1 Samuel 12:11 - Kashibo-Kakataibo Biblia

¹¹ Usakin ñukákëxun ka Nukën ꞌIbun Jerubaal, Barac, Jefté ꞌimainun ka Samuel mitsu ꞌakinun kixun xuakëxa, xukëxun kananuna axa mitsumi nishkë unikaman ꞌibuakë ꞌikëbi mitsu ꞌakiankën upitaxmi bukukanun.

1 Samuel 12:11 ပူးပေါင်းရင်းမြစ်များ

Jueces 4:6

Achúshi nëtën ka Déboranën Barac kakë uni Abinóamnën, Quedes kakë ëma achúshi anua Neftalí ñaká unikama bukukë anua katánun xukin ësokin kakëxa: Israelkaman ꞌIbu ꞌimainun ain Dios ax ka ësokinmi ꞌanun kiaxa: Aín bashi Tabor kakë anu kamina diez mil Neftalí ꞌimainun Zabulón unikaman suntáru anu timëti ꞌain.

Jueces 6:14

Ësokian kakëxun ka Nukën ꞌIbun ángelnën bëískin kakëxa: —Mix kamina ꞌaisamaira kushiñu ꞌain, usa ꞌain kamina madianita unikaman Israelkama ꞌaisamaira okë a isti ꞌain. ꞌËn kana mi kuantanun xuti ꞌain.

Jueces 6:31

Kiabi ka Joásnën anu rikuatsinxua an kakë unikama kakëxa: —¿Mitsux kaina Baalnën rabanan në́ti anun rabanan mëëananti ꞌain? ¡ꞌËx kana kuëënin uix kara Baalnën rabanan në́tia ax ka pëkarakuatsínkëma ꞌaínshi ñukë ꞌiti ꞌikën! Baal ax Dios ꞌixun ka anuxun a rabiti rurupakë a abi mëníoti ꞌikën, ax ka anuxun a rabikë ꞌiakëxa.

Jueces 6:32

Usokin anuxun ꞌakë ka Gedeón ꞌikëbi Jerubaal kakin anëi ësai kikankëxa: “Baalnëx ka abi bërúankati ꞌikën,” Gedeónnëbi ka anuxun Baal ñuina xaroxunti a rurupaxa.

Jueces 7:1

Gedeón ꞌikëbi Jerubaal kakinribi anëkë ax ka abëa ꞌikë aín suntárukama pëkarakëma ꞌaínshi tsuákarubiani kuantankëx anua Harod kakë anubia unia ꞌumpax ꞌikë ꞌurama anu bukubuakëxa. Anua atux ꞌimainun ka madianita unikama ax aín tsipumi anuaxa aín bashi Moré kakë pëukukë me sapan anu ꞌiakëxa.

Jueces 8:29

Jerubaal kakë ꞌianan Gedeón kakëribi uni ax ka ain ëmanubi tsóti kuankëxa, anuxun ka setenta uniakë sënë́nmikin bakë bëchipakëxa, ꞌianan ka ꞌitsaira xanuñu uni ꞌiakëxa.

Jueces 8:35

ꞌimainun ka an atu ꞌakinkë Jerubaal kanan Gedeón kakë uni ax ñukëma pain ꞌixuan atu ꞌakinkë a sinanima ain aintsi ꞌibukamabë nuibanani tsótima atubë nishanankëxa.

1 Samuel 3:20

ꞌImainun ka kamabi Israelkaman ꞌunánmainun Dan kakë ëma anuxun ꞌunánmainun, Beerseba anuxunribi Samuelnën ka këmëkinma asérabi Dios kikë bana uni ñuixunia kixun ꞌunánkankëxa.

1 Samuel 7:13

Usakin ka Israel suntárukama filisteokaman ꞌakëxa, usakian ꞌakëx ka amiribishi Israel kaman menu kuantëkëama ꞌikën; usa ꞌain ka Samuel atubë tsókëpan ꞌain filisteo unikaman atu ubioxuma ꞌanun Nukën ꞌIbun ꞌimiakëxa.