1 Samuel 12:20 - Kashibo-Kakataibo Biblia

²⁰ Kikania ka Samuelnën atu kakëxa: —Kamina rakuë́kantima ꞌain. Ax ka asérabi ꞌikën mitsúnbi kamina ꞌaisama ñuira ꞌan; usa ꞌain kamina bërí an kakësokin ꞌaisamatankinma asérabi ashi min nuitunënbi sinánkin Nukën ꞌIbu rabikanti ꞌain.

1 Samuel 12:20 ပူးပေါင်းရင်းမြစ်များ

Salmos 40:4

¡Chuámarua ka uni ax Nukën ꞌIbumi katamëkë ax ꞌiti ꞌikën, usa ꞌain ka sinánñumasa ꞌaish rabinimaishi banakë unikama, ꞌianan an Diosmabi bëtsi ñu rabikë a unikaman kakësoi ꞌitima ꞌikën!

Éxodo 32:30

Usakin ónkë pëkarakëbëtan ka Moisésnën unikama kakëxa: —Mitsux kamina ꞌatima ñuira ꞌai chaiira ꞌuchakan, usa ꞌain kana aín bashi mapërakëtankëx Diosbë banai kuanti ꞌain, mitsux ꞌuchakë kupín kara uisokin Nukën ꞌIbun ꞌë kaia kuati kuanti ꞌain.

Deuteronomio 10:12

Usa ꞌain ka Moisésnën israel unikama kakëxa: ¿añumi mitsun ꞌati kara Diosan kuëënin? An ka kuëënia ax kikësabiokin aín bana kuakin, nun nuitu upí ꞌixun nuibakin ami sinánkin rabiti,

Deuteronomio 31:29

ꞌËn kana ꞌunánin ꞌëx ñukëbëtan kamina bëtsi bëtsi ñu ꞌakin ꞌën usai ꞌiti ñuixunkë banakama mitsun ënxun ꞌain; ꞌimainun kana ꞌunanin mitsun bakë bëchikëkamaxribi ka ꞌatima ñu ꞌai ꞌitsaira tëmëranuxun ꞌaia, usai ꞌikin kamina mitsun Nukën ꞌIbu nishminuxun ꞌain kixun ka Moisésnën atu kakëxa.

1 Pedro 3:16

A sinani masá nuitunuxun ñu ꞌatima ꞌaíma camina chuámashi ꞌiti ꞌain. Usaími mitsux Cristonën ꞌimicëx upitax ꞌia isi ca an mitsu ꞌatimaquin ñuicë unicama —nuxnu quicë bana ax ca cëmë ꞌicë —quixun sinani rabínti ꞌicën.

1 Samuel 12:19

Usai ꞌikin ka kamabi unikaman Samuel kakëxa: —Min kamina Dios ñukáti ꞌain, an mi ñu mëëxunti unikama nu kupí, an ka nu këñunun ꞌimitima ꞌikën; nun kananuna ami ꞌaisamairai ꞌuchakë ꞌixunbi amiribishi achúshi ꞌapu nu ꞌinánun kixunribi ñukan.