín papabë aín tita Nucën Papa Diosmi catamëti, Faraónmi racuë́quinma —ënë tuá ca upíira upí ꞌicën, usa ꞌain cananuna ꞌapun bana tanquinma unëti ꞌai —quixun sináncëxa. Usaquin sinánxun ca rabë́ ꞌimainun achúshi ꞌuxën Moisés unëacëxa.

1 Samuel 16:18

Kakëxun ka an ñu mëëxunkë uni achúshitan kakëxa: —ꞌËn kana Jesé Belénnu tsókë aín bëchikë achúshinën upíokin arpa ꞌaia isan; ꞌimainun ka ax ꞌakánanti rakuëma ꞌianan, asérabi ax kikësabiokin ñu ꞌaia, usa ꞌikë ka Nukën ꞌIbun ꞌakinia.

1 Samuel 17:42

Usai ukin ka Goliatnën David isakëxa, iskinbi ka xura ꞌaísha tunanra ꞌikë ami rakuë́tisamara iskin ami,

1 Samuel 17:55

Bërámabi ka Saúlnën aín suntárunën kushi comandante Abner a ñukákë ꞌiakëxa, David axa filisteo uni Goliat a ꞌanux kuania iskin: —Abner ¿Uin bëchikë kara uni bëna ux ꞌik?

1 Samuel 9:17

Usa ꞌain ka Samuel, Nukën ꞌIbun Saúl kuania isia kakëxa: “A ñuikin ꞌën mi koonkë uni a ka aia. Ax ka ꞌën unikaman ꞌapu ꞌiti ꞌikën.”