1 Samuel 14:45 - Kashibo-Kakataibo Biblia

⁴⁵ ꞌAínbi ka usai kiabi kamabi uni kaman Saúl kakëxa: —¡Uisai ꞌiax kara Jonatán bamati ꞌikën, an ka Israel kama nunnu filisteo unibu ꞌanun nu ꞌamiaxa! ¡Usakin ꞌakë a kupíma! ¡Nukën ꞌIbu ka ax ñukëma ꞌaish tsóxun isia, usa ꞌain ka Jonatán menu pakëanan. Aín bu achúshirabi nipakëtima ꞌikën! Usakian bërí ꞌakë ax ka Diosan ꞌakinkëxun ꞌakë ꞌiaxa. Ësakin ꞌakin ka Israel kama raírinën Jonatán ꞌakë ꞌiti ꞌikëbi ië́miakëxa.

1 Samuel 14:45 ပူးပေါင်းရင်းမြစ်များ

1 Reyes 1:52

Kakëxun ka Salomónnën kakëxa: —Ax ñu ꞌatima ꞌaíma uni upí ꞌaish ka uisabi okëma ꞌianan aín bu achúshirabi aín maxkánuax nipakëtima ꞌikën; ꞌaínbi ka an ñu ꞌatima ꞌakë ꞌën ꞌunánkëbë bamakë ꞌiti ꞌikën.

Nehemías 9:27

Usakin ꞌaia kamina axa ami nishkë unikama tëmëraminun ꞌinánkën. Usakin ꞌakian tëmëramikëxun tankin ka atun min ꞌakinun kixun mi ñukákëxa, ñukákëxun nuibakin kamina naínuxunbi atun bana kuakin; an ꞌatimokë unikamanua an chikínti unikama bariakën.

Mateo 10:30

An ꞌisácama bërúancë Nucën Papa Diosan ca mitsuribi camabi ꞌunánan uiti buñu caramina ꞌai quixun ꞌunania.

Lucas 21:18

Usa ꞌaínbi camina ꞌën bërúancë ꞌaish asábi ꞌiti ꞌain, ꞌëx cuëëncëbëma ca mitsun bu achúshirabi nëtë́tima ꞌicën.

Hechos 14:27

Usa ꞌain ca bëbaxun axa Jesucristomi catamëcë unicama timëacëxa. Timëxun ca Nucën Papa Diosan ꞌamicëxuan ꞌacë ñucama ñuixuanan —judíos unicamaxëshima, judíosma unicamaxribi ca Nucën ꞌIbu Diosan sinánmicëx Jesucristomi catamëtia —quixun ñuixuancëxa.

Hechos 15:12

Pedronën cacëx ca anu ꞌicë uni camáxbi banaima nëtë́ishiacëxa. Nëtë́ishitancëxun ca Pablonëan Bernabébëtan uisaira oquin cara judíosma unicaman aín bana cuaxa quixun ñuixuanan uisaira oquin cara Nucën Papa Diosan, aín cushínbi, atu uni itsin ꞌacëma ñu ꞌamiaxa, quixun ñuixuncëxun cuacëxa.

Hechos 21:19

ꞌIcë —¿uisa caina ꞌai? —quixun catancëx atubë banaquin ca Pablonën uisaira oquin cara Nucën Papa Diosan ꞌamicëxun, anua judíosma unicama ꞌicë ëmacamanuxun ñu ꞌaxa quixun ñuixuancëxa.

Hechos 27:34

Uinu ꞌicë uníxbi ca nëtë́tima ꞌicën. Camina usabi ꞌinuxun ꞌacanin. Usa ꞌain camina min nami cushinuxun piti ꞌain.

Romanos 15:18

Judíosma unibunën Nucën Papa Diosan bana cuati ami catamënun ca Cristonën ꞌë a banacama ñuixunun ꞌaquianxa. An usaquin ꞌacë ñucamaishi cana unicama ñuixunin. ꞌË cushioquin ca Cristonën aín cushínbi ꞌën judíosma unibu upí oquin bana ñuixuanan atun aín cushi ꞌunánun uni itsin ꞌacëma ñuribi ꞌanun ꞌë ꞌimiaxa.

