1 Samuel 11:8 - Kashibo-Kakataibo Biblia

⁸ Usa ꞌain ka Saúlnën aín unikama tupunkin, Bézec ꞌikë anu ka trescientos mil Israel ꞌimainun treinta mil Judánu ꞌikë unikama timë́axa kixun kakëxa.

1 Samuel 11:8 ပူးပေါင်းရင်းမြစ်များ

1 Samuel 11:9

Katankëxun ka axa bana chanioi Jabésnuax kuanx bëbakë unikama an ësokin kakëxa: —Jabésnu ꞌikë unikama kamina kai kuanti ꞌain, imë́ishi bari xamarukëbëtan kananuna atu ië́miti aín. Ësokin Saúlnën kakëx kuantëkëxua a unikaman ñuixunkëxun ka Jabésnu tsókë unikaman, ꞌitsaira kuëënkin.

1 Samuel 13:15

Ësokin kaxun ëbianishi ka Samuel Guilgalnuax kuani kuankëxa. Kuamainun ka suntáru raíribë Saúl anuaxa ꞌakananux mëníokatinu atúxribi Guilgalnuax kuanx Guibeá Benjamínën ëma kakë anu kuanx bëbakëxa. Anuxun ka Saúlnën aín suntáru abëa ꞌakanani kuankëkama tupuankëxa, ꞌaínbi ka seiscientos mil unibëtan sënë́nsa ꞌiakëxa.

1 Samuel 15:4

Usakia kakëxun ka Saúlnën Israel suntárukama an Telaim kakë ëmanu timënun kixun xuakëxa, anu timë́kë ka atun anën kuënkin kamabi suntáru tupuankëxa, tupúnkëx ka doscientos mil suntáru axa men kuani ꞌakanankë ꞌiakëxa, ꞌimainun ka Judánën rëbúnki kamax diez mil suntáru ꞌiakëxa.