1 Samuel 13:5 - Kashibo-Kakataibo Biblia

⁵ Usai ꞌimainun ka filisteo suntárukamax, israel unikamabë ꞌakánanti sinanx timëkamë ꞌëokëxa. Anuaxa ꞌakanankë caballonën nirinkë ax treinta mil ꞌimainun ka axa caballonuax ꞌakanankë suntárukamax seis mil ꞌimainun, axa men kuani ꞌakanankë suntárukama masi bëru iskësaira ꞌaish tupuntisamaira ꞌiakëxa. Usa ꞌaish ka Micmás ꞌikë anu atun ꞌiti xubusa okin ꞌai amiaxa bari urukë Bet-avén ꞌikë anu timëkamë ꞌëokëxa.

1 Samuel 13:5 ပူးပေါင်းရင်းမြစ်များ

Génesis 22:17

usa ꞌain kana ꞌën upíokin sinánxunkin min rëbúnkinëxa. ꞌAisamaira ꞌispa imë́ naínu iskësa usaribi ꞌianan masi bëru parúmpapa kuëbínua iskësaribi ꞌinun ꞌimiti ꞌain. Usa ꞌain ka bëtsi ëmanu ꞌikë unikama ax ami nishkë akama ꞌën ꞌamikëxun abë ꞌakanankin atun abámikin ꞌati ꞌikën,

2 Samuel 17:11

Usa ꞌain kamina ësokin mi kamainun kuati kamabi Israel suntárukama axa Dan kakë ëmanu ꞌikë ꞌimainun Beerseba kakë ëmanuaribi timë́këx ka ꞌaisamaira ꞌaish parúmpapa kuëbiküa masi bëru iskësaira ꞌiti ꞌikën, usa ꞌikë kamina minbi a unikama ꞌakanankin buánti ꞌain.

Jeremías 15:8

Usakin ꞌakin kana atunua ꞌitsaira xanu kasunamëkë, parúmpapa masi bëru iskësaira ꞌinun ꞌimiakën. ꞌImikin kana bari manikëbëa nëtë xabá ꞌain xanukaman aín bakë tuá bënábu ꞌakánanti ꞌunanbu akamaribi bamanun ꞌimiakën; usakin ꞌakin sapi kana a ëmanu ꞌikë xanukama ꞌaisamaira rakuëkënun ꞌimiakën.

Oseas 4:15

Israel unikama mitsux kamina bëtsi bëtsi ñuira ꞌakë ꞌain, ꞌaínbi ka Judánu ꞌikë unikama atun kuni usakin ꞌai ꞌuchatima ꞌikën. ¡Usa ꞌain kamina Guilgalnu kuankantima ꞌain, ꞌianan kamina Bet-avén anuribi kuarutima ꞌain, ꞌianan kamina sinanatëkëntima oi ꞌën anë ñui banatima ꞌain!

Oseas 5:8

¡ꞌAkanankëbëtan a banokë ñuina manchan Guibeánuxun banoti ꞌain, ꞌanan kamina manë banoti aribi Ramá anuxun banoti ꞌain! ¡ꞌAnan kamina ñu ꞌikëbë banati nankë aribi Bet-avénnuxun banamiti ꞌain! ¡ꞌAnan kamina anun bënëtishi mëníokati ñu aribi Benjamínën me kamanuxun bana oti ꞌain!

Romanos 9:27

Isaíasnënribi ca Nucën Papa Diosan ꞌamicëxun judíos unibu ñuiquin ësaquin cacëxa: “Israelnën rëbúnqui ꞌaisamaira, parúnpapa cuëbí ꞌicë masisa, ꞌaíshbi ca acama ꞌitsamanëxëshi asérabi Nucën Papa Diosnan ꞌinux ië́ti ꞌicën.

Jueces 7:12

Usai ꞌimainun ka, madianita unikama ꞌimainun amalecita unikama ꞌianan amiaxa bari urukëmiaxa ukë unikama atux me tsitsibiani champu ꞌitsa iskësaira kiani kuankëxa. ꞌImainun ka atun camellokamax ꞌaisamaira ꞌaish parúmpapa kuëbínua masi bëru iskësaira ꞌiakëxa.

1 Samuel 13:11

chikíkin bikin kakëxunbi ka Samuelnën ësakin kakëxa: —¿Uisa kupí kaina ꞌatimakin ñu ꞌan? Kakëxunbi ka Saúlnën kakëxa: —ꞌËn suntárukama abáti kuania iskin ꞌanan kana, mixmi anun ukatsi kikë nëtë ꞌinunmi panákëbëtan ꞌan, ꞌimainun ka filisteo suntárukama ꞌaisamaira Micmás kakë anu timëkamë ꞌëokë ꞌain kana ꞌan,

1 Samuel 13:2

tres mil suntáru Israel kaisakëxa. Kaístankëxun ka dos mil suntáru Micmás kakë Betel nu ꞌikë aín bashi anu abë bërúmainun, mil suntáru Jonatán Guibeá kakë Benjamínën rëbúnkinën me ꞌikë anu bërúakëxa. Bërumainun ka suntáru raíri aín xubunu kuantanun Saúlnën xuakëxa.

1 Samuel 14:23

ꞌAkëxa kuania ꞌakanankinkin ka Bet-avén, anubi bëbarukin ꞌakëxa, ësakian ꞌanun ꞌamikin ka a nëtëkaman Nukën ꞌIbun, Israelkama atuxia upiti tsónun ꞌimikin ië́miakëxa.

1 Samuel 14:52

Anua filisteo unikamabë ꞌakanankë a bari kaman ka Saúlnën tëira tankëxa; usa ꞌain ka Saúlnën aín suntáru ꞌinun timëkin uni kushibukëñun ax ꞌakanainsa aín sinan kushibu kamaishi kaísun biakëxa.

1 Samuel 17:1

Achúshi nëtën ka filisteo suntárukamax Israel kamabë ꞌakananux Sucó kakë ëma anu timë́kankëxa, ax ka Judánën rëbúnkikaman me anu ꞌiakëxa, anuax ka Efes-damim kakë anuax anu atun ꞌiti ꞌatankëx ꞌakananux mëníokakankëxa ax ka Socó ꞌimainun Azecá a ꞌurama ꞌiakëxa.

1 Samuel 7:13

Usakin ka Israel suntárukama filisteokaman ꞌakëxa, usakian ꞌakëx ka amiribishi Israel kaman menu kuantëkëama ꞌikën; usa ꞌain ka Samuel atubë tsókëpan ꞌain filisteo unikaman atu ubioxuma ꞌanun Nukën ꞌIbun ꞌimiakëxa.