1 Samuel 15:32 - Kashibo-Kakataibo Biblia

³² Usokin ꞌatankëxun ka Samuelnën kakëxa: —ꞌË kamina Amalecita unikaman ꞌapu Agag bëxúnti ꞌain. Kakëxun bëkëx ka Agag aín bamatisa inúaxa kiax upitaxëshi kuantankëx Samuel bëmánanu nirakëakëxa, uisabi isa okanima a ꞌatimisa manukanxa kixun sinani.

1 Samuel 15:32 ပူးပေါင်းရင်းမြစ်များ

Oseas 6:5

Usa ꞌain kana ꞌën kakëxua an Dios kikë bana ñuikë unikaman mitsu ꞌatimonun ꞌamia, ꞌën bana an bana ñuikë unikama ñuikë a bananbia këñunun ꞌimian. Usa ꞌain ka ꞌën ꞌupiokin ꞌakë ñukama ax kuni upí ꞌaish tirísaribi ꞌikën.

1 Tesalonicenses 5:3

Axa Jesucristomi sináncëma unicamaxa: “Chuámashi cananuna bucuin, uisa ñunbi ca nu uisotima ꞌicë” quicëbëbi ca anúan cëñúcanti nëtë atun sináncë ꞌaímabi unuxun ꞌaia. Xanu tuñunën ca anúan ax bacë́nti nëtë sënéncëbëtan paë taníma ꞌima. Usaribiti ca axa usai banacë unicama anúan cëñúti nëtëa ucëbë ië́tima ꞌicën.

Apocalipsis 18:7

Anu ꞌicë unicaman rabíquin, —nux cananuna bëtsi unicamabëtan sënë́nmaira ꞌai —quixun sinánan atux cuëëncësabi oquinshi ꞌaiabi camina acama ꞌaisamairai tëmëranun ꞌimiti ꞌain. Atun ca “ꞌën cana casunamëcë xanun ꞌacësoquin tëmëratima ꞌai” quixun sinania.

Jueces 8:11

Usa aín ka Gedeón anu uni ꞌikëma me sënënakëkë abi ratanbiani kuani Nóbah ꞌimainun Jogbehá kakë ëma kikiani kuarukin, atun ꞌunánkë ꞌaímabi ratuishi ami bëbarukin anua bukukë atu ꞌakëxa.

1 Samuel 15:31

Usai kanankiani ka Samuel ꞌimainun Saúl anua ꞌikë anuax kuankëxa, kuanxun ka Dios rabiakëxa.

1 Samuel 15:33

ꞌAínbi ka Samuelnën kakëxa: —Min kamina min manë xëtokën ꞌakin ꞌën aintsi xanun tuákama këñukin ꞌan. Usaribiti ka min titax tuáñuma bërúti ꞌikën. Ësokin kakinshi ka Samuelnën aín manë xëtokë bikinshi anun ꞌakëxa, Guigal kakë ëma anuxun Nukën ꞌIbun kakësabiokin ꞌaxun ka Agag aín nami chánkapakëxa.