1 Samuel 12:9 - Kashibo-Kakataibo Biblia

⁹ Usokin ꞌakinkëxbi ka Nukën ꞌIbu Diosmi atux manúkankëxa, usai ꞌia okin ka ax atumi nishkë unikaman abë ꞌakanankin kupimikinma ꞌanun Hasor ëmanu ꞌikë ꞌapu Jabín aín suntárunën kushi Sísaranën an bërúankë suntárukamabëtan ꞌanun ꞌamiakëxa, ꞌaia ka filisteo unikama ꞌimainun Moabnu ꞌikë ꞌapu anribi atubë ꞌakanankin ꞌakëxa.

1 Samuel 12:9 ပူးပေါင်းရင်းမြစ်များ

2 Samuel 7:11

axa ꞌën uni Israel unikaman ꞌapu ꞌinun uni ꞌimikin kana. ꞌËn amia nishkë unikamabë ꞌakanantëkënima nuibananishi tsónun atu ꞌimiakën. ꞌImainun kana aín rëbúnkikama kana uínbi ubiotima oia tsónun ꞌiminuxun ꞌai kixun ꞌunámikin kakën,

Isaías 63:10

ꞌAínbi ka Nukën ꞌIbun kakëxun atun kuaisamatankëxa ꞌianan ka ꞌatimakin ñuikëx masá sinánkëxa; usakin ꞌakëxun ka axbi atumi nishkin atu ꞌakëxa.

Jeremías 2:32

¿Achúshi xanun kara unibë mëranankia bikë ꞌain mëñusutikama manukin rakanti ꞌik? Usa ꞌaínbi ka ꞌën unikama, ꞌitsaira baritia ꞌimi ꞌëmi manúakëxa.

Deuteronomio 32:18

Israel unibu mitsun kamina min papasa ꞌixuan mi ꞌakinkëxunbi manuakën; Dios an mitsu anumi tsóti ꞌinánkë a kamina manukankën.

Deuteronomio 32:30

¿Uisaxun kara achúshi unira ꞌixunbi mil uni abámiakëx? ¿ꞌIanan kara rabë́ratsu ꞌixunbi diez mil uni abámiakëx? ¡Nukën ꞌIbun ꞌakinkinbi ënkëka usakin mitsu ꞌakëxa!

Jueces 13:1

Usa ꞌain ka Israelkama an ismainunbi ñu ꞌatima ꞌatëkënia okin Nukën ꞌIbun filisteo unikaman cuarenta baritia ꞌimikin tëmëranun ꞌimiakëxa.

Jueces 2:14

usokëbë Israel unikamami nishkin ka Nukën ꞌIbun an ñu mëkamakë unikaman atun ñu mëkamanun ꞌamianan, a rapasu ꞌikë unikaman an ꞌakinti ꞌaíma aín kupitanuma ꞌanun ꞌamiakëxa.

Jueces 4:2

usokin ꞌaia iskin ka Nukën ꞌIbun achúshi cananeo uni Jabín kakë ꞌapu ax ka Hasor kakë ëmanu ꞌain, abë ꞌakanankin ꞌanun ꞌamiakëxa. A unin suntárunën kushi ka Sísara kakë uni ꞌiakëxa, ax ka Haróset-goím kakë ëma anu tsókë ꞌiakëxa.

1 Samuel 12:15

Usai ꞌikinma ax kikë bana kiásabiokin ꞌakëbëtan ka an mitsun ꞌapu këñunbi uisa kara oisatania usokin ꞌati ꞌikën.