1 Samuel 15:7 - Kashibo-Kakataibo Biblia

⁷ Usa ꞌain ka Saúlnën aín suntárukamabëtan ꞌakin amalecitakama anua Havilá me ꞌikë anuxunbi pëuxun nuibiankin au bari kuabúkë Egipto me sënënakëkë anubi bëbarukin ꞌakëxa;

1 Samuel 15:7 ပူးပေါင်းရင်းမြစ်များ

Génesis 16:7

Abákë ka Nukën ꞌIbun ángel achúshinën anu uni ꞌikëma menuxun mërakëxa, ax ka aín rëbumi kakin anëkë me anu kuanti bai rapasu ꞌumpax upíira ꞌikë anu ꞌiakëxa,

Génesis 2:11

A baka achúshinëx ka Pisón kakin anëkë ꞌiakëxa, an ka Havilá kakë mekama bëararakë ꞌiakëxa. A menu ka ꞌitsaira kuri ꞌiakëxa.

Génesis 25:18

Usai ax ñua ain rëbúnki kamax anubi tsóti Havilá kakë me Egipto ꞌukëmanan anun, Asirianu kuani kuanti anubi tsóti buküakëxa. Usai ꞌi ka anuax aín xukë́n kamabëbi ꞌatimonani nishanani anubi buküakëxa.

Éxodo 15:22

Usakin Dios pain an ië́mikëxun rabitankëx sënë́nkë ka Moisésnën israel unikama xónsa kakë parúmpapa kuëbí anuxun kabiankin tsuákarubiankin buánkëxa. Buánkëx ka anu uni ꞌikë me aín rëbumi kikiani kuankëxa, usai kuanika rabë́ ꞌimainun achúshi nëtë ꞌikiani kuankinbi ka a xëati ꞌumpax mërama ꞌikën.

1 Samuel 14:48

Usa ꞌixun ka aín suntárukama timëxun atubëtan Amalec unibu kupitanuma ꞌakëxa, usakin ꞌaxun ka Israel kaman ñu an mëkamakë unikama abámiakëxa.