1 Samuel 12:19 - Kashibo-Kakataibo Biblia

¹⁹ Usai ꞌikin ka kamabi unikaman Samuel kakëxa: —Min kamina Dios ñukáti ꞌain, an mi ñu mëëxunti unikama nu kupí, an ka nu këñunun ꞌimitima ꞌikën; nun kananuna ami ꞌaisamairai ꞌuchakë ꞌixunbi amiribishi achúshi ꞌapu nu ꞌinánun kixunribi ñukan.

1 Samuel 12:19 ပူးပေါင်းရင်းမြစ်များ

Génesis 20:7

ꞌAínbi kamina bërí, a xanu aín bënë ꞌinántëkënti ꞌain, ax ka an Dios kikë bana ñuixunkë ꞌikën, usa ꞌixun ka an mi ꞌë ñukáxunti ꞌikën, ñukáxunkëx kamina mix upitax tsóti ꞌain; usa ꞌain kamina bëríbi a uni aín xanu ꞌinántëkënti ꞌain, ami ꞌinankëbëma ka min xanu ꞌimainun min xubunu ꞌikë unikamaribi këñuti ꞌikën.

Job 42:8

Usa ꞌain kamina bërí ꞌëx mitsumi nishkë a nëtë́tanun, mapai achúshi ꞌimainun rabë́ vaca bërí kanikë këñun mapai achúshi ꞌimainun rabë́ carnero bibiani uinu kara ꞌën uni Job ꞌia anu a buani kuanti ꞌain, anuxun kamina a ñuinakama rëxun ꞌaímai këñutanun xaroti ꞌain. Usakin ꞌakëbëtan ka ꞌën uni Jobnën mitsu ꞌë ñukáxunti ꞌikën, ñukákëxun kana an ꞌë kakësabiokin, mitsu uisabi otima ꞌain, mitsun kamina asérabi ꞌë ñui upiti banaiman, ꞌën uni Job ax kikësai.

Éxodo 10:17

ꞌaínbi kamina ashikin ꞌëx mimi ꞌuchakë ënë ꞌëbë mëníonankin min Dios ꞌëribi ñukáxunti ꞌain, ñukákin kamina champu ꞌaisamaira ënë kara nëtë́mitima ꞌikë ñukáti ꞌain, nun ñu ꞌapákëkama ka ꞌaisamaira okin këñuia usa aín.

Éxodo 32:30

Usakin ónkë pëkarakëbëtan ka Moisésnën unikama kakëxa: —Mitsux kamina ꞌatima ñuira ꞌai chaiira ꞌuchakan, usa ꞌain kana aín bashi mapërakëtankëx Diosbë banai kuanti ꞌain, mitsux ꞌuchakë kupín kara uisokin Nukën ꞌIbun ꞌë kaia kuati kuanti ꞌain.

Éxodo 9:28

ꞌAisamaira kanákamë ꞌëo banai sharakirumainun ka matsi bëruñu nunu pakëtia, usa ꞌain kana mitsu kuainsa tania bëruntëkëntima ꞌain. Usa ꞌain kamina mitsun Nukën ꞌIbu nu ñukáxunti ꞌain, ꞌën mitsu kuantanun xumainun.

Jeremías 15:1

Ësakin ka Nukën ꞌIbun ꞌë kakëxa: Mitsun chaitiokë Moisés ꞌimainun Samuelnën ꞌë bëtánain nirakëxun usakin kamina ꞌatima ꞌai kixun kakëxunbi kana ënë unikama nuibatima ꞌain. Usa ꞌain kamina anu ꞌëx ꞌikë ënuax chikíkiania kuantanun ënë unikama kati ꞌain.

Jeremías 37:3

Usa ꞌain ka ꞌapu Sedequíasnën Israel uni rabë́, an bana ñuikë Jeremíasbë banatanun xuakëxa, akamax ka Jucal Selemíasnën bakë bëchikë ꞌimainun sacerdote Sofonías Maaseíasnën bakë bëchikë a rabë́ xukin ka ësokian katánun kakëxa: “Nukama kamina Nukën ꞌIbu Dios ñukáxunti ꞌain.”

