1 Samuel 12:22 - Kashibo-Kakataibo Biblia

²² Nukën ꞌIbu an ka asérabi nukama kaisakëxa. Usa ꞌixun ka uínsaranbi nukama ënuxunma ꞌaia, anbi ka mitsu aín uni ꞌiti kaisakëxa.

1 Samuel 12:22 ပူးပေါင်းရင်းမြစ်များ

1 Reyes 6:13

ꞌaí kana Israel unikamanu ꞌiti ꞌain; usai ꞌi kana Israel kama ënima anuxun ꞌë rabiti xubunu ꞌiti ꞌain.

1 Reyes 8:57

Usa ꞌain ka Nukën ꞌIbu Dios bërí nubëribi ꞌiti ꞌikën, nun chaitiokëkamabë ꞌiásaribiti. Usa ꞌixun ka nukama ënkinma ꞌakinti ꞌikën,

Nehemías 9:17

Usai ꞌikin ka min kakëxun kuaisama tanan minmi chaiira ñu atu ꞌaxuan abi sinánkama ꞌikën. Usai ꞌikin ka min bana kuaisama tankin achúshi ꞌapu an isa anuaxa tëmërakë Egipto me anubi uantëkënun kixun anëakëxa. ꞌAínbi kamina mix Dios an ꞌuchaiabi uni nuibakë a ꞌixun uisabi okinma, nuibairakin ꞌatimokinma ꞌakinkin ñu ꞌatima ꞌaiabi atu ëanma ꞌain.

Éxodo 32:12

¿Uisoti karamina egipcio unibunëxa mi ñui Diosan ka anu uni ꞌikëma menuxun këñuminuxun Israel unikama ënua chikínbiankin uanxa kinun këñumiti ꞌain? Usa aín kamina nishkinbi; Israel unikama këñútimi sinánkë a ënti ꞌain.

Isaías 41:17

Uni ñuñuma ꞌaish kuríkiñuma akaman ka ꞌumpax barikinbi mëraima. Usa ꞌaish ka ꞌumpax xëaima shimax aín tëru ëskia; ꞌaínbi kana ꞌëx aín ꞌIbu ꞌixun atu ꞌakinti ꞌain, ꞌëx Israel unikaman Dios ꞌixun kana atu ꞌakinkin ëntima ꞌain.

Isaías 42:16

Usakin ꞌanan kana bëxuñu unikama aribi atun ꞌunánkëma bain, buánkin anua niama bain buánti ꞌain. Uankin kana bëánbëankibukë aribi atun ismainubia xabá ꞌinun ꞌimiti ꞌain, ꞌimianan kana me nankë́kë axribia mëníokati upiti rakanun ꞌimiti ꞌain. Ënë ñukama kana, kana ꞌaíma kikínma asérabi ꞌati ꞌain.

Isaías 43:25

ꞌAínbi kana ꞌëx mitsun Dios ꞌixun, uni ꞌaimi ꞌuchakëkama a tërënxunkin uinsaranbi sinántëkëntima ꞌain.

Isaías 43:7

ꞌën unikama kamina kamabi mitsun bëtëkënti ꞌain akamax ka ꞌën aintsi ꞌibu ꞌikën, usa ꞌain kana atu ꞌën uniokën, usa ꞌixun ka atun ꞌë rabiti ꞌikën.

Isaías 49:15

ꞌAínbi kara ¿achúshi titan aín tuá ꞌibubi nuibakë ꞌixunbi ënti ꞌik? ꞌAisatankin ka xanun aín tuá manuti ꞌikën, ꞌaínbi kana ꞌën mitsu uínsaranbi manutima ꞌain.

Isaías 63:8

Ax ka ësai kiakëxa: “Atux ka ꞌën unibu ꞌikën, usa ꞌixun ka atun ꞌën kuëënkësokin ꞌakin ꞌë parántima ꞌikën.” An ka atu ië́miakëxa,

Jeremías 14:21

¡Min anë axa rabikë ꞌinun kamina nu timakësa otima ꞌain, ꞌianan kamina anua min kushi ꞌikë xubu ꞌupiokin ꞌakë anuxun ꞌapun bana ñuia kuakë a timakësa otima ꞌain! ¡ꞌIanan kamina nubëtan mi nëtë́timokin ñu ꞌa a sinánkin, ñankáishisa ꞌinun ꞌimitima ꞌain!

Jeremías 14:7

¡Nukën ꞌIbu Dios nun ꞌuchakë anbi ka nukama ꞌaisama ꞌimia, usa ꞌain ka mix nuibanankë ꞌain min anë ax upíokin rabikë ꞌiti ꞌikën! Usa ꞌaínbi kananuna mix kikësoi ꞌima ꞌitsaira nukamax mimi ꞌuchan.

Jeremías 14:9

¿Uisa kupín kaina achúshi uni ñu ꞌianan, axa ꞌakánanti ꞌunánkë ꞌixunbi raíri uni ꞌakinkin ië́mikëma usaribi ꞌain? Usa ꞌaínbi kamina mix nun Dios ꞌaish nukama nëbëtsi ꞌiti ꞌain, usa ꞌain ka nux kananuna min unikama ꞌai kixun kamaxunbi ꞌunánkanxa; ¡usa ꞌain kamina nukama ëntima ꞌain!