1 Corintios 3:9

Nucën Papa Dios cuëëncësabi oquin cananuna nucaman mitsu Jesucristomi sinánun aín bana ñuixuancën, unían ñu bëru ꞌapácësaribi oquin. Usa ꞌain ca Nucën Papa Diosan unían ꞌapácë ñu bërua comicësaribi oquin Jesucristomi upiti catamënun mitsu ꞌimia. ꞌImainun ca ësa ꞌicën: Xubuoquin ca unin amia cushiti itácama pain nitsíntancëxun i puruia. Usotancëxun ca aín mascuáncama ꞌaia. Usoquian ꞌacëx ca xubu upí ꞌia. Usaribi oquin ca Nucën Papa Diosan mitsu upí oquin ꞌacë xubu achúshisa ꞌinun ꞌimia.

2 Corintios 6:1

Nucën Papa Diosan bana cuënëo ca ësai quia: Anúnmi ꞌë ñucácë nëtën cana min bana cuan. Cuaquin cana anúnmi ꞌënan ꞌinux ië́ti nëtën mi ië́mian. A bana quicësabi oi ca bëríribi anúan mitsun ñucácëxun cuati nëtë a ꞌicën, bëríbi ca anúan mitsu ainan ꞌinun ië́miti nëtë ꞌicën. Usa ꞌain cananuna Nucën Papa Diosbëtan mitsu cain, an mitsun bana cuanan ꞌaquinsa tancëxun camina an mitsu ꞌaquinun axa cuëëncësabi oquin a ñucáti ꞌain.

Apocalipsis 17:14

Acamax ca Carnero ꞌicësaribitia unin ꞌucha cupí bama abë ꞌacananti ꞌicën. ꞌAcananquin ca Carnero ꞌicësaribitia unin ꞌucha cupí bama, ax cushiira ꞌaish, ꞌibucaman ꞌIbu ꞌianan ꞌapucaman ꞌApu ꞌixun axa abë ꞌacanancëcama ñusmoti ꞌicën. Axa abë ꞌicëcaman ca a amia catamënun caísquin Nucën Papa Diosan sinánmicë ꞌixun uisai cara ñu ꞌicëbëtanbi a ëncëma ꞌicën. Usa ꞌixun ca Carnero ꞌicësaribitia unin ꞌucha cupí bama abë ꞌicëcaman axa abë ꞌacanancëcama ñusmoti ꞌicën.

Apocalipsis 19:14

Axa naínu ꞌicë caballo uxuanu tsócë ax chiquitia ca aín caballo uxuanu tsotax naínuax chiquíquin axa abë ꞌicë unicaman a nuibianxa. An nuibiancëcamax ca chupa uxua upíira upí chuañuma pañucë ꞌiaxa.

1 Samuel 11:13

ꞌAínbi ka Saúlnën ësokin atu kakëxa: —Ënë nëtën ka uixi bamatima ꞌikën, Nukën ꞌIbun ka Israel kama ië́mikin ꞌakianxa usa ꞌain.

1 Samuel 14:23

ꞌAkëxa kuania ꞌakanankinkin ka Bet-avén, anubi bëbarukin ꞌakëxa, ësakian ꞌanun ꞌamikin ka a nëtëkaman Nukën ꞌIbun, Israelkama atuxia upiti tsónun ꞌimikin ië́miakëxa.

1 Samuel 14:46

Ësakin ꞌaxun ka Saúlnën, atubë ꞌakanantëkënkinma aín menubia rikiantanun filisteo, unikama ëankëxa.

1 Samuel 19:5

an ka filisteo uni achúshi axa ꞌakánanti ꞌunánkë ꞌikëbi ꞌakëmasa okinshi Goliat an ira ꞌaisa ꞌixunbi ꞌaxa, usakin ka Israel unikama ꞌakinun Nukën ꞌIbun ꞌamiaxa, ꞌaia kamina minbi isan isi kamina ꞌitsaira kuëan. ¿Usa ꞌain kamina ñu ꞌaisama ka ꞌakëma ꞌikë David ꞌati sinántima ꞌain?