Malaquías 1:9

Mitsun kamina Dios nukama nuibanun kixun abë banakin kati ꞌain. ꞌAínbi kamina usakin a ꞌinánti ñu a ꞌinánkin Diosan ka a ñukama upíokin bitsia kixun mitsun sinánkantima ꞌain. Dios kamabi kushiñu ax ka ësai kia:

Números 21:7

Usokëbë anua ꞌikë anu kuanxun ka Israel unibunën Moisés kakëxa: —¡Nukamax kananuna Nukën ꞌIbu ñui ꞌatimati bananan mi ñuiribi ꞌatimati banai ꞌuchan! ¡Usa ꞌain kamina Nukën ꞌIbu ënua runu nëtëminun kati ꞌain! Kakëxun ka Moisésnën atun ꞌuchakama tërënxunun Nukën ꞌIbu ñukáxuankëxa,

Hechos 8:24

Cacëxun ca Simonan Pedro cacëxa: —Min ꞌë cacë bana usai ꞌëx ꞌiaxma ꞌinun camina mitsun Nucën ꞌIbu Dios ꞌë ñucáxunti ꞌain.

Santiago 5:15

Asérabi ca an ënë uni pëxcuti ꞌicë quixun sinánquinmi a ñucáxuncëxun ca Nucën ꞌIbu Jesucristonën ñucë uni pëxcuti ꞌicën. Pëxcüanan ca aín ꞌuchacama tërë́nxunti ꞌicën.

1 Juan 5:16

Abëa Jesucristomi catamëcë uni itsían ñu ꞌatima ꞌaia ꞌunánquin ca unin —tërë́ntisama ꞌinun ca ꞌuchacëma ꞌicë —quixun sinánquin aín ꞌucha tërë́nquin sinanaminun Nucën Papa Dios ñucáxunti ꞌicën. Ñucáxuncëxun ca Nucën Papa Diosan aín ꞌucha tërë́nquin a uni upí ꞌitëcënun ꞌimiti ꞌicën. Usa ꞌaínbi cana axa tërë́ntisama ꞌinun ꞌuchacë uni a Nucën Papa Dios ñucáxunun quixun mitsu caiman.

1 Samuel 12:13

Ënu ka bërí mitsun kaiskankë ꞌapu a ꞌikën; Nukën ꞌIbu Diosan ka mitsun mi kuëënkë ꞌapu a mikama ꞌinánxa.

1 Samuel 12:17

Mitsúnbi kamina ꞌunan bërí ka anun trigo bimi biti ꞌuxë ꞌikën, ꞌaínbi ka ꞌuñe ꞌibutíma, ¿asérabi kara usa ꞌik? Usa ꞌaínbi ka ꞌën ñukákëxun Nukën ꞌIbun ka kaná banamianan uñeribi ꞌibúnun ꞌimiti ꞌikën, usokin ꞌakëbëtan kamina mitsun sinanakin ꞌunánti ꞌain, nun kananuna Nukën ꞌIbu kuëënkëma ñu ꞌakin achúshi ꞌapu nu ꞌinánun ñukákën kixun.”

1 Samuel 12:20

Kikania ka Samuelnën atu kakëxa: —Kamina rakuë́kantima ꞌain. Ax ka asérabi ꞌikën mitsúnbi kamina ꞌaisama ñuira ꞌan; usa ꞌain kamina bërí an kakësokin ꞌaisamatankinma asérabi ashi min nuitunënbi sinánkin Nukën ꞌIbu rabikanti ꞌain.

1 Samuel 12:23

ꞌËn kana mitsu Nukën ꞌIbu ñukaxunkin ëntima ꞌain, mitsu ñukáxunima kana ami ꞌuchakë ꞌiti ꞌain. ꞌIanan kana uisai kaina mitsux an kuëënkësabi ꞌoíshi tsóti ꞌain akama ꞌunánmiti ꞌain.

1 Samuel 7:5

Usokin ꞌatankëxun ka Samuelnën, an timë́kanun kixun kati uni xuakëxa: “Xukëxun kakëx uax Mispá kakë ëmanu timë́kankëxa, anuxun ka Nukën ꞌIbu ꞌakinun ñukáxuankëxa.”

1 Samuel 7:8

usai ꞌikin ka Samuel kakankëxa: “Nukën Ibu nu ñukaxunkin kamina ëntima ꞌain, an ka filisteo unikaman ꞌati ꞌikëbi nu ië́miti ꞌikën.”

1 Samuel 8:6

ꞌAínbi ka Samuelnën atun ꞌapu achúshi anëxunun kixun kakëxunbi atu kuëënxuama ꞌikën, kuëënkinma ka abë banakin Nukën ꞌIbu kakëxa. Israel kamax ka atun ꞌapu achúshiñu ꞌisatania kixun kakëxa;