1 Samuel 14:24 - Kashibo-Kakataibo Biblia

²⁴ ꞌAínbi ka israel suntárukama a nëtë́an, añu ñubi pima panankë ꞌaish atun nami kushima ꞌaish bënainsabu ꞌiakëxa, ësakian Saúlnën manukinma a sinánun kikë ꞌain: Uin kara bari xupibukëbëtan ꞌën ꞌëmi nishkë unikama ꞌakin pëukë ꞌaímabi ñu pia ax ka ꞌatima okë ꞌiti ꞌikë, kiaxa Saúl kikë ꞌain ka a nëtën ñu pikëma ꞌaish Israel unikama usai ꞌiakëxa.

1 Samuel 14:24 ပူးပေါင်းရင်းမြစ်များ

Números 21:2

Usokëxun ka israel unikaman Nukën ꞌIbu, a mekama biti ꞌakinkëxuinsa atun anu ꞌikë ëmakama ꞌimainun anua ꞌikë ñukama këñuti ꞌikë kixun kakëxa.

Romanos 10:2

Cana mitsu cain, atun ca asérabi Nucën Papa Dios cuëënmisa tania. Usa ꞌixunbi ca uisoquin cara atun a cuëënmiti ꞌicë quixun ꞌunaníma.

1 Corintios 16:22

Ui unin cara Nucën ꞌIbu Jesucristo sinaníma ax ca Nucën Papa Diosan iscëx ꞌaisama ꞌicën. Nucën ꞌIbu Jesucristo axa uti cana ꞌëx cuëënin.

Josué 6:26

Usokin ꞌatankëx ka Josué ësai kiakëxa: “Nukën ꞌIbun ka ꞌëx kikë bana ënëx ka asérabi ꞌikë kixun ꞌunánia, uin kara Jericó ëma ꞌatëkënkin birutëkëntisa tania a unin bëchikë apanëx ka anun ëma bëararakin kënëkë ax ami rurukubukin chakakëx bamakë ꞌiti ꞌikën, ꞌimainun ka aín bëchikë ꞌanáka aribi anun ëmanu atsínti xëputi ꞌakin amibi birukin ꞌakë a chakamikë ꞌiti ꞌikën” (kiax ka Josué kiakëxa).

Jueces 5:2

Kamaxunbi ka Nukën ꞌIbu rabikan, Israel unibunu ka axa ꞌakanani kuainsa unikama ꞌikën; usa ꞌaish ka Israel unibunu ꞌakanani kuanti ka kixuan aín ꞌapun kakëx kuantishi ꞌikën.

1 Samuel 14:25

Usai ꞌika Israelnën suntárukama achúshi ni anua menu buna rëpa ꞌikë anu bëbakëxa.

1 Samuel 14:39

¡ꞌËx kana manutima okin sinánun an ira Israelkama ꞌikë nukama ië́mikë Nukën ꞌIbun kuamainunbi kin, ꞌën bakë bëchikë Jonatánnëx ꞌuchakë ꞌain ka ax ꞌakë ꞌiti ꞌikën! Ësai kia kuakin ka suntárukaman uisa bananbi káma ꞌikën;

1 Samuel 18:25

Usakin ñuixunkëxun ka Saúlnën an ñu ꞌakinkë unikama David filisteo unikama ꞌamiti sinánkin ësakin kakëxa: —David kamina ꞌën ꞌini bëchikë aínan ꞌiti bikian, añubi ꞌë ꞌinanxuma ꞌanun kati ꞌain, ꞌëx kana ꞌapu ꞌaish kuëënin ꞌëa cien filisteo uni ꞌaxun aín nëtokë ñu rëbu maxaka tëakin bixun bëxunun kati ꞌain, usakin ꞌakëbëtan kana ꞌëmi nishkë unikama ꞌatima oti ꞌain. Asérabi ka Saúl filisteo unikaman ꞌati kuëëankëxa.