1 Samuel 15:23 - Kashibo-Kakataibo Biblia

²³ Usa ꞌaish ka uin kara ax kikësokin ꞌaima ax ami ꞌuchai an ñu tankë unikamasa ꞌiti ꞌikën; usa ꞌaish ka ñu tankin ꞌaxun rabikë unikamasa ꞌixun Diosan kakësokin ꞌaima ami ꞌuchaia. Usa ꞌaínbi kamina min an kikësokin ꞌakëma ꞌain, an kakësokin kamina ꞌaisama tanin, usa ꞌikë ka ꞌapu ꞌikëbi mi ꞌakintima ꞌikën.

1 Samuel 15:23 ပူးပေါင်းရင်းမြစ်များ

Génesis 31:19

Usaia akamax ꞌimainun ka Labán ax aín ꞌarakakë ovejakama bërúanan anuxun aín rani chaxkë́ti kanikë kama tëai kuankëxa, axa anu kuantamainun ka aín ꞌini bëchikë Raquelnën aín papan aín aintsikamabëtan rabikë ñukama a mëkamakin biakëxa.

Génesis 31:34

usaía anuribi aín papa atsínkëma ꞌaínshi ka an rabikë aín dioskama, a bitsishi anu tsotia camellonën kaxunu ꞌakë anu unëishi akamanan tsóbuakëxa. Usaia ꞌikëbëtan ka Labánën kamabi atun xubukamanua barikinbi mërama ꞌikën.

2 Samuel 12:9

¿Uisa ꞌixun kaina ꞌën kakësabiokin ꞌakinma ꞌën kuëënkëma ñu ꞌan? Min kamina hitita uni Urías a amonita suntárukama këmëxun ꞌamiakën, ꞌaxun kamina aín xanu ꞌikëbi min xanu ꞌinun biakën.

2 Samuel 7:15

ꞌaínbi kana ꞌën nuibakin Saúl ꞌakinkin ëansa okin a ꞌatima ꞌain, usakin ꞌaxun kana Saúl chikíanan mixmi ꞌapu ꞌinun mi ꞌimiasa okin a ꞌatima ꞌain.

Salmos 107:11

usai ka Diosan kakëxun kuaisama tankë kupín ꞌiakëxa, usai ka Dios manámi ꞌikë an kakësokin ꞌaisama tani atux ꞌiakëxa.

Isaías 8:19

Usa ꞌain ka unikaman mitsu káshibuinxun ësakin kati ꞌikën: “Mitsux kamina uni ñukëkama aín ñunshinbë banati ꞌain, ꞌianan ka axa usai ka ñu ꞌiti ꞌikë kixun ꞌunánkë akamabëribi munura banati ꞌain. ¿Achúshi ëmanu ꞌikë unikaman kara atun dioskamabë, bananan uni bamakëkama a kara uisakin

Oseas 13:11

ꞌËn kana mimi nishkinbi mitsux mi ꞌapuñu ꞌinun ꞌimiakën, ꞌimitankëxunbi kana mimi nishkin mi ꞌapu bikuankën.

Oseas 3:4

Usai akama ꞌikë ꞌain ka Israel unikamax ꞌitsa baritia ꞌapuñuma ꞌianan atun kushi kamañumabi ꞌiti ꞌikën, ꞌianan ka añu ñubi xaroima ꞌianan maxá upíibu akama ꞌianan, sacerdotekaman pañukë chupa abi pañuima: ꞌianan atun aintsia rabikë ñukama abi rabitima ꞌikën.

Números 14:9

Usa ꞌain kananuna nun Nukën ꞌIbumi ꞌatimakin ñui, a menu ꞌikë unikamami uakamë iëoia rakuë́tima ꞌain, akamax ka nux ami rakuë́tisama ꞌikën; ꞌianan ka an atu ꞌakinti ꞌaíma ꞌikën, nux kananuna an nu ꞌakinti Nukën ꞌIbubë ꞌain. ¡Usa ꞌain kamina rakuë́tima ꞌikanin!

Hechos 13:22

Cuarenta baritia ꞌicëbëtan Saúl chiquíntancëxun ca Nucën Papa Diosan David Israel unicaman ꞌapu ꞌimiacëxa. David ñui ca Nucën Papa Dios quiacëxa: “ꞌËn iscëx ca Isaínën bëchicë, David, ax ꞌën sinánsaribi ꞌicën. Usa ꞌixun ca ꞌëx cuëëncësabi oquin ꞌati ꞌicën”.

2 Corintios 6:16

¿Anuxun Nucën Papa Dios rabiti xubunuxun cara atúnbi ꞌacë ñu unin rabiti ꞌic? Ca ꞌatima ꞌicën. Nucën Papa Dios, ax bamatimoi tsócë, a aín unicaman rabicë, ax ca mitsunu ꞌicën, axa ësai quiásabi oi: ꞌËx cana atubëbi ꞌianan uinu cara atux cuania anuribi atubë ꞌiti ꞌain. ꞌËx cana aín Dios a atun rabiti a ꞌain, atux ca ꞌën unibu ꞌiti ꞌicën.

