1 Samuel 14:52 - Kashibo-Kakataibo Biblia

⁵² Anua filisteo unikamabë ꞌakanankë a bari kaman ka Saúlnën tëira tankëxa; usa ꞌain ka Saúlnën aín suntáru ꞌinun timëkin uni kushibukëñun ax ꞌakanainsa aín sinan kushibu kamaishi kaísun biakëxa.

1 Samuel 14:52 ပူးပေါင်းရင်းမြစ်များ

1 Samuel 13:5

Usai ꞌimainun ka filisteo suntárukamax, israel unikamabë ꞌakánanti sinanx timëkamë ꞌëokëxa. Anuaxa ꞌakanankë caballonën nirinkë ax treinta mil ꞌimainun ka axa caballonuax ꞌakanankë suntárukamax seis mil ꞌimainun, axa men kuani ꞌakanankë suntárukama masi bëru iskësaira ꞌaish tupuntisamaira ꞌiakëxa. Usa ꞌaish ka Micmás ꞌikë anu atun ꞌiti xubusa okin ꞌai amiaxa bari urukë Bet-avén ꞌikë anu timëkamë ꞌëokëxa.

1 Samuel 14:47

Ësakin pain ꞌatankëx ka, Saúl Israel kaman ꞌapu ꞌiakëxa. ꞌImainun ka ꞌapu ꞌi anëtankëxun kamabi menu ꞌikë ami nishkë unikama atubë ꞌakanankin ꞌakëxa, akamax ka, Moab, Amón, Edom, Sobá ëmanu ꞌikë ꞌapu, a ꞌimainun filisteo uni akamaishi ꞌiakëxa. ꞌImainun ka uinu kara kuania anuabi atubë, ꞌakanankin uni ꞌakëxa.

1 Samuel 8:1

Kaniakëkin ka Samuelnën ꞌapu ꞌixun Israelkama ꞌakinti aín bakë bëchikëkama anëakëxa.

1 Samuel 8:11

Ñuixunkin ka ësakin kakëxa: —Axa mitsun ꞌapu ꞌiti an ka ësokin mitsu ꞌati ꞌikën: Mitsun bakë bëchikëkama ka ësakin ꞌati ꞌikën, anuax ꞌakánanti caballonën nikinkë carreta anu rairi ꞌimainun ka, axa suntáru ꞌikësaribiti caballonuax ꞌakánanti raíri ꞌimiti ꞌikën, ꞌimainun ka aín patsan an ꞌapu ꞌikë suntáru ꞌixun a bërúanun ꞌimiti ꞌikën.