1 Samuel 15:28 - Kashibo-Kakataibo Biblia

²⁸ Usokin ꞌakëxun ka Samuelnën Saúl kakëxa: —Minmi ꞌën tari tukakin bikë ësaribiokin ka Nukën ꞌIbun ka mix Israel kaman ꞌapu ꞌikëbi. Mi ꞌimikinma bëtsi uni kaístakëxun, an Israel unikama min ꞌakësamaira okin atu ꞌakinun ꞌimiti ꞌikën.

1 Samuel 15:28 ပူးပေါင်းရင်းမြစ်များ

2 Samuel 6:21

Kixuan kakëxunbi ka Davidnën kakëxa: —Asérabi kana ꞌëx unin ismainun ransan ax ka ꞌëbi usai ꞌisatani ꞌikëma ꞌikën. ꞌËx kana Dios an ꞌë kaisa a rabi usai ꞌian, an ka min papa ꞌianan min aintsikama ꞌakinma Israel kaman ꞌapu ꞌinun ꞌë ꞌimiakëxa. Usa ꞌain kana a rabi usai ransai ꞌian.

Daniel 4:17

Ënëx ka usai ka ꞌiti ꞌikë kiaxa an bërúanti nankë ángelkama ax kikë ꞌikën, usa ꞌikë ka kamabi unikaman ꞌunánti ꞌikë, ax ka manámi ꞌikë Dios kamabi kushiñu a ꞌikën, an ka uikara ꞌapu ꞌimitisatania a ꞌapu ꞌimianan uix kara ñuumasara ꞌikë a unikamaribi aín kushia aín menubi ꞌinun ꞌimia.

Daniel 4:32

ꞌën kana unikamabë ꞌimami ñuinakamabë ꞌinun mi ꞌimiti ꞌain; anuxun kamina pasto vaca bënëkaman ꞌakësaribi okin mapai achúshi ꞌimainun rabë́ baritia anúnmi, Dios ax ka ënë menu ꞌikë ëmakama aín kushi ꞌianan ui kara aín kushi ꞌimitisatania a aín kushi ꞌimia kixun min ꞌunánti nëtë sënë́ntamainun ꞌiti ꞌain.

Juan 19:11

Cacëxun ca Jesusan cacëxa: —Naínu ꞌicë Nucën Papa Dios cuëëncëbëtanma camina min ꞌë uisabi otsíama. Usa ꞌain ca an mi ꞌë ꞌináncë unicama ax mix ꞌicësamairai ꞌuchaxa.

Hechos 13:22

Cuarenta baritia ꞌicëbëtan Saúl chiquíntancëxun ca Nucën Papa Diosan David Israel unicaman ꞌapu ꞌimiacëxa. David ñui ca Nucën Papa Dios quiacëxa: “ꞌËn iscëx ca Isaínën bëchicë, David, ax ꞌën sinánsaribi ꞌicën. Usa ꞌixun ca ꞌëx cuëëncësabi oquin ꞌati ꞌicën”.

Romanos 13:1

Camabi ꞌapux ca Nucën Papa Diosan ꞌimicë ꞌicën. An ꞌimicëma ꞌapu ca ꞌaíma ꞌicën. Usa ꞌain camina mitsun ꞌapucaman bana cuati ꞌain.

1 Samuel 13:14

Usa ꞌaínbi ka mi ꞌimainun min rëbúnkikama uínsaranbi ꞌapu ꞌinuxuma ꞌaia. Usa ꞌain ka Nukën ꞌIbun achúshi uni an kuëënkësabi okin an ꞌati barixun aín unikama ꞌapu ꞌinun ꞌimiti ꞌikën, min kamina an kakësokin ain bana kuaisama tan.

1 Samuel 16:12

Kakëxun ka Jesénën an ñu mëëxunkë uni achúshi barixua bitánun xuakëxa xukëx kuanxun bitsínkin bëakëxa. A bëná uni ax ka ain bëmanamiax upí ꞌianan ranshin uni ꞌiakëxa. Usa ꞌain ka Nukën ꞌIbun Samuel kakëxa: —Ënë kamina axa ꞌapu ꞌinun anëti ꞌain.

1 Samuel 18:8

Ësai kia kuatankëx ka Saúl, ꞌitsaira nishi kiakëxa: —Davidnën ka diez mil uni ꞌaxa kiax ka kikania, ꞌën karana mil uniratsushi rëtëan. ¡Usa ꞌaish ka ꞌapu ꞌimikanti ꞌuramashi ꞌikën!