1 Samuel 14:15 - Kashibo-Kakataibo Biblia

¹⁵ Usakin ꞌan ka aín xubunu ꞌikë unikama ꞌimainun suntáru ëmanu ꞌikë filisteokama rakuë́akëxa. Rakuë́mainun ka aín patsan axa ꞌakanani mëkó unikama a kamaxribi rakuë́akëxa. ꞌAínbi ka Diosan ꞌimikëx ꞌaisamairai me shaíkikëbë ꞌitsaira unikama rakuëaxa.

1 Samuel 14:15 ပူးပေါင်းရင်းမြစ်များ

Génesis 35:5

Uínsaran kara atux chikitia anun ka Diosan atu ꞌurama ꞌikë ëmakama ꞌitsaira rakuënun ꞌimiakëxa, usokëx rakuë́kin ka Jacob ꞌimainun aín bëchikëkama nuiama ꞌikën.

2 Samuel 5:24

Anu bëbakin kamina anun nikiani kuankëbëa bálsamo i pëi chushirukë banaia kuati ꞌain; ax ka rëkuë́nkiani kuankësa ꞌiti ꞌikën, usai ꞌikëbë kuankin kamina min suntárukamabëtan, filisteo suntárukama ꞌati ꞌain.

Salmos 14:5

Usakin ꞌaínbi ka atux rakuëtan bamai bërëkinuxun ꞌaia, usai ꞌimainun ka Diosan, an kakësabiokin ꞌakë unikama ꞌakinia.

Éxodo 19:18

Usakëbë ka kamabi aín bashi Sinaí anua Nukën ꞌIbu ubúkë ain meuküax tsi rëkirukë kuinsa ꞌinun tëxëkiruakëxa. Usaia ꞌikëbë ka aín bashikamaxribi munuma shaíkiakëxa.

Daniel 5:6

ratuti bëpëki bërëi saki ꞌikë anunbi aín xo rabë́ bëtsimi ratíkai aín maxkámibiki ꞌitsaira rakuë́ti bërëakëxa.

Mateo 24:6

Mitsun camina uni itsían —bëtsi menu ꞌicë unicamax ca bëtsibë ꞌacanania —quixun ñuia cuanuxun ꞌain. Cuanan —raíri unicamaxribi ca raíribë ꞌacánania —quixun ñuia cuatibi camina racuë́tima ꞌain. Asérabi ca usai ꞌiti ꞌicën. Usaía ꞌicëbëbi ca ënë mecama cëñúcëma pain ꞌiti ꞌicën.

Josué 2:9

ꞌËn sinánkëxun ka Nukën ꞌIbun mitsunan ꞌinun ënë me mikama ꞌinánti ꞌikën, usa ꞌain kananuna nukamax ꞌitsaira rakuë́tin. Usa ꞌain ka axa ënë menu tsókë unikama mitsux ukë kuati rakuëtan bamaia.

Jueces 7:21

Usai sharati kitankëxa israel unikama anuaxa sharákë anuax nëtë́ti bukubukëbëshi ka madianita suntárukamax atumi rakuë́ti sharákiani kuani anua ꞌikë anuax abákankëxa,

1 Samuel 13:17

ꞌaínbi ka achúshi ꞌimainun rabë́ ñaká filisteo axa ꞌakanankë unikama ax atun ꞌikënuax ñu mëkamati chikíakëxa; usai ꞌi chikiti ka achúshi timë́kë ax Ofrá kakë ëma ꞌikë abu kikiani, Saúlnën me ꞌikë anu kuankankëxa,

1 Samuel 13:18

kuantamainun ka bëtsix Bet-horón ꞌikë abu kikiani kuankëxa, bëtsix ka anua me sapan ꞌianan ꞌain bashi chairukë Seboím kakin anëkë anu uni ꞌikëma me abu kikiani kuankëxa.

1 Samuel 13:23

Usai atux ꞌimainun ka filisteo suntáru raírikama anua ꞌikë anuax Micmás ꞌikë ami kikiani kuankëxa.

1 Samuel 14:14

Ësai ꞌakanantabati atubë ꞌakanankin ka Jonatánnën an ꞌakinkë unibëtan basikinma bënë́kinshi mapai rabë́këñun mapai rabë́ribi filisteo unikaman suntáru ꞌakëxa.

1 Samuel 14:16

Guibeá anuxun an bërúanti Saúlnën, nankë suntárukama an Benjamínën menu ꞌixun filisteo suntárukama, amo amotan upiti kuanima ꞌukëmanan shítarabatia isakëxa.

1 Samuel 7:10

Usakian Samuelnën oveja tuá bërí kanikë ꞌaímai këñutanun xaromainun ka filisteo suntárukamax israel unikama ꞌakatsikiax atu ꞌurama obëtsini ukankëxa; usai ꞌikëbëtanbi ka Nukën ꞌIbun naínuax kanákamë ꞌëo kushiira banai sharákirui atu rapasu ꞌibúnun ꞌimikëbë ratúkankëxa, usai ꞌikëbë ratuti ka filisteo suntárukamax anuaxbi abákankëxa, usakin ꞌakëx ka israelnën suntárukaman ꞌakësa ꞌinun filisteo unikama abákëxa.