Malaquías 1:2

Ësai ka Dios kia: ꞌËn kana mitsu nuibatin. ꞌAínbi kamina mitsun ësokin ꞌë kain: ¿Uisaxun karanuna min kamina nukama nuibati kixun ꞌunánti ꞌain? Kakëxun ka Diosan atu kaia: ꞌËn kana mitsu xukë́n rabë́ ꞌikëbi nuibakën, nuibakin kana Esaú ꞌimainun Jacob aira abëtan ñu ꞌati kuëënxun nuibakën,

Mateo 11:26

—Ñu ꞌunánma ca —quixuan unin sináncë unicaman min ꞌimicëxun ꞌën bana cuati camina cuëëan.

Juan 15:16

ꞌËx mitsun ꞌibu ꞌinúnmi ꞌë caíscancëxunmabi cana ꞌënan ꞌinun mitsu ꞌënbi caísan. Usotancëxun cana mitsúnmi ꞌën sinánsaribi ꞌixun upí ñuishi ꞌanun mitsu can, xënibua ꞌaínbia Nucën Papa Dios cuëënun. Usaquin ꞌaia ca ꞌëx cuëëncësabi oquinmi ñucácëxun mitsu ꞌaxúnti ꞌicën.

Romanos 11:1

Usa ꞌain cana sinanin, ¿judíos unibu cara Nucën Papa Diosan aín bana cuaisama tania oquin ëanxa? quixun. Usama ca. ꞌËxribi judío uni, Abrahamnën xutan bëchicë, Benjamín, aín rëbúnqui ꞌicëbi ca Nucën Papa Diosan ꞌë manuquinma upí oquin sinánxunia. Usa ꞌain cana ꞌunanin, an ca judíos unicama ëncëma ꞌicë quixun.

Romanos 11:29

Bëráma judíos unibu —ꞌënan ca mitsu ꞌimainun mitsun rëbúnqui ꞌiti ꞌicë —quixun Nucën Papa Diosan cá ꞌain ca a banacama usabi ꞌiti ꞌicën. Nucën Papa Diosan ca —mitsux camina ꞌënan ꞌiti ꞌai —quitancëxun bëtsioquin sinántëcënima.

1 Corintios 4:7

¿Uin cara mitsu raíri, bëtsi unicama ꞌicësamaira oími upí ꞌinun ꞌimiaxa? Nucën Papa Diosan ꞌimicëxma camina upí ꞌitsianma. Nucën Papa Diosan ꞌimicëx upí ꞌixun ¿caramina uisa cupí —ꞌëxbi cana upí ꞌai —quixun rabíquin sinanin?

Efesios 1:12

Nun nu an sinánmicëxun upí oquin ñu ꞌaia isquian uni raírinënribi a rabinun ca nux pain Cristomi catamëcë ꞌaíshnu ax cuëëncësabi oi ꞌinun nu caísacëxa.

Efesios 1:6

Usaquin ainan ꞌinun caístancëxun an nu nuibaquin, aín nuibacë Bëchicë nubë ꞌaínu ainan ꞌaish upí ꞌinun nu ꞌimicë ꞌixun cananuna ami catamëquin, xënibua ꞌaínbi a rabin.

Deuteronomio 31:17

Usai ꞌikëbë xuamati nishkin kana atu ënti ꞌain; ëntankëx kana uisaxbi atumi sinántëkëntima ꞌain, usa aín ka atunu ꞌaisamaira ñu ꞌikëbë atux tëmërai, kananti ꞌikën: ¿Nuxnu ësai tëmërakë ënëx kara mitsun sinánkëx nun Diosnu ënkë kupínnu ꞌikë ꞌik?

Deuteronomio 31:6

Mitsux kamina kushi sinánñubu ꞌaish rakuë́ ꞌitima ꞌain; usai ꞌikamina atubë ꞌakanankin ꞌai atumi rakuë́tima ꞌain, usakin ꞌaia ka Diosan ënkinma abi atu ꞌanun mitsu ꞌakinti ꞌikën.

Deuteronomio 31:8

Nukën ꞌIbun ka mi kuania ꞌakinkin ëntima ꞌikën, usa ꞌain kamina rakuë́kin; kana ꞌaíma kixun sinántima ꞌain.

Deuteronomio 7:6

Mitsux kamina ainan ꞌitia Nukën ꞌIbun kaisa a ꞌain; usa ꞌikë ka Nukën ꞌIbu Diosan achúshi ëma upíira ꞌinun mitsu ꞌimiaxa, usa ꞌaish kamina bëtsi menu ꞌikë ëmakamasamaira upíira ꞌinun mitsu ꞌimiaxa.

Deuteronomio 9:5

Usa ꞌain ka mitsun upí ꞌixun biti kupíma a memi binun; atun ꞌucha kupín mitsun ismainunbi atun menua a unikama Nukën ꞌIbun chikínti ꞌikën, ꞌimainun ka anbia nun chaitiokë Abraham Isaac ꞌimainun Jacob akama kásabiokin ꞌati ꞌikën.

Filipenses 1:6

Cana ꞌunanin, an mitsu Jesucristomi catamënun sinánmicë ꞌixun ca axa utëcë́nti nëtë ꞌitámainun Nucën Papa Diosan Jesucristosaribi ꞌaish upí ꞌinun mitsu ꞌimia.

Hebreos 13:5

ꞌAisamaira curíquiñu ꞌiti camina sinántima ꞌain. Nucën Papa Diosan “ꞌËn cana mi ꞌaquinquin ëntima ꞌai” quixun cacë a sinani camina mitsux ꞌaisamaira ñuñuma ꞌaíshbi masá nuituti bënëtima cuëënti ꞌain.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.