1 Samuel 15:33 - Kashibo-Kakataibo Biblia

³³ ꞌAínbi ka Samuelnën kakëxa: —Min kamina min manë xëtokën ꞌakin ꞌën aintsi xanun tuákama këñukin ꞌan. Usaribiti ka min titax tuáñuma bërúti ꞌikën. Ësokin kakinshi ka Samuelnën aín manë xëtokë bikinshi anun ꞌakëxa, Guigal kakë ëma anuxun Nukën ꞌIbun kakësabiokin ꞌaxun ka Agag aín nami chánkapakëxa.

1 Samuel 15:33 ပူးပေါင်းရင်းမြစ်များ

Génesis 9:6

Uin kara bëtsi uni ꞌaia, aka bëtsi unínribi ꞌati ꞌikën. Unix ka Nukën ꞌIbu Diosan a iskësabi okin unio ꞌikën usa ꞌain.

1 Reyes 18:40

Ësai kikania ka Elíasnën atu kakëxa: —¡An bana ñuikë unínbi anëkë Baalnën unikama kamina ñatankanti ꞌain, achúshirabi abátanun kamina ënkantima ꞌain! Kakëxun ka unikaman atu ñatankëxa, ñatankë ka Elíasnën Quisón kakë xëxanu buánxun anuxun atu kamabi ꞌamiakëxa.

Éxodo 17:11

Usa ꞌain ka Moisés pënchati nikëbëtan Diosan ꞌakinkëxun israel unibunën amalecitakama abë ꞌakanankin ñusma okëxa; ꞌaínbi ka Moisésnën aín pëñan meu okëbëtan amalecita unibunën abë ꞌakanankin Israel unikama ñusma okëxa.

Jeremías 18:21

ꞌAínbi kamina bërí atun ꞌini bëchikë xanu ꞌimainun bëbukama numin ꞌiananbi manë xëtokën ꞌakëx bamanun ꞌimiti ꞌan, usakin ꞌakëbë ka atun xanukama kasunamëti tuáñuma bërúkanti ꞌikën. ¡ꞌImainun ꞌinsinan atun bënëkamaribi këñuti ꞌikën, ꞌimainun uni bënábukama axribi ꞌakanankënuax manë xëtokën ꞌakëx bamati ꞌikën!

Oseas 6:5

Usa ꞌain kana ꞌën kakëxua an Dios kikë bana ñuikë unikaman mitsu ꞌatimonun ꞌamia, ꞌën bana an bana ñuikë unikama ñuikë a bananbia këñunun ꞌimian. Usa ꞌain ka ꞌën ꞌupiokin ꞌakë ñukama ax kuni upí ꞌaish tirísaribi ꞌikën.

Números 14:45

Usai bana purábiani kuaniabi ka amalecita ꞌimainun cananeo unikaman a menu tsókë atun, Israel unibu ꞌakëxa, ꞌakëxa abatia nuibiankin ka Hormá kakë ëmanubi bëbarukin ꞌaisamaira këñutisa okin ꞌakëxa.

Mateo 7:2

Mitsúnmi uni itsin ñu ꞌaia isquin a uni ꞌuchoia ca Nucën Papa Dios ꞌimainun unínribi, mitsúnribi caramina uisa ñu ꞌai quixun isti ꞌicën. Mitsun —min usa ñu ꞌati ca ꞌaisama ꞌicë —quixun uni itsi cacë ꞌixunbi usaribi oquin ꞌaia ca Nucën Papa Dios ꞌimainun unínribi mitsúnmi bëtsi uni ꞌuchocësaribi oquin mitsu ꞌuchoti ꞌicën.

Santiago 2:13

Anúan an camabi unin ñu ꞌacë isti nëtë anun ca Nucën Papa Diosan, an bëtsi uni nuibaquin ꞌaquincëma unicama a aín ꞌucha cupí uisa cara oti ꞌicë usoquin ꞌati ꞌicën. Usonan ca an bëtsi uni nuibaquin ꞌaquincë unicama ashi uisabi otima ꞌicën.

Apocalipsis 16:6

Minmi usoquin tëmëramicë unicama an ca min uni ꞌitsaira ꞌanan an mixmi quicë bana uni ñuixuncë uni ꞌitsaira bamamiaxa. Usaquian ꞌacë cupí camina a xëanun imi ꞌinan. Atun ꞌucha cupíbi ca usai ꞌia.

Apocalipsis 18:6

Anu ꞌicë unicaman uni raíri tëmëramicësaribi oquin camina mitsun atu tëmëramiti ꞌain. Atúan uni raíri tëmëramicësamaira oquin camina aturibi tëmëramiti ꞌain.

1 Samuel 10:8

Usa ꞌain kamina ënuax kuantankëxun Guilgal bëmánon, anuax ꞌitsama nëtë ꞌikëbë mërananxun ñuina ꞌaxun ꞌaímai këñutanun xaroi ñu ꞌatima ꞌakëkama mëníonanux timë́ti anu bëbaia ꞌë kaínti ꞌain. Anuxun kamina mapai achúshi ꞌimainun rabë́ nëtë ꞌimikin ꞌë kaínti ꞌain. Anuxun kana ami ꞌati ñu ñuikin mi kati ꞌain.

1 Samuel 15:32

Usokin ꞌatankëxun ka Samuelnën kakëxa: —ꞌË kamina Amalecita unikaman ꞌapu Agag bëxúnti ꞌain. Kakëxun bëkëx ka Agag aín bamatisa inúaxa kiax upitaxëshi kuantankëx Samuel bëmánanu nirakëakëxa, uisabi isa okanima a ꞌatimisa manukanxa kixun sinani.