1 Samuel 15:2 - Kashibo-Kakataibo Biblia

² Nukën ꞌIbu kamabi kushiñuira an ka mi ësokin kaia: bërí kana amalecita unikamami ꞌën ꞌamikëxun ꞌanun mi ꞌamiti ꞌain, usa ꞌaínbi ka atun Israel unikama Egipto menuaxa aia atubë ꞌakanankin ꞌakëxa.

1 Samuel 15:2 ပူးပေါင်းရင်းမြစ်များ

Génesis 36:12

Elifaz ax ka achúshi xanu an ñu ꞌaxunkë Timná kakin anëkë ꞌiakëxa; an ka achúshi tuá ꞌaxuntankëxun Amalec kakin anëakëxa. Ënë kamax ka Esaúnën aín xanu Adá ami bakë bëchipa aín rëbúnkikama ꞌiakëxa.

Jeremías 31:34

Usa ꞌain ka uínsaranbi uínbi bëtsi uni usa ka Nukën ꞌIbu ꞌikë kixun ꞌunámitima ꞌikën, an ꞌunánkë unikama ꞌimainun aín aintsikama ꞌëa ꞌunánun ꞌunánmitëkëinsama ꞌiti ꞌikën, atun ka kamaxunbi uni apanbu ꞌimainun tuáxura kamanbi ka Dios ꞌikë ꞌë ꞌunánkë ꞌiti ꞌikën. ꞌËn kana atun ñu ꞌatima ꞌakëkama mëníoxunkin, atun ꞌuchakëkama a amiribishi sinántëkëntima ꞌain. ꞌËx mitsun ꞌIbu ꞌaish kana asérabi ësai kiakën.

Amós 8:7

ꞌËx kana Israel unikaman Dios ꞌain: “usa ꞌixun kana atun ꞌatima ñu ꞌakëkama uínsaranbi manutima ꞌain.”

Números 24:20

Ësai kitankëx ami bësukin Amalecnën rëbúnkikama isi ka Balaam ësairibi kiakëxa: Amalec ax ka achúshi ëma chaiira ꞌaish kushiira ꞌikën, usa ꞌikëbi ka ami nishkë unikaman këñukin achúshirabi bërutanuma atu ꞌati ꞌikën.