1 Samuel 15:24 - Kashibo-Kakataibo Biblia

²⁴ Ësokian kakëxun ka Saúlnën Samuel kakëxa: —ꞌËn kana Nukën ꞌIbun kakësama okin ꞌai ꞌuchan ꞌimainun kana min kakësokiribi ꞌakëma ꞌain, usa ꞌain kana atumi rakuë́kin añu ꞌanun kara ꞌë kaia usakinbi atu ꞌaxuan.

1 Samuel 15:24 ပူးပေါင်းရင်းမြစ်များ

Génesis 3:12

Kakëxun ka unin kakëxa: —Minmi abë ꞌinun ꞌinánkë xanu ënën ka i bimi ꞌë ꞌinánxa, ꞌinánkëxun kana ꞌën pian.

Génesis 3:17

Ësakin xanu katankëxun ka bëburibi kakëxa: —Min kamina min xanun kakëxun kuan. Usa ꞌixun kamina a pixunma ꞌanun ꞌën mi kakë i bimi a pian, ënë pixunma ka ꞌat ꞌën kakëxunbi, usa ꞌain ka bërí me ꞌaisama min ꞌucha kupí ꞌiti ꞌikën; usa ꞌain kamina ꞌitsaira ñu mëëkin menu ñu ꞌapáxun anun mix bamati nëtë ꞌitámainun pinuxun ꞌain.

2 Samuel 12:13

Ësakian Dios kikë bana ñuikin kakëxun ka. Aín ꞌuchakë ñuixunkin Davidtan Natán kakëxa: —Asérabi kana ꞌëx Diosmi ꞌuchan. Kakëxun ka Natánën amiribishi katëkëankëxa: Diosan ka ꞌuchakë ꞌikëbi ꞌatimonan tëmëramikin mi bamamitima ꞌikën.

Job 31:34

unikamami rakuë́kin. ꞌIanan kana uínsaranbi banaima ꞌën xubunu xëpuax ñuitsimarua, uni këmëi banakë kamami rakuë́ti ꞌiama ꞌain.

Salmos 51:4

Mimi kana ꞌëx ꞌuchan, usai ꞌikin kana, a ꞌaia min uni ꞌaisama iskë ñu a ꞌan, usa ꞌain ka min bana usakin ñu ꞌakatsimi kikë ax asérabi ꞌikën.

Éxodo 10:16

Usakian akëbëtan ka ꞌapu faraónën Moisés ꞌimainun Aarón bënëtia unun kamiakëxa, kamikëxa aia ka ësakin kakëxa: —ꞌËx kana min ꞌIbu Dios ami ꞌuchanan mitsumiribi ꞌuchan,

Éxodo 9:27

Usaia ꞌikëbë ratúkin ka faraónën Moisés ꞌimainun Aarón kamiakëxa, kamikëxa aia ka ësokin kakëxa: —ꞌËx kana ꞌucha kixun kana ꞌunanin. ꞌËn ꞌucha ꞌimainun ꞌën unibu ꞌuchakë kupín ka ësai ñu ꞌia, Nukën ꞌIbux ka ꞌuchakëma ꞌikën.

Jeremías 38:5

Kixun kakëxun ka ꞌapu Sedequíasnënribi atu kakëxa: —Ka kuat, asábi ka, mitsun kuëënkësa okin kamina a uni ꞌati ꞌain. ꞌËn kana uisokin kaina ꞌakatsi usokin ꞌaxuma ꞌanun mitsu kaiman.

Números 22:34

Ësakin kakëxun ka Balaamnën Nukën ꞌIbun ángel kakëxa: —ꞌËx kana ꞌuchan, ꞌën kana ꞌunánkëma ꞌain mix kamina anun ꞌëx kuanti bai bëarati anu nitsa kixun. Mix kuëënkëbëma kana ënuaxëshi kuantëkënti ꞌain.

Mateo 27:4

ꞌInánquin ca cacëxa: —ꞌËn cana ñancánbi ꞌuchañuma ꞌicëbi a uni mitsu ꞌinan. Usa ꞌaish cana ꞌëx ꞌuchañuira ꞌain. Cacëxunbi ca cacancëxa: —A ñu cananuna nun ꞌunaniman. Ax ca min ꞌuchabi ꞌicën, minbi camina mëníoti ꞌain.

Gálatas 1:10

¿Ësaquin mitsu caquin carana unían ꞌëx cana asérabi upí ꞌai quixun ꞌë rabiti sinan? Usaquin sinánquinma cana Nucën Papa Diosan ꞌë upí isti sinan. ¿Carana unicamabë upí ꞌiti sinan? Cana usaquin sinaniman. Nucën Papa Diosma unishi cuëënmiti sinani cana Cristonën unima ꞌitsían.

Apocalipsis 21:8

Usa ꞌaínbi ca racuë́quian an ꞌëmi sinánti ëncë unicama, ꞌimainun an ꞌëmi catamëcëma unicama, ꞌimainun an ñu ꞌatima ꞌacë unicama, ꞌimainun an uni ꞌacëcama, ꞌimainun aín xanuma ꞌicëbi bëtsi xanu cuëëncë unicama ꞌimainun aín bënëma ꞌicëbi bëtsi uni cuëëncë xanucama ꞌimainun ñu xëacë ñubë́ unicama ꞌimainun an Nucën Papa Diosmabi bëtsi ñu rabicë unicama ꞌimainun cëmë unicama, acamax anuaxa ꞌianëmëꞌëosa manë tsi azufrebë rëquirucë anu ꞌiti ꞌicën, anu bamatëcëncë ꞌaish chiquítimoi ꞌinux.

1 Samuel 15:15

—ꞌËn kana a ñuinakama bëkëma ꞌain Amalec menua ka suntárukaman bëaxa —kixun ka Saúlnën kakëxa—, atun ka min ꞌIbu Dios rabikin xaroti bëkanxa. ꞌAínbi kananuna raíri ñuinakama achúshirabi nitsinkinma kamabi këñuan.

1 Samuel 15:30

—ꞌËx kana ꞌuchan —kiax ka Saúl amiribishi kítëkëankëxa—. Usa ꞌaínbi kana mi amiribishi katëkënin Israel kaman kushi ꞌimainun kamabi unikaman, ax ka asérabi nun ꞌapu ꞌikë kixun mi sinánun kamina ꞌëbë kuanti ꞌain. Usa ꞌain kamina ꞌëbë kuantëkëntankëxun Nukën ꞌIbu rabi kuanti ꞌain kixun ka katëkëankëxa.

1 Samuel 15:9

ꞌAnan ka Saúlnën aín suntárukamabëtan, Agag a uisabi oima ꞌianan atun ꞌarakakë ñuina upíbu oveja, vaca, bënë, carnerokama xuairabu akama bianan ñu upíbu akamaribi ꞌaisama okinma, ñu kupíkëma kamaishi ꞌatima okëxa.

1 Samuel 2:29

¿Mitsun kamina usakin ꞌanun kakëxuan ꞌaiabi, ꞌë ꞌinainshikë ñu ꞌatimon? ¿Uisati kaina min bakë bëchikëkama usakin ꞌëmi manuxun ñu ꞌanun ꞌamiti ꞌain? ¿Mitsux kamina ꞌë ꞌinainshiti Israel unikaman bëkë piti ñu upíbu a pibi xuátima ꞌai kiax ka Dios kiaxa?