1 Samuel 12:21 - Kashibo-Kakataibo Biblia

²¹ Usa ꞌain kamina bërí unin diosmabi rabikë ñukama a ënti ꞌain, an ka mitsu uisa ñu kara inutiabi ꞌakianan uisakinbi ië́mitima ꞌikën, ax ka unin këmëkinshi ꞌakë ꞌikën.

1 Samuel 12:21 ပူးပေါင်းရင်းမြစ်များ

Isaías 41:29

¡Akama achúshinëxbi ka añumabi ꞌikën! Usa ꞌixun ka añu ñubi ꞌaima; usa ꞌain ka unin a rabinuxun uniokë ñu usaribi ꞌaish ñankáishi ꞌikën.

Isaías 45:20

“Kamabi unikama axa bëtsi menu buánkëx tëxëkë, mitsux kamina rikuatsini ꞌurama timë́ti ukanti ꞌain. Mitsun kamina ñu ꞌunánma ꞌixun unínbia, a rabinuxun ꞌakë i a ꞌiabiankin buani kuankanin, an mitsu ꞌakinumabi kamina dioskama ñukákanin, ñukákëxunbi ka a dioskaman mitsu ië́mitima ꞌikën.

Isaías 46:7

Usakin ꞌakë ka unikaman ain tëxatan ꞌiabiankin uania; uantankëxun ka anu nanti ꞌakë anu nitsinia, nitsinkëx ka ubitima anubi nitsia. ꞌAínbi ka munuma banakin ꞌakinun kixun ñukákëxunbi ka uisakinbi kaima ꞌianan atúxa tëmëraiabi ië́mima.

Jeremías 14:22

¿Anu kara ꞌiti ꞌikë unínbia a rabinuxun ꞌakë dios an ꞌuí ꞌibúmiti ꞌiti ꞌit? ¿ꞌIanan kara naíkamë ꞌëo abi ꞌuí kushiira ꞌibúnun ꞌimiti ꞌik? ¡Usama ka, Nukën ꞌIbu Dios! Mix kamina an ꞌuí ꞌibúnun ꞌimikë a ꞌain. Mix kamina an kamabi ënë ñukama usaía ꞌinun ꞌimikë a ꞌain; ¡usa ꞌain kananuna mimishi katamëti ꞌain!

Jeremías 2:13

ꞌËn unikama ka ꞌiásamaira ꞌinun chaiira ꞌuchaxa: Usai ꞌikin ka ꞌën bana kikësama oi ꞌikin ꞌë manukankëxa, anua ꞌumpax ꞌikë nëminra usaribi ꞌixun na tsónun ꞌakinkëxunbi ꞌë manúakëxa, usakin ꞌë manuika anua ꞌumpax biti nëminra ꞌumpaxñuma ꞌinun ëskikë usai atux ꞌiakëxa.

Jeremías 2:5

Ësai ka Nukën ꞌIbu kiaxa: ¿Añu ñu ꞌatima ënua mërax, kara min chaitiokama ꞌëmi ꞌunánkëx? Atúnbi bëtsi dioskama añu ñu ꞌikëmabi rabikë kupín, atúxribi usaribi ñankáishi bërukankëxa.

Jonás 2:8

Uin kara unínbia a rabinuxun bëtsi ñukama ꞌakë a rabikin, Dios axa ië́mianankë a ëanxa;

Jonás 2:9

ꞌaínbi kana ꞌën mi asábi ka kai kuëënkin rabiti ꞌain rabikin, kana ñuina ꞌatankëxun xaroxunti ꞌain; usakin ꞌakin kana uisokin ꞌaxunuxun karana mi ka usabi okin ꞌati ꞌain: ¡Mixëshi kamina axa ië́mianankë Dios a ꞌain!

Habacuc 2:18

¿Añu kara an ꞌati ꞌunánkë ꞌixun unin ñu tankin ꞌatankëxun këñukin sënë́onkë ꞌixunbi ꞌati ꞌik? ¿Añu kara bëtsi ñu tankin ꞌaxun ax isa Dios ꞌikë kixun uni paránkin kakë anbi ꞌati ꞌik? Bëtsi ñu tankin uniokë ñukama ax ka banaima; ¿Uisa ꞌaish kara a ñukamami an uniokë unikamax katamëti ꞌik?

Hechos 14:15

—¿Uisocasquin caramina ësoquin ñu ꞌacanin? Nuxribi cananuna mitsusaribi unishi ꞌain. Usa ꞌaíshbi cananuna an mitsu ꞌaquincëxunmabimi ñancábi ñu rabicë, a ënquin Nucën Papa Dios ashi rabinun quixun mitsu cai uan. An bamatiomoi tsóo ꞌixun naí, me, bacacama ꞌimainun anu ꞌicë ñucamaribi unio, a camina sinánti ꞌain.

1 Corintios 8:4

Unínbi ꞌacë ñu rabiquin ñuina rëcë aín nami piti cara asábi ꞌicë quixunmi ꞌë ñucácë bana a ñuiquin cana ësaquin mitsu cain. Cananuna ꞌunan, unin ꞌacë ñu ax ca ñuishi uniocë ꞌaish asérabi diosma ꞌicën. Nucën Papa Dios ax ca achúshi ꞌicën, bëtsi dios ca ꞌaíma ꞌicën.

Deuteronomio 30:17

ꞌAínbi kamina mitsun ꞌën kakë banakama ënë kuatima, bëtsi dioskama rabi rantinpuruni ami ꞌikin rabiti sinántima ꞌain,

Deuteronomio 32:21

ꞌË kamina diosmabi bëtsi dios rabikin nishmian, usa ꞌain kana ꞌënribi mitsu nishmikin ꞌën uni ꞌikëmabi bëtsi uni ꞌën uni ꞌimiti ꞌain, ꞌimikëbë ka atux ꞌatima okin sinani nishti ꞌikën, ¡usa ꞌain kana ꞌën bana kuaisama tankë unikama ꞌën uni ꞌimiti ꞌain, ꞌimikëbë ka ꞌën unikama atumi nishti ꞌikën!