1 Samuel 15:16 - Kashibo-Kakataibo Biblia

¹⁶ Usokian kakëx ami nishkin ka Samuelnën Saúl kakëxa —¡Nëtë́xun kamina usokin mi kanun ꞌë kakë mi kamainun kuati ꞌain, Nukën ꞌIbun ënë imë́ ꞌë kakë kana mi kati ꞌain! Ësokin kakin ka kiabi nëtë́miakëxa. —Asabi ka kamina ꞌë kati ꞌain —skixun ka an kakëxa.

1 Samuel 15:16 ပူးပေါင်းရင်းမြစ်များ

1 Reyes 22:16

ꞌAínbi ka ꞌapu Ahabnën kakëxa: —Uiti okinshi karana ꞌën mi kan, asérabi kamina sinántëkënuxuma Nukën ꞌIbun anën usai kamina ꞌiti ꞌai kixun ꞌë kanun mi kan.

1 Samuel 12:7

Usa ꞌain kamina bërí mëníokakanti ꞌain, ꞌën kana Nukën ꞌIbun ismainunbi mitsu uisakin kara an mitsu ꞌakianxa kanan, uisakin kara nun chaitiokë ꞌakiankëxa akama mitsu ñuixunti ꞌain.

1 Samuel 15:15

—ꞌËn kana a ñuinakama bëkëma ꞌain Amalec menua ka suntárukaman bëaxa —kixun ka Saúlnën kakëxa—, atun ka min ꞌIbu Dios rabikin xaroti bëkanxa. ꞌAínbi kananuna raíri ñuinakama achúshirabi nitsinkinma kamabi këñuan.

1 Samuel 15:17

Usa ꞌain ka Samuelnën kakëxa: —Minbi kamina ꞌapu ꞌisama ꞌixun ꞌëx kana añubi ꞌisama ꞌai kixun sinánkën, ꞌaínbi kamina bërí israel unibunën ꞌapu ꞌain, usaími ꞌinun ka Nukën ꞌIbun mi ꞌimiaxa.

1 Samuel 9:27

kuankëbë abë ëmanuax chikíkiani kuankin ka Samuelnën Saúl kakëxa: —Min ñu mëëmikë uni a kamina axpain rëkuë́nkianun xuti ꞌain, ꞌë pain kamina kaínti ꞌain, ꞌën kana Diosan usakin mi kanun ꞌë kakë bana mi kaisatanin.