1 Samuel 14:14 - Kashibo-Kakataibo Biblia

¹⁴ Ësai ꞌakanantabati atubë ꞌakanankin ka Jonatánnën an ꞌakinkë unibëtan basikinma bënë́kinshi mapai rabë́këñun mapai rabë́ribi filisteo unikaman suntáru ꞌakëxa.

1 Samuel 14:14 ပူးပေါင်းရင်းမြစ်များ

2 Samuel 17:9

Bëríbi sapi ka asérabi aín bashi kininu unëaxa, anu ꞌima kara amanu ñachatankëx anuribi ꞌia. Usa ꞌixun ka minmi atu ꞌanun kixun xutiabi min suntárukama, Davidtan kupímashi ꞌati ꞌikën, usokin ꞌakë ka raíri unikaman Davidtan ka min unikama ꞌaxa kixun kuati ꞌikën.

Jueces 15:15

usokin ꞌatankëxun ka anua burro maxo ꞌaimairai ëskikëma a biakëxa, bixun ka anun mil filisteo unikama rëtëakëxa.

1 Samuel 14:13

Ësai kikiani Jonatán aín taëbëtan aín mëkënan mëxukiani kuankëbë ka aín uni an ꞌakinkë axribi a katíkabiani kuankëxa. Kuankin ka Jonatánnën ꞌamainun ꞌakian tëtsikin ꞌakëxa bamatisa menu rakákë akama an ꞌakinkë unin tënankin tënankin ꞌanan kupitanuma këñukin ꞌakëxa.

1 Samuel 14:15

Usakin ꞌan ka aín xubunu ꞌikë unikama ꞌimainun suntáru ëmanu ꞌikë filisteokama rakuë́akëxa. Rakuë́mainun ka aín patsan axa ꞌakanani mëkó unikama a kamaxribi rakuë́akëxa. ꞌAínbi ka Diosan ꞌimikëx ꞌaisamairai me shaíkikëbë ꞌitsaira unikama rakuëaxa.