1 Samuel 13:6 - Kashibo-Kakataibo Biblia

⁶ Usa ꞌain ka Israelnën suntárukama ꞌaisamaira filisteo suntáru ꞌain, atun ꞌatimi rakuë́ti abátankëx aín bashi kininu unëmainun me nankë́kënu ꞌianan bëtsi bëtsi maparanu ꞌimainun bëtsi bëtsi xëxanu ꞌikë me rënankëkënu ꞌimainun me kininuribi unëkankëxa.

1 Samuel 13:6 ပူးပေါင်းရင်းမြစ်များ

Isaías 42:22

ꞌaínbi ka ënë unikama amia nishkë unikaman atun ñu mëkamanan aín ñu kamabi bikuanxa, usonan ka a unikama kamabi ñatanbiankin buánxun sipuaxa; usokin ꞌakian atu ꞌibuakë ꞌikëa an chikínti uni ka ꞌaíma ꞌikën, ꞌianan ka kuëëniamabi ñatanbiankin buánkë ꞌikëbi an chikínti uni ꞌaíma ꞌikën; ꞌianan ka an mëkamakin ñatankin bikëbi, kupíotankëxun bitëkënti ka ꞌaíma ꞌikën.”

Ezequiel 33:27

Ësakinribi kamina kati ꞌain: Ësai ka Dios kiaxa: ꞌËx kana axa xënibua ꞌaínbi tsókë a ꞌain usa ꞌain kana ësai kin, axa ëmakama masókë anu ꞌikë unikama atúxribi ka ami nishkë unikaman ꞌakë ꞌiti ꞌikën, ꞌimainun kana axa ninu unëax ꞌikëkama a raëkëma ñuinakama pinun ꞌamiti ꞌain, ꞌimainun ka axa mapara kini uisabi oisama ꞌimainun kininu ꞌikë akamaribi ꞌinsinan bamati ꞌikën.

Filipenses 1:23

Uisaira carana ꞌiti ꞌai quixun sinani cana sináncasmain. Bamatancëx ënë nëtënuax ꞌicësamairai Cristobë aín nëtënu chuámarua ꞌiti sinani cana anu ꞌiisa tanin.

Hebreos 11:38

A unicama aín nuitu upíira ꞌaish ënë nëtënu ꞌima Nucën Papa Diosan nëtënuira ꞌiisa ꞌaíshbi ca anu uni ꞌicëma menu nitsi aín bashinuribi cuaínbëquini xubuñuma ꞌaish bashi quininu ꞌiacëxa.

Jueces 6:2

Usokin ënkëa madianitakaman israel unikama ꞌatimaira okin ubíokëx ka aín bashinua ꞌikë kini baritankëx anua barikinbi mëratisamanu unëkankëxa.

1 Samuel 13:15

Ësokin kaxun ëbianishi ka Samuel Guilgalnuax kuani kuankëxa. Kuamainun ka suntáru raíribë Saúl anuaxa ꞌakananux mëníokatinu atúxribi Guilgalnuax kuanx Guibeá Benjamínën ëma kakë anu kuanx bëbakëxa. Anuxun ka Saúlnën aín suntáru abëa ꞌakanani kuankëkama tupuankëxa, ꞌaínbi ka seiscientos mil unibëtan sënë́nsa ꞌiakëxa.

1 Samuel 14:11

Usa ꞌain ka a rabëtax, anua ꞌikë anuxubia filisteo unikaman iskanun usai ꞌiakëxa. ꞌImainun ka usai ꞌia isi filisteo unikama kánani kikankëxa: Ka kuat, hebreos unikama ka numi kuai anua unëkë bashi kini tëmúnuax chikirabatia kiax kiakëxa.

1 Samuel 14:22

ꞌImainun ka Israel unibu axa Efraínën menu abákë atúnribi filisteo unikama ka abatia kixun ñuia kuakëxa, kuabiani nuibiani kuanxun ka abatiabi nukuxun Israel suntárukaman ꞌakanankiankëxa.

1 Samuel 24:3

Kuantankëx ka anua carnero bërúankë unikaman aín ñuina xëpukë a ꞌurama ꞌikë bashi kini anu bëbakëxa, bëbaxka anua David ꞌain suntárukamabë unëkë ꞌaínbi ꞌunánkëma ꞌaish. Saúl anu puikatsi kiax kini anu atsíankëxa,

1 Samuel 31:7

Usai ꞌikë ka israel unibu axa aín bashi ꞌukëmanan tsókë ꞌimainun Jordán kakë baka au tsókë unikaman kuakëxa, kuanan ka Israel suntárukamax ka abáxa ꞌimainun ka Saúl nën bakë bëchikëkamaxribi ñuaxa kixun ñuikania kuakëxa, kuabiani ka atux anu ꞌikë ëma ëbiani anuax abákankëxa. Usai abákian atun ëma ñankáishi ꞌitánun ëbiankë ka filisteo suntárukaman anu bëbarukin atun ëmakama ꞌibúakëxa.

1 Samuel 7:7

Usai ꞌia israel unikama Mispá kakë ëmanu timëkankë ka filisteo ꞌapukaman kuakëxa, kuabiani ka atu ꞌatëkënkatsi kiax aín suntárukama buani rikiankëxa. Usai rikiania kuati ka israel unikama ꞌitsaira atumi rakuë́akëxa,