1 Samuel 14:13 - Kashibo-Kakataibo Biblia

¹³ Ësai kikiani Jonatán aín taëbëtan aín mëkënan mëxukiani kuankëbë ka aín uni an ꞌakinkë axribi a katíkabiani kuankëxa. Kuankin ka Jonatánnën ꞌamainun ꞌakian tëtsikin ꞌakëxa bamatisa menu rakákë akama an ꞌakinkë unin tënankin tënankin ꞌanan kupitanuma këñukin ꞌakëxa.

1 Samuel 14:13 ပူးပေါင်းရင်းမြစ်များ

Romanos 8:31

¿A ñucama sinánquin cananuna ꞌunanin, Nucën Papa Diosan bërúancë ꞌicë ca an ëncëma ꞌicë uínbi uisashi cara oquinbi a nubë ënanamima.

Deuteronomio 32:30

¿Uisaxun kara achúshi unira ꞌixunbi mil uni abámiakëx? ¿ꞌIanan kara rabë́ratsu ꞌixunbi diez mil uni abámiakëx? ¡Nukën ꞌIbun ꞌakinkinbi ënkëka usakin mitsu ꞌakëxa!

Hebreos 11:34

Axa Nucën Papa Diosmi catamëcë uni raíriribi ca tsi rëquirucë an nëëntanun quixun anu niabi Nucën Papa Diosan sinanën tsinbi uisabi oma ꞌicën. Raíri uníxribi ca suntárunën ꞌati ꞌaíshbi Nucën Papa Diosan sinanën ië́acëxa. Raírinëxribi ꞌinsíncë ꞌaish cushima ꞌaíshbi ca Nucën Papa Diosan sinanën cushi ꞌiacëxa. Nucën Papa Diosan ꞌimicëxun ca suntárunën cushiira ꞌixun abë ꞌacanancë bëtsi ꞌapun suntárucama abámiacëxa.

1 Samuel 14:12

Usai ꞌimainun ka usai ꞌia mërakin Jonatán këñun abëa nikë aín uni kuënkëonkin kakëxa: —¡Nuxnu anu ꞌikë ënu kamina uti ꞌain! Ësai kikëbëtan ka Jonatánnën an ꞌakinkë aín uni kakëxa: —ꞌË kamina nuibëtsinti ꞌain, Nukën ꞌIbun ka israel unibu ax numi nishkë unikama ꞌanun nu ꞌamiti ꞌikën.

1 Samuel 14:14

Ësai ꞌakanantabati atubë ꞌakanankin ka Jonatánnën an ꞌakinkë unibëtan basikinma bënë́kinshi mapai rabë́këñun mapai rabë́ribi filisteo unikaman suntáru ꞌakëxa.