1 Samuel 13:2 - Kashibo-Kakataibo Biblia

² tres mil suntáru Israel kaisakëxa. Kaístankëxun ka dos mil suntáru Micmás kakë Betel nu ꞌikë aín bashi anu abë bërúmainun, mil suntáru Jonatán Guibeá kakë Benjamínën rëbúnkinën me ꞌikë anu bërúakëxa. Bërumainun ka suntáru raíri aín xubunu kuantanun Saúlnën xuakëxa.

1 Samuel 13:2 ပူးပေါင်းရင်းမြစ်များ

1 Samuel 10:26

Atux kuantamainun ka Saúlnëxribi aín xubunu kuani, Guibeá ëmanu kuankëxa, kuankëbëtan ka Diosan Israel uni aín sinan kushibu raíri abë kuankian uantanun kixun sinánmiakëxa.

1 Samuel 10:5

Usokin ꞌatankëx kamina matá me chairukë Diosan me ꞌikë, Guibeá kakë anua filisteo unikaman suntáru ꞌikë anu bëbati ꞌain. Bëbax a ëmanu atsini kamina an Dios kikë bana uni ñuixunkë unikamabë anuxun Dios rabiti ꞌakë anuax rikuatsinkëbë atubë mërananti ꞌain. Mëranankin kamina atux kuanmainun rëkuë́nkiani kuankin mëkën rëbun mëëkin banamikë, ꞌimainun arpakëñun, xunkakin banamikë ñukama, a banamibiani kuania isti ꞌain.

1 Samuel 13:1

Usa aín ka Saúl uni apan ꞌaish Israel kaman ꞌapu ꞌiakëxa; usa ꞌixun ka ꞌapuira ꞌinun anëtisama pan ꞌaish ꞌitsama bari ꞌapu ꞌixun,

1 Samuel 13:11

chikíkin bikin kakëxunbi ka Samuelnën ësakin kakëxa: —¿Uisa kupí kaina ꞌatimakin ñu ꞌan? Kakëxunbi ka Saúlnën kakëxa: —ꞌËn suntárukama abáti kuania iskin ꞌanan kana, mixmi anun ukatsi kikë nëtë ꞌinunmi panákëbëtan ꞌan, ꞌimainun ka filisteo suntárukama ꞌaisamaira Micmás kakë anu timëkamë ꞌëokë ꞌain kana ꞌan,

1 Samuel 13:15

Ësokin kaxun ëbianishi ka Samuel Guilgalnuax kuani kuankëxa. Kuamainun ka suntáru raíribë Saúl anuaxa ꞌakananux mëníokatinu atúxribi Guilgalnuax kuanx Guibeá Benjamínën ëma kakë anu kuanx bëbakëxa. Anuxun ka Saúlnën aín suntáru abëa ꞌakanani kuankëkama tupuankëxa, ꞌaínbi ka seiscientos mil unibëtan sënë́nsa ꞌiakëxa.

1 Samuel 13:16

Usa ꞌain ka Saúl ꞌimainun ain bakë bëchikë Jonatán abë kuankë ain suntárukamabë Guibeá Benjamín aín ëma kakë anu bërúakëxa, bërúmainun ka filisteo suntárukama Micmás kakë anu atu ꞌurama obëtsini uakëxa,

1 Samuel 13:23

Usai atux ꞌimainun ka filisteo suntáru raírikama anua ꞌikë anuax Micmás ꞌikë ami kikiani kuankëxa.

1 Samuel 13:5

Usai ꞌimainun ka filisteo suntárukamax, israel unikamabë ꞌakánanti sinanx timëkamë ꞌëokëxa. Anuaxa ꞌakanankë caballonën nirinkë ax treinta mil ꞌimainun ka axa caballonuax ꞌakanankë suntárukamax seis mil ꞌimainun, axa men kuani ꞌakanankë suntárukama masi bëru iskësaira ꞌaish tupuntisamaira ꞌiakëxa. Usa ꞌaish ka Micmás ꞌikë anu atun ꞌiti xubusa okin ꞌai amiaxa bari urukë Bet-avén ꞌikë anu timëkamë ꞌëokëxa.

1 Samuel 14:31

A nëtën ka Israel suntárukaman, Micmás ëma ꞌikë anuxun abë ꞌakanankin ꞌabianxun Aialón ëma ꞌikë anu bëbakin filisteo unikama ꞌakëxa. ꞌAínbi ka Israelnën suntárukamax ꞌakëñuma ꞌaish pananx atun nami bamax bënainsabu ꞌiakëxa,

1 Samuel 14:5

bëtsix ami baka kuabúkë aín tsipumi Micmás; abu ꞌimainun ka bëtsix amia bari kuabúkë Guibeá bëmánon ami ꞌiakëxa.

1 Samuel 14:52

Anua filisteo unikamabë ꞌakanankë a bari kaman ka Saúlnën tëira tankëxa; usa ꞌain ka Saúlnën aín suntáru ꞌinun timëkin uni kushibukëñun ax ꞌakanainsa aín sinan kushibu kamaishi kaísun biakëxa.

1 Samuel 15:34

Usokin ꞌatankëx ka Samuel Ramá kakë ëmanu kuankëxa. Kuantamainun ka Saúl axribi anua ꞌikë aín xubu Guilgal kakë ëma anu kuankëxa.

1 Samuel 24:3

Kuantankëx ka anua carnero bërúankë unikaman aín ñuina xëpukë a ꞌurama ꞌikë bashi kini anu bëbakëxa, bëbaxka anua David ꞌain suntárukamabë unëkë ꞌaínbi ꞌunánkëma ꞌaish. Saúl anu puikatsi kiax kini anu atsíankëxa,

1 Samuel 8:11

Ñuixunkin ka ësakin kakëxa: —Axa mitsun ꞌapu ꞌiti an ka ësokin mitsu ꞌati ꞌikën: Mitsun bakë bëchikëkama ka ësakin ꞌati ꞌikën, anuax ꞌakánanti caballonën nikinkë carreta anu rairi ꞌimainun ka, axa suntáru ꞌikësaribiti caballonuax ꞌakánanti raíri ꞌimiti ꞌikën, ꞌimainun ka aín patsan an ꞌapu ꞌikë suntáru ꞌixun a bërúanun ꞌimiti ꞌikën.