1 Samuel 14:36 - Kashibo-Kakataibo Biblia

³⁶ Usakin ꞌatankëx ka Saúl ësai kiakëxa: —Ënë imë́ kananuna filisteo unikama pëkarakuatsintamainun, achúshirabi bërutanuma ꞌai kuanti ꞌain. Kia ka kamaxunbi kakankëxa: —Uisakin kaina ꞌaisatani usakin kamina ꞌati ꞌain. ꞌAínbi ka usai kiabi sacerdote Ahíasnën atu kakëxa: —Añu karanuna ꞌaisatani a ꞌanux kananuna Diosbëpan banati ꞌain.

1 Samuel 14:36 ပူးပေါင်းရင်းမြစ်များ

Salmos 73:28

ꞌAínbi kana ꞌëx Dios ꞌurama ꞌiti ꞌain, ax ka ꞌënan asábira ꞌikën. Mix kamina ꞌën ꞌIbu ꞌianan ꞌën Dios ꞌain, usa ꞌaish kamina an ꞌë bërúankë a ꞌain, usa ꞌain kana kamabi ñumi ꞌakë akama ñuiti ꞌain.

Isaías 58:2

Kamabi nëtën ka ꞌë baria, usa ꞌixun chuámarua tani ꞌëx kikësoi ꞌikatsi kiax ꞌikin, achúshi ëmanu ꞌikë unikaman ꞌupiokin ꞌakësokin ꞌakin, ꞌën bana kikësama okinma ꞌaia kixun; upíokin ꞌën bana kikësokin ñu ꞌaxúnun ꞌë kaia, usakin ꞌë ñukati ka ꞌëx kikësabi oisa ꞌisatania kiax kuëënkania,

Malaquías 2:7

Ax ka sacerdotekaman uni ꞌëa ꞌunánun ꞌunánmiti ꞌikën, usa ꞌain ka kamabi unikamax atunu an ꞌunánminun kuanti ꞌikën, atux ka an ꞌën bana ñuikë unikama ꞌikën, atux ka Dios kamabi kushiñuira aín bana ñuikë unikama ꞌikën.

Números 27:21

ꞌAínbi ka Josuénëx sacerdote Eleazar anu pain kuanti ꞌikën, Josué axa anu kuankë ꞌain ka Eleazarnëx an kakësa ꞌitánun Urim kakë ñu anun aín anë ñui ꞌëbë banati ꞌikën. Usakin ꞌakëxuan Josuénën kakëxun ka Israel unikama añu ꞌanun kara kaia akama ꞌati ꞌikën.

Santiago 4:8

Asérabi upiti ami sinani Nucën Papa Diosbë banaquin camina an nuibaquin sinánmicëxun, ax ca mitsubë ꞌicë quixun mitsun nuitu mëu upí oquin ꞌunánti ꞌain. An ñu ꞌaisama ꞌacë unicama, cana mitsu cain: Unia aín mëcën chuañuma ꞌinun mëchucacësaribiquin ca min sinan upí ꞌinun min ñu ꞌatima ꞌacëcama ën. —Nucën Papa Diosnan cana ꞌai —quicë ꞌixunbi ainanma unicaman ꞌacësaribi oquin ënë menu ꞌicë ñuishi sináncë unicama, mitsúxribi ca sinanat, Nucën Papa Dios cuëëncësabi oíshimi ꞌinun.

1 Samuel 1:23

Kakëxunbi ka aín bënë Elcanánën kakëxa: —Uisokin ꞌati kaina sinanin usakin kamina ꞌati aín. Usa ꞌain kamina an pain xuma ëntamainun bërúti ꞌain. ꞌËx kana kuëënin Nukën ꞌIbun ax kikësabiokin ꞌanan mi ꞌakinti. Ësokian kakëx kuanima bërúxun ka ꞌain tuákën xuma ꞌakë ëntanun ꞌikiankëxa.

1 Samuel 11:11

Usokin ꞌakë a pëkarakëbëtan ka Saúlnën ain suntárukama rabë́ ꞌimainun achúshi okin amo sëtënakëxa, usakin ꞌaxun ka pëkarakëma ꞌaínshi abë ꞌakanani ukë bëtsi unikama bëararatanun xuakëxa, xukëxun bëaraxun ka amonita suntárukama bari xamarutamainun ꞌaisamaira okin kupitanuma ꞌakëxa. Usokin ꞌakëx ka axa bamakëmakama ax uinu ꞌikë uníxbi rabëtax abátima achúshi achúshi unix anua ꞌikë anuax unë́kiani abati amami amami kuankëxa.

1 Samuel 14:3

Siló kakë menu ꞌikë sacerdote Ahías ax ka anbia usakin ꞌakë ꞌixun lino ꞌakë chupa efod kakë a uankë ꞌiakëxa. Ax ka Ahitud aín bakë bëchikë Icabodnën piaka ꞌiakëxa, ꞌimainun ka Fineesnën bakë bëchikë Elí, Nukën ꞌIbun sacerdote Silónu ꞌikë aín baba ꞌiakëxa. Usa ꞌaínbi ka aín unibë ka Jonatán kuanxa kixun unin ꞌunánma ꞌikën.