1 Samuel 12:5 - Kashibo-Kakataibo Biblia

⁵ Usai kia ka Samuelnën atu kakëxa —Nukën ꞌIbu ꞌimainun anbia kaískë mitsun ꞌapu an ka mitsux mi kikë bana ꞌunánxa, usa ꞌain kamina ꞌatimai banakin ꞌë ꞌucha okankëma ꞌain —kixun ka Samuelnën unikama kakëxa. —Asérabi ka usa ꞌikë —kixun atúnribi kakëxa.

1 Samuel 12:5 ပူးပေါင်းရင်းမြစ်များ

Génesis 31:50

ꞌËn bëchikë xanukama ꞌatima onan, bëtsi xanu kamabikatsi kixun sinania an isti ka ꞌaíma ꞌikën, usa ꞌain ka Nukën ꞌIbu Diosanshi iskin ꞌunánti ꞌikën. Usa ꞌain kamina bëríbi ꞌë kati ꞌain ꞌën bëchikëkama kaina min nëtënuxun ꞌatima oi kuantima ꞌai kixun, ꞌimainun kamina ꞌën bëchikë ënkin bëtsi xanu biti karamina sinani kixun.

Job 42:7

Ësokin pain a ñukama Job katankëxun ka Diosan Elifaz kakë uni aribi kakëxa: ꞌËx kana mi ꞌimainun min ꞌunánkë uni rabë́ amiribi ꞌitsaira nishan, mitsun kamina asérabi upiti banaima ꞌë ñui këmëi banan ꞌën uni Job ax kuni ka asérabi ꞌë ñui upiti banaxa.

Juan 18:38

Cacëxun ca Pilátonën Jesús cacëxa: —¿Uisa cara min Diosan sináncë ꞌic? Usaquin catancëx amiribishi ëman chiquíquin ca Pilátonën judíos unicama cacëxa: —ꞌËn iscëx ca ënë uni ꞌatima ñu ꞌacëma ꞌicën.

Hechos 23:9

Usa ꞌaísha camáxbi cuëbícanani sharámainun ca fariseo uni raíri, an Moisésnën cuënëo bana ꞌunáncë, an niruquin munuma banaquin cacëxa: —Nun iscëx ca ënë unix añu ñubi ꞌacëma ꞌicën. Sapi ca ñunshin banaia cuaxa, ángel banaia sapi ca cuaxa. An ꞌimicëxuan nu bana ñuixuncëxunbi ënë uni ꞌatimoi atununa Nucën Papa Diosmiribi nishi, usa ꞌain cananuna ꞌatimotima ꞌain.

Hechos 24:16

Usaquin sináncë ꞌaish cana Nucën Papa Diosmi ꞌuchaima ꞌianan uisa unimibi ꞌuchaima ꞌiisa tanin. Usai ꞌinuxun cana camabi nëtën ñu ꞌatima ꞌaquinma ñu upíshi ꞌain.

Hechos 24:20

Usa ꞌain ca atúxa ucëma ꞌain, axa Tértulobë ucë ënë unicaman mi cati ꞌicën, Jerusalénuxuan judíos ꞌapucaman ꞌë ñucácëbëtan cara uisa ñu ꞌacë ꞌë isaxa quixun.

1 Corintios 4:4

ꞌËn ñu ꞌatima ꞌacë ꞌën chiquinacëma ca ꞌaíma ꞌicë quixun ꞌën sinaniabi ca Nucën ꞌIbu Jesucristonën cuni carana asérabi ñu ꞌaisama ꞌacëma ꞌai quixun ꞌunania.

2 Corintios 1:12

Cananuna asérabi ꞌunanin, Nucën Papa Diosan ꞌimicëx nun nuitu upí ꞌixun cananuna unicama paránquinma ñu upíshi ꞌa quixun. Unicaman ca usaínu ꞌia nu isaxa. Uni itsían nu iscësamaira oquin camina usaínu ꞌia mitsun nu isacën. Usaquin sinani cananuna cuëëinra cuëënin. Nunbi unin sináncësa oquin sinani cananuna usai ꞌicëma ꞌain. Nucën Papa Diosan nu nuibaquin ꞌaquincëxëshi cananuna usai ꞌian.

1 Samuel 12:4

Ësokian kakëxunbi ka timë́kë unikaman kakëxa: —Uínsaranbi kamina nun ñu mëkamanan nu paránan usokinbi ꞌakin këmënuxun nun kuríki bianan uisokinbi nu ꞌakëma ꞌain.