1 Samuel 14:35 - Kashibo-Kakataibo Biblia

³⁵ Usakin atun ꞌamainun ka Saúlnën suntárukaman ꞌitánun, abi ꞌatabakin anuxun Nukën ꞌIbu rabiti ꞌakëxa.

1 Samuel 14:35 ပူးပေါင်းရင်းမြစ်များ

2 Timoteo 3:5

—Uni raírinëxa ꞌicësaribiti cana ꞌëx Nucën Papa Diosmi sinani nitsi —quiquinbi ca an sinánmicëxunma aín bana quicësabi oquin ꞌatima ꞌicën. Usaía ax ꞌicë unicamami ꞌunani camina bërúancati ꞌain.

Santiago 4:8

Asérabi upiti ami sinani Nucën Papa Diosbë banaquin camina an nuibaquin sinánmicëxun, ax ca mitsubë ꞌicë quixun mitsun nuitu mëu upí oquin ꞌunánti ꞌain. An ñu ꞌaisama ꞌacë unicama, cana mitsu cain: Unia aín mëcën chuañuma ꞌinun mëchucacësaribiquin ca min sinan upí ꞌinun min ñu ꞌatima ꞌacëcama ën. —Nucën Papa Diosnan cana ꞌai —quicë ꞌixunbi ainanma unicaman ꞌacësaribi oquin ënë menu ꞌicë ñuishi sináncë unicama, mitsúxribi ca sinanat, Nucën Papa Dios cuëëncësabi oíshimi ꞌinun.

Jueces 6:24

Ësokin kakëxun ka Gedeónën anuxun ñuina xaroti achúshi anubi ꞌatankëxun anuxun Nukën ꞌIbu rabikin xarotankëxun; “Nukën ꞌIbuinshi ka nu chuámarua ꞌimia kixun kakin anëakëxa. Anuxun ñuina xaroti Gedeónën ꞌa ax ka bëríbi anua Abiézernën rëbúnkikama ꞌikë Ofrá kakë ëma anu ꞌikën.”

1 Samuel 14:34

Bëtankëxun kamina abë banakin achúshi achúshi unían ꞌë atun vacakama, bënë achúshi bëisama ꞌain, ain ovejakama achúshi ënu ꞌë bëxunun kati ꞌain, a kamina mikaman aín imi këñun pimi Nukën ꞌIbumi ꞌuchakë ꞌitima kupín, aín imi ꞌibúmikin ënuxun ꞌati ꞌain. A ꞌimë́bi ka achúshi achúshixun uankë vaca bënë a kamaxunbi anuxun rëakëxa.

1 Samuel 7:12

Usakin ꞌan ka Samuelnën achúshi mapara chaiira bixun Mispá kakë ëmabëa Sen kakë me sënënakëkë anu nitsíankëxa, nitsintankëxun ka Eben-ézer kakin anëakëxa anëi ka ësai kiakëxa: “Bërí ka ënuxun Nukën ꞌIbun nukama ꞌakianxa kiax kiakëxa.”

1 Samuel 7:17

Usai akama oi nikin atu istánkëx ka anua aín xubu ꞌikë Ramá kakë anubi utëkëankëxa, anuxun ka Israel kama atun ꞌapu ꞌixun ꞌakiankëxa. ꞌAnan ka anuxun ñuina xaroti achúshi maxax bukunrukin Nukën ꞌIbu ꞌaxuankëxa.

1 Samuel 7:9

Usakin kakëxun ka Samuelnën achúshi oveja ꞌain tuá bërí kanikë bitankëxun Nukën ꞌIbu ꞌaímai këñutanun raroxuankëxa; xaroxunkin ka Israelkama ꞌakinun Nukën ꞌIbu ñukáxuankëxa, usakin ꞌakëxun ka Nukën ꞌIbun an ñukákësabi okin ꞌakiankëxa.