1 Samuel 15:6 - Kashibo-Kakataibo Biblia

⁶ usokin ꞌatankëxun ka Saúlnën quenita unikama ësokin kamiakëxa: —¡Kamikëx kuanxun ka ësokin kakëxa! ¡Anumi Amalecita unikamabë tsókë ënuax kamina chikínkanti ꞌain ënë unikama ꞌakin kananuna atukëñunbi mitsuribi ꞌati ꞌain; mitsun kamina Egipto menuaxa chikíküatsini aia israel unikama uisabi okinma nuibakën! Usokian kakëx ka quenita unikamax amalecita unikamanuax chikikankëxa.

1 Samuel 15:6 ပူးပေါင်းရင်းမြစ်များ

Génesis 15:19

Ax ka quenitakaman me ꞌikën, ꞌimainun ka quenizitakama, cadmoneokama,

Génesis 18:25

¡Min usokin uni ꞌuchañuma këñun uni ꞌuchañukama, ꞌakin kamina a rabëtaxbi ꞌuchakësa ꞌikë ꞌati ꞌain! ¡Usakin ꞌaxuma ka at! Mix kamina ꞌapu ꞌaish kamabi kushiñu ꞌain kamabi menu, ¿usa ꞌixunmi usakin ñu ꞌakë ax kara minan asabi ꞌiti ꞌit?

Hechos 2:40

Usoquin canan ca bana raíriribi ñuixunquin Pedronën ꞌësëquin cacëxa: —Ënë nëtënu ꞌicë unían a ꞌunáncëma ꞌaínbi camina mitsux Jesucristomi sinanati Nucën Papa Diosnan ꞌinux ië́ti ꞌain.

2 Corintios 6:17

Ësairibi ca Nucën ꞌIbu Diosan bana quia: Axa ꞌëmi sináncëma unicamabë ꞌima ꞌianan camina atun sináncësaribi oi ꞌicantima ꞌain. Usai ꞌiquin camina ꞌëx cuëëncëma ñu ꞌatima ꞌain. Usai ꞌia cana ꞌënan mitsu ꞌimiti ꞌain.

2 Timoteo 1:16

Usa ꞌaínbi ca Onesíforonën ꞌëx masá nuitucasíabi ꞌë ꞌësëquin ꞌë cuëënmiaxa. Romanu ax bërí ucë ꞌixun mëracatsi bënë́quin bariquinbi ꞌacasmapantancëxun ꞌë mërax ca ꞌëx sipunu ꞌaínbi rabinima ꞌitsai ꞌë isi uaxa. Usa ꞌain cana Nucën ꞌIbu Diosan Onesíforonën xubunu ꞌicëcama nuibaquin ꞌaquinti cuëënin.

Apocalipsis 18:14

Inquin ca ësaquin a ëmanu ꞌicë unicama cati ꞌicën: —Anúnmi cuëëan bimiñuma camina ꞌain. Mitsun ñu upícama ꞌimainun mitsun ñun curánacama ca cëñuti nëtë́axa, camina acama istëcëntima ꞌain.

Jueces 4:11

Quedes kakë ꞌurama anua in papa chaiira nikë Saanaim kakë me anu ka Héber kakë quenita uni ax tsóakëxa, ax ka aín aintsi quenita kamabë ënanan ꞌaish axi tsókë uni ꞌiakëxa, ax ka Moisésnën kukun bakë bëchikënën rëbúkinkama ꞌiakëxa.

Jueces 5:24

¡Jael ax ka bëtsi xanukama samaira ꞌaish rabikë ꞌiti ꞌikën, ax ka Héber quenita uni aín xanu ꞌikën! ¡Ax ka abëa tsókë xanukama samaira ꞌikën!

1 Samuel 15:5

Usakin ꞌabiani ka Saúl aín suntárukama buani Amalec kakë aín ëma chaiira anu kuanxun ratukinshi ꞌanux achúshi xëxanu ꞌibuax anu unë́nun ꞌimiakëxa,