1 Samuel 14:34 - Kashibo-Kakataibo Biblia

³⁴ Bëtankëxun kamina abë banakin achúshi achúshi unían ꞌë atun vacakama, bënë achúshi bëisama ꞌain, ain ovejakama achúshi ënu ꞌë bëxunun kati ꞌain, a kamina mikaman aín imi këñun pimi Nukën ꞌIbumi ꞌuchakë ꞌitima kupín, aín imi ꞌibúmikin ënuxun ꞌati ꞌain. A ꞌimë́bi ka achúshi achúshixun uankë vaca bënë a kamaxunbi anuxun rëakëxa.

1 Samuel 14:34 ပူးပေါင်းရင်းမြစ်များ

Génesis 9:4

ꞌAínbi kamina achúshi ñu ashi pitima ꞌain ax ka ñuina nami aín imikëñun pitima ꞌikën: ax ka nami imiñu a ꞌikën, aín ꞌimi kupín ka kamabi uni ꞌimainun ñuinakama tsotia.

1 Samuel 14:33

ꞌAínbi ka usakin ꞌaia isiani anu kuanxun Israel suntáru raírinën Saúl kakëxa: —Unikama ka nami paxa aín imikëñun pi Diosmi ꞌuchaia, kakëxun ka Saúlnën kakëxa: —¡Mitsux kamina ax kikësabi oí ꞌima ami kuai Nukën ꞌIbu Diosmi ꞌuchakanin! Usa ꞌain kamina xaxun papa taranbëtsinkin ꞌë bëxúnti ꞌain.

1 Samuel 14:35

Usakin atun ꞌamainun ka Saúlnën suntárukaman ꞌitánun, abi ꞌatabakin anuxun Nukën ꞌIbu rabiti ꞌakëxa.