1 Samuel 15:13 - Kashibo-Kakataibo Biblia

¹³ Usakian kakëx ka Samuel uimi kara Saúl kuanxa anuabi bari kuankëxa, kuankian nukukëxun ka kakëxa: —Nukën ꞌIbun ka mi ꞌakinti ꞌikën. ꞌËn kana kamabi Nukën ꞌIbun ꞌanun kakëkama ꞌan.

1 Samuel 15:13 ပူးပေါင်းရင်းမြစ်များ

Génesis 14:19

Upíokin sinánxunkin Abram ësokin kakëxa: Mi ka Nukën ꞌIbu Dios naí manámi ꞌikë an naí ꞌimainun mekama unio an ꞌupiokin sinánxunti ꞌikën;

Génesis 3:12

Kakëxun ka unin kakëxa: —Minmi abë ꞌinun ꞌinánkë xanu ënën ka i bimi ꞌë ꞌinánxa, ꞌinánkëxun kana ꞌën pian.

2 Samuel 2:5

kakëxun ka Davidtan anu ꞌikë unikama kamikin ësokia katánun uni xukin kamiakëxa: “Diosan ka mitsu ꞌupiokin nuibakin ꞌakinti ꞌikën, mitsun kamina Saúl ñukë ꞌikë upíokin mainkakën.

Proverbios 27:2

Mibi rabiakatima kamina bëtsi unikaman kunia uisa uni kaina ꞌai istankëxun mi rabinun ꞌiti ꞌain; usa ꞌain ka mibi rabiakati ax upíma ꞌikën.

Proverbios 31:31

¡Usa ꞌain ka an ꞌakë ñukama a ꞌunánkin kamabi, ëmanu ꞌikë unikaman rabiti ꞌikën! ¡ꞌAnan ka usakin ñu ꞌaia rabikë ꞌiti ꞌikën!

Lucas 17:10

Usaribi oquin Nucën Papa Diosan a ꞌanun mitsu cacë ñu ꞌatancëx camina mitsux raíribë ësai cananti ꞌain: “Cananuna an nu ꞌamicëxun ꞌati ñucamaishi ꞌan. Usa ꞌaían Nucën Papa Diosan ꞌaisamaira oquin nu rabitima ca asábi ꞌicën”.

Lucas 18:11

Cuanx, nitsax abë banaquin ca fariseo unin ësaquin Nucën Papa Dios caxa: Nucën Papa Dios, ꞌëx uni raírisama ꞌixun cana mi, asábi ca cain. Raírinëx ca an uni paránquin aín curíqui bicë uni ꞌimainun upí sinánñuma uni ꞌimainun aín xanuma ꞌaínbia uni itsin xanubë ꞌicë uni, usa ꞌicën. Usa unicama ꞌaisama ꞌaínbi cana ꞌëx usai ꞌima. An ꞌapu buánmiti curíqui bicë, ënë uníxribia ꞌaisama ꞌaínbi cana ꞌëx usai ꞌiman.

Rut 3:10

Kakëxun ka —¡Nukën ꞌIbun ka! ¡Mi upíokin ꞌakinti ꞌikë! —kixun Booznën kakëxa—. Kanan ka bërí kamina uinsaranbimi min bënë ñukë ꞌain usai ꞌikëma anun ësai ꞌia kixun ka kakëxa. Usa ꞌain sapi kamina ꞌësama bëná uni barianan ñuñuira barikimabi ñuñuma unibi bariti ꞌian. ꞌAínbi kamina ꞌakëma ꞌain kixun kakëxa.

1 Samuel 13:10

Xarokian Saúlnën ñuinakama ꞌaimakin këñumikin sënë́onkëbëshi ka Samuel bëbakëxa. Bëbakëbë ka Saúl aia kuëënkin bitsi chikíakëxa,

1 Samuel 15:11

—ꞌËnbi upí ꞌiisa sinánkin Saúl ꞌapu ꞌinun ꞌimikëxunbi ka, ꞌën ꞌanun kakësokin ꞌakinma an kuëënkësokin ꞌaxa. Ësokin kakëx ka Samuel masá nuituti ꞌitsaira nishakëxa, usai ꞌiax ka a imë́ Nukën ꞌIbubë bananëakëxa.

1 Samuel 15:20

Kixuan kakëxun ka Saúlnën kakëxa: —ꞌËn kana añu ꞌanun kara Nukën ꞌIbun ꞌë kaxa a kamabi ꞌaxuan: ꞌAkin kana Amalecita unikama këñukin ꞌanan atun ꞌapu Agag ashi ꞌakinma bitsínkin usabi bëan.

1 Samuel 15:9

ꞌAnan ka Saúlnën aín suntárukamabëtan, Agag a uisabi oima ꞌianan atun ꞌarakakë ñuina upíbu oveja, vaca, bënë, carnerokama xuairabu akama bianan ñu upíbu akamaribi ꞌaisama okinma, ñu kupíkëma kamaishi ꞌatima okëxa.