1 Samuel 15:22 - Kashibo-Kakataibo Biblia

²² Usokin kakëxunbi ka Samuelnën kakëxa: Nukën ꞌIbun ka kuëënia ax kikësokinshi ꞌaxúnti, usa ꞌain ka ñuina xaroxuntishi kuëënima; ax kikësabi okinshi ꞌati ax ka ñuina xaroxuanan carnero aín xëni xaroxunkë usamaira ꞌikën.

1 Samuel 15:22 ပူးပေါင်းရင်းမြစ်များ

Génesis 4:4

Usakian ꞌaia iskin ka Abelnënribi aín ꞌarakakë ñuina aín rëkuën tuá upíira kaístankëxun ꞌën ꞌIbu kana ꞌinánti ꞌain kixun sinánxun buánxuankëxa. Usakin ꞌaia ka Nukën ꞌIbun Abelnën ꞌinánkë ñuina upíira ꞌikë isakëxa,

Éxodo 19:5

Usa ꞌain kana ꞌën kakësabiokin kamabi ñu ꞌatëkënkëbë achúshi ñu ꞌati sinanin, bëtsi unikamaxribi ka ꞌënan ꞌikën, ꞌaínbi kamina mitsuxira ꞌën unibu ꞌain, kamabi mex ka ꞌënan ꞌikën.

Jeremías 26:13

Mitsux mi ꞌatimati tsókë a ënkin kamina, upíokin ñu ꞌakánti ꞌain mitsun ꞌIbu Dios kikësa okinshi kamina ꞌati ꞌain, usaími ꞌikankëbëtan ka axa ñu ꞌatima ka ꞌinúnuxun ꞌaia ax kikë, a ꞌëx kikë ñukama ꞌimitima ꞌikën.

Oseas 6:6

Usa ꞌain kana mitsunmi ꞌë nuibati a kuëënin, ꞌën kana mitsunmi ñuina rëtankëxun xaroxunti a kuëënima, usa ꞌain kamina ax ka Dios ꞌikë kixun ꞌë ꞌunánkanti ꞌain, usakin ꞌunánkin kamina ꞌë ñuina rëtankëxun ꞌaímai këñutanun xaroxunkantima ꞌain.”

Mateo 12:7

Nucën Papa Diosan bana ca ësai quia: “Unían ꞌë rabianan aín ꞌucha tërë́ncë ꞌinuxun ꞌaracacë ñuina rëxun xaroia isi cuëëncësamaira oi cana atun uni itsi nuibaquin axa ꞌaquinsa ꞌicë ꞌaquinia isi cuëënin”. A bana cuacë ꞌaish camina ꞌën ꞌunánmicë unicaman trigo bëru bixun piia isi manáncëma ꞌitsían.

Mateo 23:23

An Moisésnën cuënëo bana ꞌunáncë unicama ꞌimainun fariseo unicama, mitsux camina an unicama paráncë a ꞌain. Mitsu ca Nucën Papa Diosan uisa cara oti ꞌicë usoquin ꞌati ꞌicën. Mitsun camina an Nucën Papa Dios anuxun rabiti xubunuxun ñu ꞌacë unicama ñu ꞌinanin, Moisés quiásabi oquin. Usa ꞌixunbi camina a bana itsi, axa quicësabi oíira ꞌiti, a quicësa oquin ꞌaiman, Nucën Papa Diosmi upiti catamëanan ax cuëëncësabi oquin upí sinánñu ꞌixun unicama nuibaquin, ꞌaquinsa ꞌicë, ꞌaquinti, acama. Usaquinmi mitsun ꞌacëx ca asábiira ꞌitsíanxa. Usoquin ꞌaquinmi mitsun ñu mësúribi ꞌinánti ca asábi ꞌitsíanxa.

Mateo 5:24

Nucën Papa Dios ꞌinántimi buáncë ñu anubi pain nanbiani cuanx, axa mimi nishcë uni abë pain mëníonanti ꞌain. Mëníonantancëx abë upí ꞌixun camina cuantëcënquin min ꞌinánti ñu Nucën Papa Dios ꞌinánquin a rabiti ꞌain.

Mateo 9:13

Usaribiti cana ꞌën an —ꞌëx cana asábi ꞌai —quixun sináncë unicama a ꞌëmia catamënun cai uáma ꞌain. Ama, an —ꞌën nuitu ꞌaisama ꞌaish cana ꞌëxbi upí ꞌitima ꞌai —quixun sináncë unicama a cuni upí ꞌinúxa ꞌëmi catamënun cai cana ꞌëx uacën. Usa cana ꞌëx ꞌai quixun sinánquin camina ꞌunánti ꞌain, uisai quicë cara Nucën Papa Diosan bana ënëx ꞌicë quixun: “Unían ꞌë rabianan aín ꞌucha tërë́ncë ꞌinuxun ꞌaracacë ñuina rëxun xaroia isi cuëëncësamaira oi cana atun uni itsi nuibaquin ꞌaquinsa ꞌicë ꞌaquinia isi cuëënin”.

Marcos 12:33

Cëmëima asérabi cuëëni, ax cuëëncësabi oi ꞌi ami sinánan unin axa bërúancacësaribi oquin aín aintsicama nuibanan ꞌaquinsa ꞌicë ꞌaquincëbë ca Nucën Papa Dios cuëënia, judíos unían aín ꞌucha cupí ꞌaracacë ñuina rëxun xarocëbëa ꞌicësamaira oi.

1 Samuel 13:12

ꞌën kana sinánkë ꞌian atux ukian Guigal ënuabi, Nukën ꞌIbu ꞌakinun ñukákëmabi nukama ꞌaisa kana sinan; usa ꞌain kana ꞌënbi nua ꞌakinun Dios ꞌaímai këñutanun ñuina xaroxunti sinánxun ꞌaxuan.

1 Samuel 13:13

Kakëxunbi ka Samuelnën kakëxa: —¡Usakin mi ꞌakë ax ka ñunshin bakë́kin ꞌakë ꞌikën! ꞌËn kana mi kan, ꞌëx kana basikëbë pain Guilgalnu mibë timë́ti ꞌian, usa ꞌain kamina Nukën ꞌIbun ꞌë kakësokin ꞌanuxun kaínti ꞌian, usa ꞌain ka xënibua ꞌaínbi Diosan mi ꞌimainun min rëbúnkikama Israel kaman ꞌapu ꞌimitsianxa.