Gálatas 5:20

ꞌAnan ca ꞌaia, Nucën Papa Diosmi sinánquinma unin ꞌacë ñu rabiti, ñubë́ ꞌiti, bëtsibë nishánanti, cuamianani nishánanti, ñuñanánti, unimi pishui nishti, bënëtishi unimi nishti, anbi ñu ꞌacatsi quixun sináncë ꞌiti, ꞌimainun uni raíri, raíri unibë nishananquin amanu amanu sinánun sinánmiti, acamaribi.

Deuteronomio 9:24

¡A nëtën ꞌën mitsun uankë, anubi kamina Nukën ꞌIbun bana kuaisama tankën!

Deuteronomio 9:7

Mitsun kamina uínsaranbi anu uni ꞌikëma menuxua Nukën ꞌIbu Diosan kakëxunbi kuaisama tan bana a manutima ꞌain. ꞌIanan kamina Egipto menuax chikíkin ꞌásabiokin ënë menu bëbakinbi, an kakësabiokin ꞌaisama tankanin.

Apocalipsis 21:8

Usa ꞌaínbi ca racuë́quian an ꞌëmi sinánti ëncë unicama, ꞌimainun an ꞌëmi catamëcëma unicama, ꞌimainun an ñu ꞌatima ꞌacë unicama, ꞌimainun an uni ꞌacëcama, ꞌimainun aín xanuma ꞌicëbi bëtsi xanu cuëëncë unicama ꞌimainun aín bënëma ꞌicëbi bëtsi uni cuëëncë xanucama ꞌimainun ñu xëacë ñubë́ unicama ꞌimainun an Nucën Papa Diosmabi bëtsi ñu rabicë unicama ꞌimainun cëmë unicama, acamax anuaxa ꞌianëmëꞌëosa manë tsi azufrebë rëquirucë anu ꞌiti ꞌicën, anu bamatëcëncë ꞌaish chiquítimoi ꞌinux.

Apocalipsis 22:15

Usa ꞌaínbi ca ꞌaisama unicamax a ëma ëmáinshi ꞌiti ꞌicën. An ñu ꞌaisama sináncë unicama, an ñu xëacë ñubë́ unicama, aín xanuma ꞌicëbi bëtsi xanu cuëëncë unicama, aín bënëma ꞌicëbi bëtsi uni cuëëncë xanucama, an uni ꞌacë unicama, an Nucën Papa Diosmabi bëtsi ñu rabicë unicama, axa uni paránti cuëëni cëmëcë unicama, acamax ca a ëmanu atsíntima ꞌicën. Ca ëmáinshi ꞌiti ꞌicën.

1 Samuel 13:14

Usa ꞌaínbi ka mi ꞌimainun min rëbúnkikama uínsaranbi ꞌapu ꞌinuxuma ꞌaia. Usa ꞌain ka Nukën ꞌIbun achúshi uni an kuëënkësabi okin an ꞌati barixun aín unikama ꞌapu ꞌinun ꞌimiti ꞌikën, min kamina an kakësokin ain bana kuaisama tan.

1 Samuel 16:1

Achúshi nëtën ka Nukën ꞌIbun Samuel kakëxa: —¿Uínsaran kaina Saúl sinani mix masá nuitukë a ënti ꞌain? ꞌËx kana abia Israel kaman ꞌapu ꞌiti kuëënima. Usa ꞌain kamina ñuina manchan anu ꞌaruti ꞌakë anu xëni ꞌarubiani kuanti ꞌain, Jesé Belénnu ꞌikë ain xubunu, ꞌën kana ꞌain bakë bëchikë achúshi axa ꞌapu ꞌinun kaísan.

1 Samuel 2:30

Usa ꞌain ka Israel unibunën Dios an mi ꞌimainun min aintsi aín ñu mëëti ꞌaxúnun ꞌinánkë ax bërí kiaxa: Uinsaranbi kana atun ësokin, ꞌë ñu ꞌaxúnun ꞌamitima ꞌain, ꞌakinma kana an ꞌë nuibakë aribi nuibati ꞌain, ꞌanan kana ꞌëmi kuaikin ñu ꞌakë a nuibatima ꞌain. ꞌËx min ꞌIbuira ꞌaish kana ësai kin.

1 Samuel 28:3

Usa ꞌain ka Samuel ñukë ꞌain kamabi Israel menua ꞌikë unikama anun rabanan masá nuituti ꞌikankëxa, usai anun rabanan ꞌitankëxun ka anuaxa bakëan aín me Ramá kakë anubi maínkankëxa. ꞌImainun ka Saúlnën an ñu tankë unikama ꞌimainun an ñukë uni ain ñunshin abë banati kuëënkë a kamabi a menua chikínkë ꞌiakëxa.