1 Samuel 14:47 - Kashibo-Kakataibo Biblia

⁴⁷ Ësakin pain ꞌatankëx ka, Saúl Israel kaman ꞌapu ꞌiakëxa. ꞌImainun ka ꞌapu ꞌi anëtankëxun kamabi menu ꞌikë ami nishkë unikama atubë ꞌakanankin ꞌakëxa, akamax ka, Moab, Amón, Edom, Sobá ëmanu ꞌikë ꞌapu, a ꞌimainun filisteo uni akamaishi ꞌiakëxa. ꞌImainun ka uinu kara kuania anuabi atubë, ꞌakanankin uni ꞌakëxa.

1 Samuel 14:47 ပူးပေါင်းရင်းမြစ်များ

Génesis 19:37

Aín bëchikë apan aín tuá ka Moab kakin anëkë ꞌiakëxa ax ka Moab unibunën rara ꞌiakëxa usa ꞌaish ka bëríbi Moabitas unibu aín rëbúnki ꞌikën.

Génesis 19:38

ꞌImainun ka aín ꞌanákanënribi tuakëxa achúshi okin aín anëx ka Bem-amí kakë ꞌiakëxa ax Bem-amí unibunën rara ꞌiakëxa usa ꞌaish ka bëríbi amonita unibu ax aín rëbúnkibi ꞌikën.

Génesis 36:1

Ënëx ka Esaú ꞌikëbi Edom kakinribi anëkë uni aín rëbúnkikama ꞌia ꞌikën.

Génesis 36:19

Ënë unikamax ka Esaú ꞌikëbia Edom kakë aín rëbúnkikaman ꞌapu ꞌiakëxa.

Génesis 36:8

Usa ꞌain ka Esaú ꞌikëbia aín kuai anë Edom kakë, ax anuax kuantankëx bashiñu me ami kikiani kuankë Seír kakë anu tsóti bërúakëxa.

2 Samuel 1:22

Uinsaranbi ka Saúl ꞌimainun Jonatánnën ami nishkë unikama ꞌatankëxun aín imin aín pia xëpukan kakëma ꞌaish aín xubunu uama ꞌikën, ꞌimainun ka ꞌain manë xëtokë ain pia axa ꞌakánanti ꞌunánkëira unikaman imin ꞌanan aín xënin xëshibëtsini aíma ꞌiama ꞌikën, kiax ka David kiakëxa.

1 Samuel 12:2

Ënu ka ꞌapu an mitsu bërí ꞌakinti anëkë a ꞌikën. Bëná ꞌaíshbi mitsun ꞌapu ꞌia ꞌixun kana bërí nëtënbi mitsu ꞌakinin. Usa ꞌain kana bërí kaniakëkë ꞌaish ꞌitsaira ꞌën bu uxua ꞌirua, ꞌimainun kamina ꞌën bakë bëchikëkamaribi mitsubë tsotia uisa uni kara kixun ꞌunánkan,

1 Samuel 13:1

Usa aín ka Saúl uni apan ꞌaish Israel kaman ꞌapu ꞌiakëxa; usa ꞌixun ka ꞌapuira ꞌinun anëtisama pan ꞌaish ꞌitsama bari ꞌapu ꞌixun,

1 Samuel 14:46

Ësakin ꞌaxun ka Saúlnën, atubë ꞌakanantëkënkinma aín menubia rikiantanun filisteo, unikama ëankëxa.

1 Samuel 14:52

Anua filisteo unikamabë ꞌakanankë a bari kaman ka Saúlnën tëira tankëxa; usa ꞌain ka Saúlnën aín suntáru ꞌinun timëkin uni kushibukëñun ax ꞌakanainsa aín sinan kushibu kamaishi kaísun biakëxa.