1 Samuel 12:12 - Kashibo-Kakataibo Biblia

¹² ꞌAínbi kamina Nahas amonitakaman ꞌapu axa mitsu ꞌanux kuankëbëtan atumi rakuë́kin achúshi ꞌapu an mitsu ꞌakinti anëxunun kiax kikankën Diosmi katamëti sinanima.

1 Samuel 12:12 ပူးပေါင်းရင်းမြစ်များ

Génesis 17:7

ꞌËn kana achúshi ñu mibëtan ꞌain ꞌimainun kana min rëbúnki kamabëtanribi ꞌanuxun ꞌain, usa ꞌain kana ꞌëx min Dios xënibua ꞌaínbi ꞌiti ꞌain, ꞌianan kana atun Diosribi ꞌinuxun ꞌain.

Isaías 33:22

Usa ꞌain ka Nukën ꞌIbu ax an bana nu mëníoxunkë ꞌixun a tanti banakama nukama ꞌaxunia, ꞌimainun ka ax nukaman ꞌapu ꞌikën, usa ꞌixun ka an nu ië́miti ꞌikën. Axa numi nishkë unikaman atun nunti anun tëkërëkakë itsikaman ka churukukë ꞌixun ami tëkërëkakë i a tuinima, usa ꞌain ka ami tëkërëkakë chupa ax pënimëtima. Usai ꞌikëbëtan kananuna numi nishkë unikaman atun ñu kupíkë bikuanti ꞌain, bimainun ka bëxuñu unikama ꞌimainun aín taëmi ñukë unikamanribi atun ñu kamabi atima onan numi nishkë unikaman ñu bikuanti ꞌikën.

Oseas 13:10

Usa ꞌain kara ¿uinu bërí min ꞌapu, an ëmakamanua mi ië́miti ax ꞌik? ꞌAíma ka. ¿Uinu kara mitsún kushibu ꞌimainun ꞌapukama anëxunti ñuká ꞌapu ax ꞌik?

Números 23:21

Uínbi ka paránani ꞌatimonania Israel unibu Jacobnën rëbúnkikama iskëma ꞌikën. Usa ꞌain ka Dios atubë ꞌikën, usa ꞌikë ka atun ꞌapusa ꞌikë rabia.

Jueces 8:23

Kixuan kakëxunbi ka Gedeónën atu kakëxa: —ꞌË ꞌimainun ꞌën bëchikënëxbi ka mitsun ꞌapu ꞌitima ꞌikën, Nukën ꞌIbux kuni ka mitsun ꞌapu ꞌiti ꞌikën.

Jueces 9:18

usa ꞌaínbi kamina bërí mitsux ꞌën papa ꞌimainun aín aintsikamami nishkin aín bakë bëchikë setenta unikama a maxá chaiira ꞌikë anuxun ꞌakan. Usokin aín xukë́nkama ꞌaxun kamina, xukënñuma uni ꞌakësokin Abimélec ꞌapu anëkan, ax ka Jerubaalnëa aín xanu an ñu mëëxunkë xanumi bakë bëchia ꞌaish mitsun aintsi ꞌikë kupíshi kamina usokin ꞌakan.

1 Samuel 10:19

ꞌAínbi kamina mikaman bërí Diosma ꞌikë ꞌakësa okinra kuëënkima rakan, an kamabi ñu ꞌaisama ꞌanan tëmërakin ñu mëi atsánkë ꞌikë chikían ꞌixunbi. ꞌImainun kamina ami manúkin a rakani axa mitsun ꞌapu ꞌiti achúshi uni anëxunun kikan. Usa ꞌain kamina bërí Nukën ꞌIbu rabi anu ukanti ꞌain, ꞌaínbi kamina, atun bananbi banakë akama abiribi ñaká, umainun ka ñakátibi aín aintsibë aintsibë uti ꞌikën.

1 Samuel 8:3

Usa ꞌaínbi ka aín bakë bëchikëkaman aín papa ꞌakësokin ñu ꞌaíma, ꞌitsaira ñuñu ꞌiti kuëënkin, unikama bëtsibë ꞌatima onankë a mëníoxunkinma a kupíonun kixun ꞌamikin upíokin ñu ꞌama ꞌikën.